నట సింహం నందమూరి బాలకృష్ణ, దర్శకుడు గోపీచంద్ మలినేని కలయికలో ఒక సినిమా రూపొందుతోంది. జూన్ 10న (అనగా... రేపు - శుక్రవారం) బాలకృష్ణ పుట్టినరోజు (Nandamuri Balakrishna Birthday Special) సందర్భంగా అభిమానులకు చిత్ర బృందం ఒక కనుక ఇస్తోంది. ఈ రోజు సాయంత్రం 6.11 గంటలకు టీజర్ (NBK 107 Teaser) విడుదల చేయనున్నట్టు వెల్లడించారు. టైటిల్ కూడా అప్పుడు వెల్లడించే అవకాశాలు ఉన్నాయి.
'అఖండ' వంటి భారీ బ్లాక్ బస్టర్ తర్వాత బాలకృష్ణ నటిస్తున్న చిత్రమిది. అలాగే, 'క్రాక్' విజయం తర్వాత గోపీచంద్ మలినేని దర్శకత్వం వహిస్తున్న సినిమా కూడా ఇదే. ఆల్రెడీ విడుదలైన ఫస్ట్ లుక్ నందమూరి అభిమానులను, ప్రేక్షకులను ఆకట్టుకుంది. ఇప్పుడు టీజర్ కోసం ఆసక్తిగా ఎదురు చూస్తున్నారు. ఈ చిత్రానికి 'జై బాలయ్య', 'రెడ్డి గారు' టైటిల్స్ పరిశీలనలో ఉన్నాయని తెలుస్తుంది.
ఈ చిత్రంలో బాలకృష్ణ సరసన శ్రుతీ హాసన్ (Shruti Hassan) కథానాయికగా నటిస్తున్నారు. వాళ్ళిద్దరి కలయికలో తొలి చిత్రమిది. ఇందులో హానీ రోజ్ (Honesy Rose) రెండో కథానాయిక. వరలక్ష్మీ శరత్ కుమార్ కీలక పాత్ర చేస్తున్నారు. మోడల్ కమ్ హీరోయిన్, 'చీకటి గదిలో చితకొట్టుడు' ఫేమ్ చంద్రికా రవి ప్రత్యేక గీతంలో సందడి చేయనున్నారు. హైదరాబాద్‌లోని ఒక స్టూడియోలో ఆ పాటను తెరకెక్కించారు.
ఈ చిత్రాన్ని మైత్రీ మూవీ మేకర్స్ పతాకంపై నవీన్ ఎర్నేని, రవిశంకర్ యలమంచిలి నిర్మిస్తున్నారు. ముసలి మడుగు ప్రతాప్ రెడ్డి పాత్రలో కన్నడ స్టార్ దునియా విజయ్ విలన్ రోల్ చేస్తున్నారు. ఇంకా లాల్, నవీన్ చంద్ర, మురళీ శర్మ, ఈశ్వరీ రావు తదితరులు ప్రధాన పాత్రలు చేస్తున్నారు. ఎస్.ఎస్. తమన్ సంగీతం అందిస్తున్నారు.
Also Read: సాయి పల్లవి కెరీర్ బెస్ట్ పెర్ఫార్మన్స్, మాటలు రావడం లేదు - 'విరాట పర్వం' చూసిన సెలబ్రిటీల రివ్యూ
సినిమా తర్వాత అనిల్ రావిపూడి దర్శకత్వంలో బాలకృష్ణ సినిమా చేయనున్నారు. తండ్రీ కుమార్తెల కథతో రూపొందుతోంది. బాలకృష్ణ ఇమేజ్, స్టార్‌డ‌మ్‌కు తగ్గట్టు ప‌వర్‌ఫుల్‌ క్యారెక్టర్‌ను అనిల్ రావిపూడి డిజైన్ చేశారట. అందులో అంజలి విలన్ రోల్ చేయనున్నారు.
Also Read: నా జీవితం నయనతారకు అంకితం, మీ అందరికీ రుణపడి ఉంటా - పెళ్లికి ముందు విఘ్నేష్ శివన్ ఎమోషనల్ పోస్ట్