మీడియాకు, జనాలకు ముఖం చాటేస్తున్న హీరోయిన్ భర్త

హీరోయిన్ భర్త కొత్త ఫ్యాషన్ ఫాలో అవుతున్నారు. మీడియాకు, జనాలకు తన ముఖ్యం కనిపించనివ్వడం లేదు.

Raj Kundra: హీరోయిన్ శిల్పా శెట్టి భర్త రాజ్ కుంద్రా మరోసారి వార్తల్లో నిలిచారు. గత ఏడాది అశ్లీల చిత్రాల కేసులో ఆయన్ను పోలీసులు అరెస్ట్ చేసిన సంగతి తెలిసిందే. కొన్ని రోజులు జైల్లో ఉండి, బెయిల్ మీద బయటకు వచ్చారు. ఆ తర్వాత నుంచి తన ముఖాన్ని ఆయన ప్రజలకు, మీడియాకు చూపిస్తే ఒట్టు. కరోనా సమయంలో డాక్టర్లు, ఫ్రంట్ లైన్ వారియర్స్ ఫుల్ బాడీ కవర్డ్ కిట్స్ ధరించినట్టు... ఫేస్ కూడా కవర్ చేసుకుని రాజ్ కుంద్రా బయటకు వస్తున్నారు.

రాజ్ కుంద్రా కంప్లీట్ ఫేస్ అండ్ బాడీ కవర్ చేసుకోవడం చూసి శిల్పా శెట్టి (Shilpa Shetty) కూడా నవ్వేశారు. ఇంట్లో దంపతులు ఇద్దరూ ఏం మాట్లాడుకున్నారో గానీ... రాజ్ కుంద్రా స్టైల్ మాత్రం మారలేదు. కొన్ని రోజులుగా ఆయన ఫుల్ కవర్ చేసుకుని పబ్లిక్ డొమైన్ లోకి వస్తున్నారు. శుక్రవారం ఎయిర్ పోర్టులో వైట్ హుడీలో కనిపించారు.

రాజ్ కుంద్రా స్టైల్ మీద సోషల్ మీడియాలో సెటైర్లు (Trolls On Raj Kundra) పడుతున్నాయి. ఉర్ఫీ జావేద్‌కు బాడీ కవర్ చేసేలా దుస్తులు వేసుకోవడం నచ్చదని, రాజ్ కుంద్రాకు బాడీ కనపడటం ఇష్టం లేదని, వీళ్ళిద్దరూ కొలాబరేట్ అయితే బావుంటుందని ఒకరు కామెంట్ చేశారు. ఒకవేళ రాజ్ కుంద్రాకు కొవిడ్ వస్తే తనకు నమ్మకం పోతుందని ఒకరు పేర్కొన్నారు. 'నెక్స్ట్ జెనరేషన్ స్పైడర్ మ్యాన్' అంటూ ఒక నెటిజన్ వ్యంగ్యంగా వ్యాఖ్యానించారు.