RRR Dosti Video Song | యంగ్ టైగర్ ఎన్టీఆర్, మెగాపవర్ స్టార్ రామ్ చరణ్ కలిసి నటించిన ‘RRR’ సినిమా ఇటీవల ప్రేక్షకుల ముందుకు వచ్చిన సంగతి తెలిసిందే. భారీ అంచనాల మధ్య విడుదలైన ఈ సినిమా హిట్ టాక్ తో దూసుకుపోతుంది. దర్శకధీరుడు రాజమౌళి రూపొందించిన ఈ సినిమాకి అన్ని ఏరియాల నుంచి పాజిటివ్ రెస్పాన్స్ వస్తోంది. ఇప్పటివరకు ఈ సినిమా వెయ్యి కోట్లకు పైగా గ్రాస్‌ను రాబట్టింది.
‘కేజీఎఫ్’ చాప్టర్ 2 రిలీజ్ త్వర్వాత ‘ఆర్ఆర్ఆర్’ కలెక్షన్స్ హవాకు బ్రేకులు పడ్డాయి. ఈ నేపథ్యంలో చిత్రయూనిట్ ‘RRR’ సినిమా నుంచి ఒక్కో సాంగ్‌ను రిలీజ్ చేస్తున్నారు. ఇప్పటికే ఈ చిత్రం నుంచి ‘‘నాటు నాటు’’, ‘‘కొమ్మ ఉయ్యాలా.. కోనా జంపాలా’’ పాటల ఫుల్ వీడియో సాంగ్‌ను రిలీజ్ చేశారు. ఇప్పుడు అవి ‘యూట్యూబ్’లో ట్రెండవ్వుతున్నాయి.
Also Read: సెట్స్ లో చూసుకుందాం - రామ్ చరణ్ కి చిరు వార్నింగ్
గురువారం చిత్రయూనిట్ ‘RRR’లోని మరో ముఖ్యమైన పాటను విడుదల చేసింది. రామ్(రామ్ చరణ్), భీమ్(ఎన్టీఆర్)ల స్నేహాన్ని తెలిపే ‘‘దోస్తీ’’ పాటను యూట్యూబ్‌లో రిలీజ్ చేసింది. ఎం.ఎం.కీరవాణి సంగీతం అందించిన ఈ పాటను కాలభైరవ ఆలపించాడు. దీపు, హేమంత్, ఆదిత్య అయ్యంగార్, లోకేశ్వర్, కాలభైరవ కోరస్ అందించారు. సిరివెన్నెల సీతారామ శాస్త్రీ ఈ పాటకు లిరిక్స్ రాశారు. మరి ఇంకెందుకు ఆలస్యం ‘ఆర్ఆర్ఆర్’లోని మీ ఫేవరెట్ సాంగ్‌ను ఇక్కడ చూసేయండి.
Also Read: ఇది RRR జపాన్ వెర్షన్, అన్నీ సేమ్ టు సేమ్ - చూస్తే మీరూ ఫిదా అయిపోతారు!