సీనియర్ హీరో శ్రీకాంత్, యంగ్ హీరో రాహుల్ విజయ్, శివాని రాజశేఖర్ ప్రధాన పాత్రల్లో తెరకెక్కుతున్న లేటెస్ట్ మూవీ 'కోటబొమ్మాలి PS'. మలయాళం లో సూపర్ హిట్ గా నిలిచిన 'నాయట్టు' అనే చిత్రానికి ఇది రీమేక్ గా తెరకెక్కుతోంది. రీసెంట్ గానే ఈ సినిమాకు సంబంధించి మోషన్ పోస్టర్ విడుదల చేయగా అది కాస్త సినిమాపై ఆసక్తిని పెంచేసింది. తేజ మర్ని ఈ మలయాళ రీమేక్ ని తెలుగులో తెరకెక్కిస్తున్నారు. ఇందులో వరలక్ష్మి శరత్ కుమార్ ఓ ప్రత్యేక పాత్ర పోషిస్తుంది. అయితే తాజాగా ఈ సినిమా మ్యూజిక్ ప్రమోషన్స్ ని ప్రారంభించారు మేకర్స్. ఈ క్రమంలోనే 'కోటబొమ్మాలి PS' నుంచి ఫస్ట్ సింగిల్ ని విడుదల చేస్తున్నట్లు ఇప్పటికే ప్రకటించారు. సినిమా నుంచి ఓ మాస్సీ శ్రీకాకుళం ఫోక్ సాంగ్ సెప్టెంబర్ 11న విడుదలవుతుందని ప్రకటించగా, తాజాగా ఆ సాంగ్ ప్రోమో ని విడుదల చేశారు.
రీసెంట్ టైమ్స్ లో సోషల్ మీడియాలో బాగా వినిపించిన 'లింగి లింగి లింగిడి' అనే సాంగ్ అందరికీ గుర్తుండే ఉంటుంది. ముఖ్యంగా మీమర్స్ ఈ సాంగ్ ని సోషల్ మీడియాలో ఎంతో పాపులర్ చేశారు. ఇప్పుడు అదే ట్యూన్ తో పక్కా ఫోక్ బీట్ లో ఉన్న ఈ సాంగ్ ప్రోమో ఆకట్టుకునేలా ఉంది. సోషల్ మీడియాలో పాపులర్ అయిన 'లింగి లింగి లింగిడి' ఫోక్ సాంగ్ ని మ్యూజిక్ డైరెక్టర్ మిథున్ ముకుందన్ క్యాచీ ట్యూన్స్ తో ఈ పాటను కంపోజ్ చేసినట్టు తెలుస్తోంది. ఈ సాంగ్ సోషల్ మీడియా మీమర్స్ కు కనువిందుగా ఉండబోతుందని చెప్పొచ్చు. ఇక ఫుల్ సాంగ్ వచ్చాక సోషల్ మీడియాలో మరింత పాపులర్ అయ్యే అవకాశం ఉంది. సెప్టెంబర్ 11న పూర్తి లిరికల్ వీడియోను రిలీజ్ చేస్తున్నట్లు ఈ సందర్భంగా మేకర్స్ పేర్కొన్నారు.
పూర్తిస్థాయి ఫోక్ బీట్ తో ఉండే ఈ పాట ప్రేక్షకుల్ని కూడా ఎంతగానో అలరిస్తుందని చెప్తున్నారు దర్శక నిర్మాతలు. తెలుగులో దర్శకుడిగా 'జోహార్', 'అర్జున పాల్గుణ' వంటి డిఫరెంట్ జానర్ మూవీస్ ని తెరకెక్కించి దర్శకుడిగా మంచి గుర్తింపు తెచ్చుకున్న తేజ మర్ని ఈ రీమేక్ ని తెరకెక్కిస్తుండడం, గీతా ఆర్ట్స్ సంస్థ నుంచి ఈ సినిమా రాబోతుండటంతో మూవీ పై మంచి అంచనాలు ఉన్నాయి. GA2 పిక్చర్స్ బ్యానర్ పై బన్నీ వాస్, విద్య కొప్పినీడి ఈ సినిమాని నిర్మిస్తున్నారు. ఇప్పటికే GA2 పిక్చర్స్ బ్యానర్ పై తెరకెక్కిన 'భలే భలే మగాడివోయ్', 'గీతాగోవిందం', 'టాక్సీవాలా', 'ప్రతిరోజు పండగే', 'మోస్ట్ ఎలిజిబుల్ బ్యాచిలర్' సినిమాలు మంచి విజయాలను అందుకున్నాయి. అంతేకాదు ఈ ఇతర భాషల సినిమాలను కూడా తెలుగులో ఈ బ్యానర్ రిలీజ్ చేసి సక్సెస్ అందుకున్నారు.
ఇక ఇప్పుడు 'కోట బొమ్మాలి PS' అనే ఇంట్రెస్టింగ్ సస్పెన్స్ థ్రిల్లర్ తో ప్రేక్షకుల ముందుకు రాబోతున్నారు. ముగ్గురు పోలీసుల చుట్టూ తిరిగే సస్పెన్స్ డ్రామాగా ఈ సినిమా ఉండబోతోంది. తెలుగు నేటివిటీకి అలాగే ప్రస్తుతం ఉన్న పరిస్థితులకు తగినట్లుగా ఈ చిత్రంలో దర్శకుడు తేజ మర్ని పలుమార్పులు చేసినట్లు తెలుస్తోంది. షూటింగ్ కార్యక్రమాలు దాదాపు పూర్తయిన ఈ చిత్రానికి సంబంధించి ఇంకా విడుదల తేదీని మేకర్స్ అఫీషియల్ గా అనౌన్స్ చేయాల్సి ఉంది. నవంబర్లో సినిమాను విడుదల చేసేందుకు నిర్మాతలు సలహాలు చేస్తున్నట్లు వార్తలు వినిపిస్తున్నాయి.
Also Read : శోభా శెట్టిని చూడగానే అలా అనిపించింది - కింగ్ ముందే టేస్టీ తేజ పులిహోర, షాకిచ్చిన నాగ్!