'ది ఫ్యామిలీ మ్యాన్ 2' వెబ్ సిరీస్‌తో సమంతకు దేశ వ్యాప్తంగా గుర్తింపు లభించింది. ఆమె నటనకు చాలా మంది ఫిదా అయ్యారు. ముఖ్యంగా ఉత్తరాది ప్రేక్షకులు, చిత్ర పరిశ్రమ ప్రముఖులు కూడా! అందుకని, ఆమెకు హిందీ నుంచి అవకాశాలు క్యూ కడుతున్నాయని టాక్.


సమంత ప్రధాన తారగా తానొక సినిమా ప్రొడ్యూస్ చేస్తున్నానని హీరోయిన్ తాప్సీ పన్ను వెల్లడించారు. హిందీలో సమంతకు అది తొలి సినిమా. ఇంకా ఆ సినిమా షూటింగ్ స్టార్ట్ కాలేదు. దాని తర్వాత మరో సినిమా (Samantha Second Bollywood Project) కూడా చర్చల్లో ఉందని తెలుస్తోంది. ఆయుష్మాన్ ఖురానా హీరోగా దినేష్ విజయన్ నిర్మించనున్న సినిమాలో ఆమె నటించనున్నారని సమాచారం. అది కాకుండా మరో రెండు సినిమాలు చర్చల్లో ఉన్నాయట!


Samantha To Act With Vicky Kaushal:  విక్కీ కౌశల్ హీరోగా 'ఉరి: ది సర్జికల్ స్ట్రైక్' తీసిన ఆదిత్య ధర్, ఇప్పుడు 'ఇమ్మోర్టల్ అశ్వథామ' సినిమా ప్లాన్ చేశారు. అందులో సమంతను నాయికగా తీసుకోవాలని దర్శక - నిర్మాతలు భావిస్తున్నారట. ఇటీవల ఆమెను కలిసిన దర్శకుడు కథ కూడా చెప్పారట. సమంతకు కథ నచ్చిందని, చర్చలు జరుగుతున్నాయని సమాచారం. తొలుత ఈ సినిమాలో కథానాయికగా సారా అలీ ఖాన్ పేరు వినిపించింది. ఇప్పుడు ఆమెను తప్పించి సమంతను తీసుకునే ప్రయత్నాలు జరుగుతున్నాయి. 


విక్కీ కౌశల్ సినిమా పక్కన పెడితే... అక్షయ్ కుమార్, సమంత (Akshay Kumar Samantha Movie) జంటగా కరణ్ జోహార్‌కు చెందిన ధర్మ ప్రొడక్షన్స్ ఒక సినిమా ప్లాన్ చేస్తున్నట్టు ముంబై టాక్. 'కాఫీ విత్ కరణ్' షోలో అక్షయ్, సమంత సందడి చేయనున్న సంగతి తెలిసిందే. 


Also Read : సమ్మర్ సీజన్ టార్గెట్ చేసిన మహేష్ & త్రివిక్రమ్, SSMB 28 షూటింగ్ ఎప్పుడు స్టార్ట్ చేస్తారంటే?


ఫిమేల్ ఓరియెంటెడ్ సినిమాలు 'శాకుంతలం', 'యశోద', విజయ్ దేవరకొండ 'ఖుషి'... ప్రస్తుతం సమంత చేతిలో ఉన్నవి అన్నీ ప్లాన్ ఇండియా సినిమాలే. ఆమె ప్లానింగ్ చూస్తుంటే... ప్రస్తుతం సెట్స్ మీద ఉన్న సినిమాలు పూర్తయిన తర్వాత కూడా పాన్ ఇండియా సినిమాలు చేయాలని ప్రయత్నిస్తున్నట్టు ఉన్నారు. ముంబైకు మకాం మార్చాలని సమంత ఆలోచిస్తున్నట్టు ఫిల్మ్ నగర్ వర్గాలు వ్యాఖ్యానిస్తున్నాయి. 


Also Read : 'మోడ్రన్ లవ్ హైదరాబాద్' రివ్యూ: మోడ్రన్ రిలేషన్షిప్స్ ఎలా ఉన్నాయి? సిరీస్ ఎలా ఉంది?