Skanda Release Date: ‘స్కంద‘ వాయిదా - 'సలార్' విడుదల తేదీకి వెళ్లిన బోయపాటి, రామ్ సినిమా

రామ్ పోతినేని తాజా చిత్రం ‘స్కంద‘ రిలీజ్ డేట్ మారింది. సెప్టెంబర్ 28న ఈ మూవీని రిలీజ్ చేయనున్నట్ల మేకర్స్ అఫీషియల్ ప్రకటించారు. ఎందుకు రిలీజ్ డేట్ మార్చాల్సి వచ్చిందనే విషయాన్ని మాత్రం వెల్లడించలేదు.

ఎనర్జిటిక్ స్టార్ రామ్ పోతినేని, క్యూట్ బ్యూటీ శ్రీలీల జంటగా నటించిన లేటెస్ట్ మూవీ ‘స్కంద‘. బోయపాటి దర్శకత్వంలో ఈ మూవీ తెరకెక్కించింది. ఈ సినిమాను సెప్టెంబర్ 15న వినాయక చవితి సందర్భంగా ప్రేక్షకుల ముందుకు తీసుకురానున్నట్లు గతంలో చిత్రబృందం ప్రకటించింది. తెలుగుతో పాటు తమిళ, కన్నడ, మలయాళ, హిందీ భాషల్లో అట్టహాసంగా రిలీజ్ చేస్తామని వెల్లడించింది. అయితే, తాజాగా మేకర్స్ సినిమా విడుదలను వాయిదా వేశారు. సెప్టెంబర్ 15న విడుదల కావాల్సిన ఈ చిత్రాన్ని సెప్టెంబర్ 28న ప్రేక్షకుల ముందుకు తీసుకురాబోతున్నారు.  చిత్ర నిర్మాణ సంస్థ ఈ విషయాన్ని అధికారికంగా ప్రకటించింది.

మాస్ యాక్షన్  సీన్లతో ఆకట్టుకున్న ట్రైలర్

ఇక ఇప్పటికే విడుదలైన  ‘స్కంద‘ ట్రైలర్ యాక్షన్ సీన్లతో అదరిపోయింది. బోయపాటి మాస్ హీరోయిజం ఆకట్టుకుంది.   యాక్షన్ సీన్లు ట్రైలర్ కే హైలైట్ గా నిలిచాయి. ట్రైలర్‌లో రామ్‌ చెప్పే పంచ్‌ డైలాగ్‌లు 'ఇయ్యాలే.. పొయ్యాలే.. గట్టిగా అరిస్తే తొయ్యాలే.. అడ్డమొస్తే లేపాలే' పటాసుల మాదిరి పేలాయి. రామ్‌ను మాస్‌ లుక్‌లో బోయపాటి చూపించారు.  ఈ సినిమాకు సంబంధించిన సాంగ్స్ ప్రేక్షకులను అలరించాయి. మొదటి రెండు పాటలను హీరో హీరోయిన్లపై తెరకెక్కించగా,  మూడో పాటలో ఫ్యామిలీ ఎమోషన్స్ చూపించారు. మొత్తంగా ఈ సినిమాపై ప్రేక్షకులలో భారీగా అంచనాలు ఉన్నాయి.   

విడుదలకు ముందే రూ. 100 కోట్ల బిజినెస్

ఇక ఇప్పటికే ఈ సినిమాకు సంబంధించిన బిజినెస్ జోరుగా జరుగుతోంది. తెలుగు, తమిళం, కన్నడ, మలయాళం, నాలుగు భాషలకు సంబంధించిన ‘స్కంద’ ఓటీటీ, శాటిలైట్ రైట్స్ డిస్నీ ప్లస్ హాట్ స్టార్ ఓటీటీ యాప్, దాని అనుబంధ ఛానళ్ళు దక్కించుకున్నాయి. ఇందుకోసం రూ. 54 కోట్లకు డీల్ చేసుకున్నట్లు తెలుస్తోంది. మరోవైపు 'స్కంద' హిందీ ఓటీటీ శాటిలైట్, థియేట్రికల్ హక్కులను రూ. 35 కోట్లకు జీ స్టూడియోస్ తీసుకుంది. ఆడియో రైట్స్ ద్వారా మరో రూ. 9 కోట్లు వచ్చాయని సమాచారం. మొత్తంగా విడుదలకు ముందే రూ. 100 కోట్ల బిజినెస్ జరిగింది.   

స్పెషల్ సాంగ్ తో అలరించనున్న ఊర్వశి రౌతేలా

రామ్ పోతినేని- శ్రీ లీల జంటగా బోయపాటి శ్రీను దర్శకత్వంలో తెరకెక్కిన ఈ మాస్ ఫ్యామిలీ ఎంటర్‌టైనర్‌ లో  సయీ మంజ్రేకర్ రెండో హీరోయిన్ గా చేస్తోంది.  శ్రీకాంత్, ఇంద్రజ, గౌతమి, పృథ్వీరాజ్, ప్రిన్స్ కీలక పాత్రలు పోషిస్తున్నారు. బాలీవుడ్ బ్యూటీ ఊర్వశి రౌతేలా ఈ చిత్రంలో స్పెషల్ సాంగ్ చేశారు. 'స్కంద' మూవీని  శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి  ర్మిస్తున్నారు. పాన్ ఇండియా సినిమాగా తెరకెక్కిన ‘స్కంద’ (Skanda Movie) సెప్టెంబర్ 28న ప్రేక్షకుల ముందుకు రానుంది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial