Nayanthara Vs Dhanush: హీరో హీరోయిన్లు ధనుష్, నయనతారలు ఇప్పుడు హాట్ టాపిక్‌గా మారారు. వారిద్దరి మధ్య నెలకొన్న వివాదం నేపథ్యంలో వీరి ప్రతి మూమెంట్‌పై ఇప్పుడు ఆసక్తి నెలకొంది. లేటెస్ట్‌గా నయన్, ధనుష్‌ల వీడియో సోషల్ మీడియాలో హల్‌చల్ చేస్తుంది. అందులో ఇద్దరు ఎదురు పడ్డారు.. కానీ ఎవరిని ఎవరూ చూడనంతగా బీహేవ్ చేశారు. దీంతో ఈ వీడియో సోషల్ మీడియా‌ను షేక్ చేస్తుంది. ఇంతకీ విషయం ఏమిటంటే... నయనతార, ధనుష్ గురువారం నిర్మాత ఆకాష్ బాస్కరన్ వివాహానికి హాజరయ్యారు.
నయన్, ధనుష్ ముందు వరుసలో కూర్చున్నప్పటికీ ఒకరినొకరు పట్టించుకోలేదు. ఈ వీడియోను సెక్యూరిటీ సంస్థ పోస్ట్ చేసింది. నయనతార పింక్ కలర్ చీరలో పెళ్లికి హాజరయ్యారు. విఘ్నేష్ కూడా సంప్రదాయబద్ధమైన తెల్లని దుస్తుల్లో ఆమెతో పాటు ఉన్నారు. అంతే కాదు నయనతారు పెళ్లిలో ముందు వరుసలో కూర్చుని ఇతర అతిథులతో కబుర్లు కూడా చెప్పారు. కొన్ని ఫోటోలకు ఫోజులు కూడా ఇచ్చారు. అయితే నయనతార కూర్చున్న వరసలోనే ధనుష్ కూర్చున్నారు. ఈ వీడియో పై నెటిజన్లు తెగ ఆసక్తిగా చూపుతున్నారు. రకరకాల కామెంట్లతో హోరెత్తిస్తున్నారు.
అసలు వివాదం.. ఇదే
నయనతార తన ఇన్‌స్టాగ్రామ్‌లో ధనుష్‌కి బహిరంగ లేఖను పోస్ట్ చేయడంతో వీరి మధ్య ఉన్న వివాదం బయటపడింది. ప్రముఖ ఓటీటీ సంస్థ నెట్‌ఫ్లిక్స్‌లో నయనతారపై డాక్యుమెంటరీ తీసింది. ఈ క్రమంలో డాక్యుమెంటరీ కి సంబంధించిన ట్రైలర్‌ని రిలీజ్ చేశారు. ఆ ట్రైలర్‌లో ధనుష్ నిర్మించిన 'నానుం రౌడీ' సినిమాకు సంబంధించిన ఒక క్లిప్‌ను యాడ్ చేశారు. ఇదే వీరి మధ్య వివాదానికి కారణమైంది. ఈ సినిమాలో నయనతార హీరోయిన్‌గా నటించింది. విఘ్నేష్ దర్శకత్వం వహించారు. ఈ మూవీకి సంబంధించిన తెరవెనుక ఫుటేజీ మూడు సెకన్లు పాటు ఆ డాక్యుమెంటరీలో యాడ్ చేశారు. అయితే తన అనుమతి లేకుండా నయనతార తన సినిమాలోని భాగాన్ని తన డాక్యుమెంటరీలో పెట్టుకుందనే కోపంతో రూ.10 కోట్లు ఇవ్వాలని ధనుష్ లీగల్ నోటిసులు పంపించారు.
దీంతో రూ.10 కోట్ల కోసం తమపై దావా వేసినట్టు కూడా నయనతార ఒక బహిరంగ లెటర్ ద్వారా తెలియజేసింది. అంతే కాదు తన లెటర్‌లో నయనతార... ధనుష్‌పై తీవ్రమైన ఆగ్రహం వ్యక్తం చేసింది. సినిమా ఇండస్ట్రీలో మీరు మీ తండ్రి, సోదరుడి సాయంతో నిలదొక్కుకున్నారని, కానీ నేను నా కష్టంతో ఈ స్థాయికి వచ్చానని, మీరు నాపై కక్ష సాధింపులు మొదలుపెట్టారని ఫైర్ అయిది. అంతేకాదు నో అబ్జెక్షన్ సర్టిఫికెట్‌ కోసం నను రెండేళ్ల పాటు తిప్పించుకున్నారని, అయినా అంగీకరించలేదని ఆక్షేపించింది. దీంతో వీరిద్దరి మధ్య వివాదం బట్టబయలైంది.
నయనతార, దనుష్‌లపై మధ్య ఏర్పడి ఈ ఘర్షణ.. వారి అభిమానుల్లో కొంచెం ఆందోళన కలిగించింది. ఈ నేపథ్యంలో వీరి మధ్య ఘర్షణపై అందరికీ ఆసక్తి కూడా నెలకొంది. దీంతో వీరి తాజా వీడియో తెగ షేర్ అవుతుంది. అదే సమయంలో ఈ వైరం ఎంతదూరం అవుతుందో, వారీ మధ్య సమస్య ఎలా సమసిపోతుందోనని అందరూ ఆసక్తిగా చూస్తున్నారు.
Also Read: దేవకీ నందన వాసుదేవ రివ్యూ: కృష్ణుడు కంసుడి కథకు కొత్త టచ్ - మహేష్ మేనల్లుడి సినిమా ఎలా ఉందంటే?