Kissik Lyrical Song: ‘పుష్ప 2’ సినిమా నుంచి మోస్ట్ అవైటెడ్ ‘కిస్సిక్’ సాంగ్‌ను సినిమా టీమ్ విడుదల చేసింది. శ్రీలీల కనిపించనున్న ఈ పాట యూట్యూబ్‌లో రికార్డులు బద్దలు కొడుతుంది. ఇప్పటి వరకు సౌత్ ఇండియాలో రిలీజ్ అయిన 24 గంటల్లో హయ్యస్ట్ వ్యూస్ సాధించిన సాంగ్ రికార్డు తమిళ హీరో విజయ్ ‘గోట్’లోని ‘విజిల్ పోడు’ పేరు మీద ఉంది. ఈ పాట 24 గంటల్లోనే 24.88 మిలియన్ల వ్యూస్ సాధించింది. కానీ ‘కిస్సిక్’ ఈ రికార్డును 18 గంటల్లోనే బ్రేక్ చేసింది. ఇప్పటికే ఈ పాట 26 మిలియన్లకు పైగా వ్యూస్‌ను సాధించింది.
బ్లాక్‌బస్టర్ ఆడియో...
‘పుష్ప 2’ నుంచి ఇప్పటి వరకు వచ్చిన రెండు పాటలు సూపర్ హిట్ అయ్యాయి. ‘పుష్ప పుష్ప’, ‘సూసేకి’ పాటలు రెండూ బ్లాక్‌బస్టర్లుగా నిలిచాయి. ఇప్పుడు రిలీజ్ అయిన ‘కిస్సిక్’ కూడా బ్లాక్‌బస్టర్‌గా నిలిచింది. దీంతో ‘పుష్ప 2’ ఆడియో బ్లాక్‌బస్టర్ అని చెప్పవచ్చు.
'పుష్ప: ది రైజ్' సినిమాలోని స్పెషల్ సాంగ్ 'ఊ అంటావా' ఛార్ట్ బస్టర్ కావడంతో 'పుష్ప 2: ది రూల్'లో స్పెషల్ సాంగ్ మీద ముందు నుంచి మంచి అంచనాలు ఉన్నాయి. దీంతో పాటు దేవిశ్రీ పై బాగా ప్రెజర్ కూడా వచ్చింది. దాన్ని దృష్టిలో పెట్టుకుని దేవి శ్రీ జాగ్రత్తలు చాలా తీసుకున్నారని సాంగ్ వింటేనే అర్థం అవుతోంది. 'కిస్సిక్' ట్యూన్ విన్న వెంటనే ఎక్కేసే ఇన్‌స్టంట్ చార్ట్ బస్టర్ అని అవుతుందని ఫీలింగ్ కలుగుతోంది.
దేవి శ్రీ ప్రసాద్ ఇచ్చిన బ్లాక్‌బస్టర్ బాణీకి ఆస్కార్ అవార్డు అందుకున్న చంద్రబోస్ అద్భుతమైన లిరిక్స్ రాశారు. ‘ఊ అంటావా’ లాగానే 'కిస్సిక్' కూడా దేశాన్ని ఒక ఊపు ఊపేస్తుందని చెప్పడంలో ఎటువంటి సందేహం అవసరం లేదని చెప్పవచ్చు.
పాట కోసం కోటి
కిస్సిక్ సాంగ్ కోసం శ్రీ లీలకు రెండు కోట్ల రూపాయలు ఇచ్చినట్లు మొదట ప్రచారం జరిగింది. కానీ అందులో ఏమాత్రం నిజం లేదు అని తెలుస్తోంది. ఆమెకు రూ. కోటికి అటు ఇటుగా ఇచ్చినట్లు వార్తలు వస్తున్నాయి. శ్రీలీల ఫస్ట్ టైమ్ ఐటెం సాంగ్ చేయడం కూడా ‘పుష్ప 2’ సినిమాకు తెలుగు, తమిళ, కన్నడ భాషల్లో మంచి బజ్ తీసుకు వచ్చింది.