Samantha : Fight Like A Girl అంటోన్న సమంత.. నాగ చైతన్య పెళ్లి సందర్భంగా వైరల్ అవుతున్న పోస్ట్, ఇన్​డైరక్ట్​గా వారికి కౌంటర్​ ఇవ్వలేదుగా

Samantha Insta Story : సోషల్ మీడియాలో సమంత పెట్టిన ఓ స్టోరి ఇప్పుడు వైరల్​గా మారింది. Fight Like A Girl అంటూ పెట్టిన పోస్ట్​పై నెటిజన్లు తెగ చర్చిస్తున్నారు ఎందుకంటే.. 

Samantha's Instagram Story on Naga Chaitanya's Wedding Day : స్టార్ హీరోయిన్ సమంత సోషల్ మీడియాలో బాగా యాక్టివ్​గా ఉంటుంది. అయితే రీసెంట్​గా ఆమె తండ్రి చనిపోయిన తర్వాత ఆమె పెద్ద యాక్టివ్​గా ఉండట్లేదు. అయితే ఈరోజు మాత్రం మళ్లీ ఇన్​స్టాలోకి వచ్చింది సమంత. Fight Like A Girl అంటూ ఓ వీడియోను ఇన్​స్టా స్టోరిలో పోస్ట్ చేసింది. అయితే ఇప్పుడు ఈ విషయం హాట్ టాపిక్​గా మారింది. ఎందుకంటే ఆమె ఎక్స్ హజ్బెండ్ నాగచైతన్య, శోభితల పెళ్లి మరికొద్దిసేపట్లో జరగనుంది. ఈ సమయంలో సామ్ పోస్ట్ చేసిన వీడియో, హ్యాష్ ట్యాగ్ అందరికీ ఆసక్తిని కలిగిస్తుంది. ఇంతకీ వీడియోలో ఏముందంటే.. 

రీల్​లో ఉన్నది ఇదే

సమంత ఇన్​స్టాలో పోస్ట్ చేసిన రీల్​లో.. ఓ అమ్మాయి, అబ్బాయి కుస్తీ పడుతుంటారు. అయితే అబ్బాయిలో ఓడించేస్తాను అనే కాన్ఫిడెన్స్ ఉంటుంది. అమ్మాయి కాస్త భయంగానే బరిలోకి దిగుతుంది. కానీ చివరికి అమ్మాయే గెలుస్తుంది. దీంతో ఓడిపోయిన అబ్బాయి ఏడుస్తూ ఉంటాడు. ఈ వీడియోను షేర్ చేసి.. దానికి సమంత Fight Like A Girl అంటూ హ్యాష్ ట్యాగ్ ఇచ్చింది. 

 

నెటిజన్ల క్యూరియాసిటీ

నాగచైతన్య, శోభితల పెళ్లి నేపథ్యంలో సమంత ఏమి పోస్ట్ పెడుతుందా అనే క్యూరియాసిటీ నెటిజన్లలో ఉంది. అయితే ఆమె షేర్ చేసిన ఈ వీడియోను, పెట్టిన హ్యాష్​ ట్యాగ్​ను స్క్రీన్ షాట్ తీసి.. దానిని మీమ్స్ వేస్తున్నారు. ఎవరికైనా ఇన్​డైరక్ట్ కౌంటర్​ ఇస్తున్నావా? సామ్ అని కొందరు పోస్ట్ చేస్తుంటే.. మరికొందరు కావాలనే ఈ పోస్ట్ పెట్టిందంటూ సోషల్ మీడియాలో మినీ యుద్ధమే చేసుకుంటున్నారు. 

స్టోరి పెట్టింది అందుకేనా?

సమంత ఇలాంటి పోస్ట్​లు షేర్ చేస్తూనే ఉంటుంది. అయితే ఇప్పుడే ఎందుకింత క్రేజ్​ అంటే.. మరికొద్ది గంటల్లో ఆమె మాజీ భర్త నాగచైతన్య వివాహం జరుగుతుంది. అందుకే సమంత ఈ పోస్ట్ పెట్టిందని నెటిజన్లు భావిస్తున్నారు. హీరో, హీరోయిన్​గా సినిమా చేసి, ఫ్రెండ్స్​గా మారి.. ఆ జర్నీలో ప్రేమలో పడ్డారు సమంత, నాగచైతన్య. తర్వాత పెద్దల సమక్షంలో పెళ్లి కూడా చేసుకున్నారు. టాలీవుడ్​లో క్యూట్​ కపుల్​గా కొన్నాళ్లు సోషల్ మీడియాలో హల్​చల్ చేశారు. అయితే లాక్​డౌన్​ తర్వాత విడిపోతున్నట్లు తెలిపారు. 

విడాకుల తర్వాత.. 

విడాకుల తర్వాత సమంత, నాగచైతన్య వారి సినిమాలు, సిరీస్​లలో బిజీగా ఉన్నారు. సమంత తన హెల్త్, పర్సనల్ లైఫ్, సినిమాలపై ఫోకస్ పెట్టింది. చై కూడా వరుసగా సినిమాలు చేస్తూ కెరీర్​లో ముందుకు వెళ్తున్నారు. అయితే నాగచైతన్య ఫ్యామిలీ లైఫ్​ని కూడా ముందుకు తీసుకువెళ్తున్నారు. విడాకుల తర్వాత శోభితతో ప్రేమలో పడిన ఆయన.. ఆగస్టులో ఆమెను ఎంగేజ్​మెంట్ చేసుకున్నాడు. ఈరోజు(డిసెంబర్ 4,2024)న అన్నపూర్ణ స్టూడియోస్​లో వారి పెళ్లి జరగనుంది.