ఏఆర్ మురుగదాస్ దర్శకత్వంలో సినిమా అంటే ఒకప్పుడు ప్రేక్షకులలో విపరీతమైన క్రేజ్ నెలకొనేది. అటువంటి దర్శకుడు ఒక్కసారిగా కనుమరుగు అయిపోయారు. తమిళ అగ్ర హీరోలతో సినిమాలు చేసిన ఆయన... సూపర్ స్టార్ రజనీకాంత్ కథానాయకుడిగా దర్బార్ తీసిన తర్వాత మరో సినిమా చేయలేదు. కరోనా కూడా దర్శకుడిగా ఆయన విరామానికి ఓ కారణమని చెప్పాలి. మూడేళ్ల విరామం తర్వాత మురుగదాస్ మరో సినిమాను సెట్స్ మీదకు తీసుకు వెళ్లడానికి సన్నాహాలు చేస్తున్నారు.
శివ కార్తికేయన్ సినిమాలో మోహన్ లాల్?
యువ తమిళ కథానాయకుడు శివ కార్తికేయన్, ఏఆర్ మురుగదాస్ కలయికలో ఓ సినిమా రూపొందుతున్న సంగతి తెలిసిందే. ఆ చిత్రానికి జైలర్ టచ్ ఇవ్వనున్నట్లు కోలీవుడ్ టాక్.
Mohanlal In Sivakarthikeyan Movie : శివ కార్తికేయన్ సినిమాలో ఓ ప్రధాన పాత్రకు మలయాళ అగ్ర కథానాయకుడు మోహన్ లాల్ అయితే బాగుంటుందని ఏఆర్ మురుగదాస్ భావిస్తున్నారట. అంతేకాదు ఇటీవల మలయాళ హీరోని కలిసి కథ, అందులో ఆయన పాత్ర గురించి పూర్తిగా వివరించారట! కీలక పాత్రలు చేయడానికి మోహన్ లాల్ ఎప్పుడూ రెడీగా ఉంటారు. ఏడాది రజనీకాంత్ జైలర్ సినిమాలో ఆయన చేసిన పాత్రకు ఫెంటాస్టిక్ రెస్పాన్స్ లభించింది. దాంతో శివ కార్తికేయన్ సినిమాలో మరో స్పెషల్ క్యారెక్టర్ అనే సరికి తమిళనాట క్రేజ్ నెలకొంది.
మురుగదాస్ తుపాకీ టచ్ కూడా ఇస్తున్నారా?
Vidyut Jamwal In Sivakarthikeyan Movie : మోహన్ లాల్ మాత్రమే కాదు... శివ కార్తికేయన్ సినిమాలో మరో ప్రధాన పాత్రకు బాలీవుడ్ కథానాయకుడు విద్యుత్ జమాల్ పేరు కూడా వినిపిస్తోంది. ఆల్రెడీ మురుగదాస్ దర్శకత్వంలో నటించిన అనుభవం ఆయనకు ఉంది. దళపతి విజయ్ హీరోగా మురుగదాస్ తీసిన తుపాకీ సినిమాలో విలన్ క్యారెక్టర్ చేశారు విద్యుత్ జమాల్. సో... మురుగదాస్ అడిగితే కాదని అనరు.
Also Read : 'యానిమల్'కు పోటీగా మాజీ ప్రేయసి భర్త సినిమా - డిసెంబర్ 1న భలే క్లాష్!
శివ కార్తికేయన్ జోడిగా మృణాల్ ఠాకూర్?
శివ కార్తికేయన్ 23వ చిత్రం ఇది. ఇందులో కథానాయకగా మృణాల్ ఠాగూర్ పేరు వినపడుతోంది. సీతారామన్ సినిమాతో తెలుగు నాట మృణాల్ మంచి పేరు తెచ్చుకున్నారు. ఆ తర్వాత నాచురల్ స్టార్ నాని 'హాయ్ నాన్న', రౌడీ బాయ్ 'ది' విజయ్ దేవరకొండ 'ఫ్యామిలీ స్టార్' సినిమాలలో నటించే అవకాశాలను సొంతం చేసుకున్నారు. ఇప్పుడు ఈ సినిమాతో తమిళనాడులో అడుగు పెట్టడానికి ప్రయత్నిస్తున్నారు.
Also Read : 50 రూపాయలకు 'మంగళవారం' సినిమా - ఏపీ, తెలంగాణలో టికెట్ రేట్లు చూశారా?
శివ కార్తికేయన్, ఏఆర్ మురుగదాస్ సినిమాకు అనిరుధ్ రవిచందర్ సంగీతం అందించనున్నారు. ఈ సినిమాను శ్రీ లక్ష్మి మూవీస్ ప్రొడ్యూస్ చేస్తోంది. మరిన్ని వివరాలు త్వరలో వెల్లడించనున్నారు.