గ్లోబల్ స్టార్ రామ్ చరణ్, ఐకాన్ స్టార్ అల్లు అర్జున్... ఇద్దరూ ఒకే వేదికపై కనువిందు చేశారు. మెగా ప్రిన్స్ వరుణ్ తేజ్, సొట్టబుగ్గల సుందరి లావణ్యా త్రిపాఠి పెళ్లి సందడి అందుకు వేదిక అయ్యింది. అసలు వివరాల్లోకి వెళితే...
కాక్ టైల్ పార్టీలో చరణ్ అర్జున్!
Varun Tej Lavanya Tripathi Cocktail Party : వరుణ్ తేజ్, లావణ్యా త్రిపాఠి పెళ్లి సందడి సోమవారం (అక్టోబర్ 30న) మొదలైంది. నిన్న రాత్రి గ్రాండ్ కాక్ టైల్ పార్టీ జరిగింది. అందులో కొత్త జంటతో కలిసి చరణ్, అర్జున్ సందడి చేశారు.
Also Read : లావణ్య త్రిపాఠి పెళ్లి చీర... హల్దీ డ్రస్ స్పెషాలిటీ ఏంటో తెలుసా?
ఇటలీలో పెళ్లి వేడుకల కోసం కొణిదెల, అల్లు కుటుంబాలు వెళ్ళడానికి ముందు హైదరాబాద్ సిటీలో రెండు పార్టీలు జరిగాయి. మెగాస్టార్ చిరంజీవి ఇంట్లో ఓ పార్టీ జరిగింది. ఆ ఫొటోల్లో అల్లు శిరీష్ కనిపించారు గానీ అల్లు అర్జున్ లేరు. ఆ తర్వాత వరుణ్ తేజ్, లావణ్యా త్రిపాఠి అండ్ కజిన్స్ అందరిని ఇంటికి పిలిచి అల్లు అర్జున్ మరో పార్టీ ఇచ్చారు. ఆ ఫొటోల్లో రామ్ చరణ్ కనిపించలేదు. దాంతో కొందరు గాసిప్ రాయుళ్లు ఇద్దరి మధ్య దూరం పెరుగుతోందంటూ కథలు అల్లేశారు. అటువంటి పుకార్లు అన్నిటికీ కాక్ టైల్ పార్టీ ఫోటోలు సమాధానం ఇచ్చాయని చెప్పవచ్చు.
మూడు రోజుల పెళ్లి వేడుకలో ఇవాళ స్పెషల్ ఏంటంటే?
వరుణ్ తేజ్, లావణ్యా త్రిపాఠి పెళ్లి వేడుకలు మూడు రోజుల పాటు కుటుంబ సభ్యులు, క్లోజ్ ఫ్రెండ్స్ సమక్షంలో సందడిగా జరగనున్నాయి. ఆల్రెడీ నిన్న రాత్రి కాక్ టైల్ పార్టీ జరిగింది. ఇవాళ హల్దీ, మెహందీ వేడుకలు జరుగుతాయి. బుధవారం (నవంబర్ 1న) ఇద్దరూ ఏడు అడుగులు వేయనున్నారు.
నవంబర్ 5న హైదరాబాద్ సిటీలో రిసెప్షన్!
పెళ్ళైన నాలుగు రోజులకు కొత్త జంట వరుణ్, లావణ్య హైదరాబాద్ వస్తారు. ఇటలీలో వివాహానికి ఇండస్ట్రీ నుంచి కొద్ది మందిని మాత్రమే ఆహ్వానించడంతో భాగ్య నగరంలో పరిశ్రమ ప్రముఖులకు భారీ రిసెప్షన్ ఏర్పాటు చేశారు. నవంబర్ 5న జరగబోయే ఆ వేడుకకు ఆల్రెడీ ఆహ్వానాలు పంపారు. ఆ రిసెప్షన్ కంటే ముందు ఇటలీలో పెళ్లైన తర్వాత చిన్న రిసెప్షన్ జరుగుతుందని టాక్.
Also Read : 'యాత్ర 2'లో చంద్రబాబు నాయుడిగా ఎవరు నటిస్తున్నారో తెలుసా? మహేష్...