'రేయ్...
రాముడు లంక మీద పడ్డం వినుంటావ్
అదే పది తలకాయలోడు ఇంటి మీద పడితే...
ఎట్టా ఉంటుందో సూస్తావా?'
- విలన్ వార్నింగ్ ఇచ్చాడు.
'ఈ అయోధ్యలో ఉండేడిది రాముడు కాదప్ప...
ఆ రావణుడే కొలిసే రుద్ర కాళేశ్వరుడు
తలలు కోసి చేతికిస్తా నాయాలా
చూసుకుందాం రా'
- హీరో పంజా వైష్ణవ్ తేజ్ దిమ్మ తిరిగేలా కౌంటర్ ఇచ్చారు.వైష్ణవ్ తేజ్ నాలుగో సినిమా మోషన్ పోస్టర్‌లో డైలాగ్స్ ఇవీ!
'ఉప్పెన' సినిమాతో కథానాయకుడిగా పరిచయమైన మెగా మేనల్లుడు పంజా వైష్ణవ్ తేజ్. ఇప్పుడు ఆయనతో సితార ఎంట‌ర్‌టైన్‌మెంట్స్‌, ఫార్చ్యూన్ 4 సినిమాస్ సంస్థలపై సూర్యదేవర నాగ వంశీ, సాయి సౌజన్య (దర్శకులు త్రివిక్రమ్ శ్రీనివాస్ భార్య) సినిమా నిర్మిస్తున్నారు. పీడీవీ ప్రసాద్ చిత్ర సమర్పకులు. ఈ రోజు సినిమాను అధికారికంగా వెల్లడించారు.
Also Read : పదో తరగతిలో సత్తా చాటిన సూర్య కుమార్తె - పుత్రికోత్సాహంలో సూర్య, జ్యోతిక దంపతులు
హీరోగా వైష్ణవ్ తేజ్ నాలుగో చిత్రమిది (PVT04). ఇందులో ఇంతకు ముందు ఎప్పుడూ చూడనటువంటి మాసీ రోల్ చేస్తున్నారని చిత్ర బృందం పేర్కొంది. త్వరలో సినిమా షూటింగ్ స్టార్ట్ చేయనున్నారు. వచ్చే ఏడాది సంక్రాంతికి సినిమాను ప్రేక్షకుల ముందుకు తీసుకు వస్తున్నట్టు తెలిపారు (Panja Vaisshnav Tej, SreeLeela's PVT04 Release Date). ఈ చిత్రానికి శ్రీకాంత్ ఎన్. రెడ్డి దర్శకుడు. ఇందులో శ్రీ లీల (Sree Leela) హీరోయిన్.
Also Read : కవలలు పుట్టారు, అప్పుడే పేర్లు కూడా పెట్టేశారు - తల్లిదండ్రులైన చిన్మయి, రాహుల్ రవీంద్రన్ దంపతులు