Samantha: సమంత ముందు చూపు - ఇకపై చివాట్లు రాకుండా ముందు జాగ్రత్త చర్యలు, ఇదిగో ఇలా చేస్తోంది!

Samantha: స‌మంత‌ ఒక పాడ్ కాస్ట్‌ను ప్రారంభించిన విష‌యం తెలిసిందే. దాంట్లో భాగంగా ఆమె ఇటీవ‌ల రిలీజ్ చేసిన ఎపిసోడ్ లో కొన్ని మెడిసిన్స్ గురించి మాట్లాడారు. అయితే, ఈసారి ఆమె జాగ్ర‌త్త ప‌డ్డారు.

Samantha Advocates for Caution with Alternative Medicine in New Podcast: స‌మంత ఇటీవ‌ల త‌న పాడ్ కాస్ట్ ప్రారంభించిన విష‌యం తెలిసిందే. దాంట్లో భాగంగా ఆమె ఒక్కో ఎపిసోడ్ లో ఒక్కో గెస్ట్ తో చాలా విష‌యాలు మాట్లాడ‌తారు. కొన్ని ఎపిసోడ్ ల‌లో డాక్ట‌ర్ తో, న్యూట్రిష‌నిస్ట్ ల‌తో, సైకాలజిస్ట్ ల‌తో మాట్లాడి త‌న అభిమానుల‌కు ఉప‌యోగ‌ప‌డే చాలా విష‌యాలు పంచుకుంటారు స‌మంత‌. అయితే, ఇటీవ‌ల ఆమె కొన్ని విమ‌ర్శ‌లు ఎదుర్కొన్న విష‌యం తెలిసిందే. హైడ్రోజ‌న్ పెరాక్సైడ్ నెబ్యులైజేష‌న్ గురించి ఆమె పెట్టిన పోస్ట్  మీద లివ‌ర్ డాక్ విమ‌ర్శ‌లు చేశారు. దీంతో ఈసారి స‌మంత జాగ్ర‌త్త‌ప‌డ్డారు. ముందు జాగ్ర‌త్త‌గా సూచ‌న‌లు చేశారు. 

ఆల్ట‌ర్నేట్ మెడిసిన్ పై.. 

స‌మంత ఈవారం ఒక ఆయుర్వేద డాక్ట‌ర్ తో పాడ్ కాస్ట్ నిర్వ‌హించారు. డాక్ట‌ర్ డేవిడ్ జాక‌ర్స్ తో ఆమె ముచ్చ‌టించారు. ఈ సంద‌ర్భంగా వాళ్లిద్ద‌రి మ‌ధ్య మెడిసిన్ కి ప్ర‌త్యామ్నాయం గురించి ప్ర‌స్తావ‌న‌కు వ‌చ్చింది. మందుల‌కు బ‌దులు ఏం తీసుకోవ‌చ్చు అనే దానిపై మాట్లాడారు. అయితే, ఈ వీడియోకి స‌మంత ఒక ‘గమనిక’ కూడా ఇచ్చారు. "ఈ వీడియో కేవ‌లం మీ అవ‌గాహ‌న‌, స‌మాచారం కోస‌మే. ఇవ‌న్నీ పాటించేముందు మీరు మీ డాక్ట‌ర్ ని సంప్ర‌దించండి. ప్రొఫ‌ష‌న‌ల్ మెడిసిన్, ట్రీట్మెంట్ కి స‌బ్ స్టిట్యూట్ కాదు. కొత్త‌గా ఏదైనా మొద‌లుపెట్టేముందు క‌చ్చితంగా డాక్ట‌ర్ స‌ల‌హా తీసుకోండి. పాడ్ కాస్ట్ లో ఇలా చెప్పారు, అలా చెప్పారు అనే ఉద్దేశంతో ట్రీట్మెంట్ ని ఎప్పుడూ నిర్ల‌క్ష్యం చేయ‌కండి" అని రాసుకొచ్చారు ఆ వీడియోలో. 

గ‌తంలో కాంట్ర‌వ‌ర్సీ కావ‌డంతో.. 

గ‌తంలో స‌మంత పోస్ట్ చేసిన ఒక చిట్కా కాంట్ర‌వ‌ర్సీ కావ‌డంతో ఆమె ఈ సూచ‌న చేసిన‌ట్లు కామెంట్ చేస్తున్నారు అభిమానులు. ముందు జాగ్ర‌త్త చ‌ర్య‌లు తీసుకున్నావు సామ్ అని అంటున్నారు. జ‌లుబు పోయేందుకు హైడ్రోజ‌న్ ప‌రాక్సైడ్, డిస్టిల్ వాట‌ర్ తో నెబ్యులైజేష‌న్ పెట్టుకుంటాన‌ని ఆమె పోస్ట్ చేయ‌డం పెద్ద దుమారం రేపిన విష‌యం తెలిసిందే. ఆమె పోస్ట్ పై లివ‌ర్ డాక్ అనే డాక్ట‌ర్ కామెంట్స్ చేశారు. స‌మంత‌ను హెల్త్ ఇలిట‌రేట్ అంటూ కోపాడ్డాడు. ఆ త‌ర్వాత స‌మంత‌కు సారీ చెప్పిన డాక్ట‌ర్. ఆమె వైద్యుడిపై తీవ్ర ఆరోప‌ణ‌లు చేశారు. సమంతకు ట్రీట్మెంట్ ఇచ్చి డాక్ట‌ర్ ఎంబీబీఎస్ కాదని, అతను ప్రకృతి వైద్యుడు అని ఆరోపించాడు. ఇప్పటికే ఆయనపై పలు కేసులు ఉన్నాయని, గతంలో ఆరోగ్యానికి హాని కలిగించే చాలా ఉత్పత్తులను ప్రొత్సహించినందుకు ఆయనపై ప్రభుత్వం చర్యలు కూడా తీసుకుందంటూ లివర్‌ డాక్ అన్నారు.

ఇక ప్ర‌స్తుతం స‌మంత బాలీవుడ్ సిరీస్ ల‌తో బిజీగా ఉన్నారు. 'ఫ్యామిలీ మ్యాన్‌', 'ఫర్జీ', 'గన్స్ అండ్ గులాబ్స్' వంటి పాపులర్‌ వెబ్ సిరీస్‌లను తెరకెక్కించిన‌ రాజ్‌ అండ్‌ డీకే దర్శకత్వంలో ఆమె ఈ వెబ్ సిరీస్ చేస్తున్నారు. యాక్షన్‌ థ్రిల్లర్‌గా రాబోతున్న ఈ వెబ్‌ సిరీస్‌లో సమంత, వరుణ్‌ ధావన్‌లు ప్రధాన పాత్రలు పోషిస్తున్నారు. ఈ వెబ్‌ సిరీస్‌  పేరు 'రక్త్‌ బ్రహ్మాండ్‌'..ది బ్లడీ కింగ్‌డమ్‌' అనేది ఉపశీర్షిక. ఈ వెబ్ సిరీస్ నెట్ ఫ్లిక్స్ లో రిలీజ్ కానుంది.