Prabhas New Movie: ప్రభాస్, హను సినిమా పూజకు ముహూర్తం ఫిక్స్ - సెట్స్ మీదకు వెళ్ళేది ఎప్పుడంటే?

Prabhas Hanu Raghavapudi Movie: హను రాఘవపూడి దర్శకత్వంలో ప్రభాస్ ఓ సినిమా చేయనున్న సంగతి తెలిసిందే. ఆ సినిమా పూజా కార్యక్రమాలకు ముహూర్తం ఖరారు చేశారని తెలిసింది.

'సలార్', 'కల్కి 2898 ఏడీ' విజయాలతో రెబల్ స్టార్ ప్రభాస్ (Prabhas) మాంచి జోరు మీద ఉన్నారు. రీసెంట్ రిలీజ్ 'ది రాజా సాబ్' ఫ్యాన్ ఇండియా గ్లింప్స్ ప్రేక్షకులు, అభిమానులను ఆకట్టుకుంది. ఈ జోరులో కొత్త సినిమాకు పూజ చేయడానికి పాన్ ఇండియా డార్లింగ్ రెడీ అవుతున్నాడు. ఆ వివరాల్లోకి వెళితే...

ఆగస్టు రెండో వారంలో హను సినిమాకు పూజ!
ప్రేక్షకుల మనసులను హత్తుకునే హృద్యమైన ప్రేమ కథలు తెరకెక్కించడంలో స్పెషలిస్టుగా పేరు తెచ్చుకున్న తెలుగు దర్శకుడు హను రాఘవపూడి (Hanu Raghavapudi)తో ప్రభాస్ ఓ పాన్ ఇండియా సినిమా చేయనున్నారు. ఆ సినిమాకు 'ఫౌజీ' (Fauji Prabhas Movie) టైటిల్ ఖరారు చేసినట్టు టాలీవుడ్ టాక్. ఆ సంగతి దర్శకుడు అధికారికంగా ఇంకా ప్రకటించలేదు. కానీ, లేటెస్ట్ అప్డేట్ ఏమిటంటే...

ప్రభాస్, హను రాఘవపూడి సినిమా ఆగస్టు 17న పూజా కార్యక్రమాలతో ప్రారంభం కానుందని తెలిసింది. ఆ తర్వాత వారం సినిమాను సెట్స్ మీదకు తీసుకు వెళతారట. అంటే... ఆగస్టు 24న 'ఫౌజీ' రెగ్యులర్ షూటింగ్ స్టార్ట్ కానుంది. ఈ సినిమాను మైత్రీ మూవీ మేకర్స్ సంస్థ అధినేతలు నవీన్ యెర్నేని, రవిశంకర్ యలమంచిలి ప్రొడ్యూస్ చేస్తున్నారు.

పాకిస్తానీ నటి కదా? 'సీతా రామం' భామను ఫైనల్ చేశారా?
ప్రభాస్ సరసన ఈ సినిమాలో ఎవరు నటిస్తారు? అనేది ఇప్పుడు పెద్ద ప్రశ్నగా మారింది. ఎందుకంటే... ఇందులో ఆయనది సైనికుడి పాత్ర అని, ఇండో - పాక్ బోర్డర్ నేపథ్యంలో సన్నివేశాలు ఉన్నాయని, అందుకని పాకిస్తానీ నటి సజల్ అలీని ఎంపిక చేసినట్టు ప్రచారం జరిగింది.

లేటెస్ట్ ఇన్ఫర్మేషన్ ఏమిటంటే... ఆమె బదులు మృణాల్ ఠాకూర్ (Mrunal Thakur)ను ఫైనలైజ్ చేశారని టాక్. 'సీతా రామం'తో ఆమెను తెలుగు తెరకు హను రాఘవపూడి పరిచయం చేశారు. మరొకసారి ఆమెతో సినిమా చేయనున్నారని టాక్.

రజాకార్ నేపథ్యం... బ్రాహ్మణ యువకుడిగా ప్రభాస్!?
Prabhas Role In Hanu Raghavapudi's Fauji Movie: 'ఫౌజీ'లో ప్రభాస్ బ్రాహ్మణ యువకుడిగా నటించనున్నట్లు సమాచారం. ఈ సినిమాలో పూజారి తనయుడిగా ఆయన కనిపిస్తారట. ఇప్పటి వరకు బ్రాహ్మణ యువకుడి పాత్రలు అంటే దర్శక రచయితలు వినోదాత్మకంగా చూపించారు. కానీ, ప్రభాస్ సీరియస్ రోల్ చేస్తారని టాక్. మరో టాక్ ఏమిటంటే... ఈ సినిమా రజాకార్ నేపథ్యంలో ఉంటుందట. మరి, ఆ బ్యాక్డ్రాప్ ఎలా డీల్ చేస్తారో? 

ఇప్పటి వరకు ఇటు ప్రభాస్, అటు హను రాఘవపూడి చేసిన సినిమాలకు పూర్తి భిన్నంగా ఈ సినిమా ఉండబోతుందని తెలిసింది. ఈ సినిమా కంటే ముందు 'ది రాజా సాబ్' సినిమాతో ప్రభాస్ ప్రేక్షకుల ముందుకు వస్తారు. ఆ సినిమా ఏప్రిల్ 10, 2025న ప్రేక్షకుల ముందుకు వస్తుంది. ఆ తర్వాత 'సలార్ 2' రావచ్చు. నాగ్ అశ్విన్ దర్శకత్వంలో 'కల్కి 2898 ఏడీ' పార్ట్ 2 కూడా ఉంది.