Rajamouli Condition For Mahesh Babu: రాజమౌళితో మూవీ అంటే మూమూలుగా ఉండదు. ఆయనతో సినిమా చేస్తే ఊహించని స్థాయిలో క్రేజ్ లభిస్తుంది. కెరీర్ ఫుల్ స్వింగ్ తో దూసుకెళ్లాల్సిందే! కానీ, ఆయనతో సినిమా చేయాలంటే బోలెడు ఓపిక అవసరం. సినిమా ఎప్పుడు మొదలవుతుందో? ఎప్పుడు పూర్తవుతుందో? ఎప్పుడు విడుదలవుతుందో? చెప్పడం కష్టం. ప్రస్తుతం సూపర్ స్టార్ మహేష్ బాబు కూడా తన ఓపికను పరీక్షించుకోబోతున్నారట. వీరిద్దరి కాంబోలో ఓ ప్రతిష్టాత్మక చిత్రం తెరకెక్కబోతున్న విషయం అందరికీ తెలిసిందే. పాన్ వరల్డ్ మూవీగా రూపొందుతున్న ఈ సినిమాకు సంబంధించిన పోస్ట్ ప్రొడక్షన్ పనులు శరవేగంగా కొనసాగుతున్నాయి. స్ర్కిప్ట్ పనులు కూడా దాదాపు పూర్తి అయినట్లు తెలుస్తోంది. త్వరలోనే ఈ సినిమా సెట్స్ మీదకు వెళ్లే అవకాశం కనిపిస్తోంది.
మహేష్ బాబుకు రాజమౌళి కండీషన్
ఈ సినిమా కోసం మహేష్ బాబుకు రాజమౌళి ఓ కండీషన్ పెట్టారట. ఈ మూవీకి సంబంధించి మహేష్ లుక్ ఎలా ఉండబోతోంది? అనే విషయాన్ని ఎట్టి పరిస్థితుల్లోనూ రివీల్ కాకుండా ఉండాలని చెప్పారట. సినిమా షూటింగ్ మొదలుకొని, షూటింగ్ కంప్లీట్ అయ్యే వరకు బయటకు కనిపించకూడదన్నారట. తన లుక్‌కు సంబంధించిన ఫోటోలు, వీడియోలు ఏవీ బయటకు రాకుండా చూసుకోవాలని చెప్పారట. ఇందుకోసం అవసరం అయిన అన్ని చర్యలను తీసుకోవాలని సూచించారు. కష్టమే అయినా, సరే అన్నారట మహేష్ బాబు.
రెండేళ్ల పాటు మీడియాకు, సోషల్ మీడియాకు దూరం
ఇప్పటికే ఈ సినిమా కోసం మహేష్ బాబు రెడీ అవుతున్నారు. బాడీని పూర్తి స్థాయిలో మార్చుకోబోతున్నారు. జిమ్ లో గంటల తరబడి గడుపుతున్నారు. కఠినమైన డైట్ ప్లాన్ ను కూడా ఫాలో అవుతున్నారు. తన ఫిట్ నెస్ కోసం ఏకంగా ఇంటర్నేషనల్ ట్రైనర్ సలహాలు, సూచనలు తీసుకుంటున్నారట. మహేష్ బాబు బాడీ కాకుండా, లుక్స్ కూడా ఈ సినిమాకు అనుగుణంగా మార్చుతున్నారట రాజమౌళి. తన జుట్టును కూడా సరికొత్తగా చూపించబోతున్నారట. అందుకే, ఆయన లుక్ బయటకు రాకుండా జాగ్రత్త పడుతున్నారట రాజమౌళి. తన సినిమాకు సంబంధించి ప్రేక్షకులలో క్యూరియాసిటీ పెంచేందుకు ఆయన ఈ నిర్ణయం తీసుకున్నారట.
జూన్ నుంచి రెగ్యులర్ షూటింగ్!
వాస్తవానికి రాజమౌళి, మహేష్ బాబు సినిమా షూటింగ్ ఏప్రిల్ లేదంటే మే నుంచి ప్రారంభిస్తారని వార్తలు వచ్చాయి. అయితే, ఇప్పుడు జూన్ నుంచి రెగ్యులర్ షూటింగ్ మొదలు పెట్టాలని భావిస్తున్నారట. ఇండియానా జోన్స్ తరహాలో ఉండబోయే ఈ సినిమా షూటింగ్ దాదాపు ఏడాది పాటు కొనసాగే అవకాశం ఉంది. అప్పటి వరకు మహేష్ మీడియాతో పాటు సోషల్ మీడియాకు కూడా దూరంగా ఉండనున్నారు. ఈ సినిమాకు ఆస్కార్ అవార్డు విన్నింగ్ మ్యూజిక్ డైరెక్టర్ కీరవాణి సంగీతం అందించనున్నారు. కె ఎల్ నారాయణ భారీ బడ్జెట్ తో ఈ సినిమాను నిర్మించబోతున్నారు.
Read Also: ‘సుందరం మాస్టర్’ to ‘ఆర్టికల్ 370’ - ఈ రోజు, రేపు సందడి చేయనున్న సినిమాలు, సీరిస్‌లు ఇవే!