Kartik Aaryan To Replace Salman Khan: బాలీవుడ్ యంగ్ హీరో కార్తిక్ ఆర్యన్ వరుస సినిమాలతో ఫుల్ బిజీగా ఉన్నారు. ప్రస్తుతం ‘చందు ఛాంపియన్’, ‘భూల్ భూలయ్యా’ సినిమాతో బిజీగా ఉన్న ఆయన, మరో సినిమా చేసేందుకు రెడీ అవుతున్నారు. ఈ నేపథ్యంలోనే ఆయన క్రేజీ ఆఫర్ అందుకున్నట్లు తెలుస్తోంది. సూరజ్ బర్జాత్యా దర్శకత్వంలో తెరకెక్కనున్న సినిమాలో ఏకంగా సల్మాన్ ను తొలగించి ఆయనను తీసుకోబోతున్నట్లు టాక్ వినిపిస్తోంది. ఇప్పటికే ఈ మూవీకి సంబంధించి ఇద్దరి మధ్య రెండు సార్లు చర్చలు కూడా జరిగాయట. కథ విషయంలో ఇద్దరూ చర్చిస్తున్నారట. త్వరలోనే ఈ సినిమాకు సంబంధించి అధికారిక ప్రకటన వచ్చే అవకాశం ఉంది.


సల్మాన్ ప్లేస్ లో కార్తిక్ ఆర్యన్ కు చోటు!


నిజానికి దర్శకుడు సూరజ్ సల్మాన్ ఖాన్ తో కలిసి బ్లాక్ బస్టర్ సినిమాలు చేశారు. వీరిద్దరి కాంబినేషన్‌లో వచ్చిన ‘మైనే ప్యార్‌ కియా’, ‘హమ్‌ ఆప్కే హై కౌన్‌’, ‘ప్రేమ్‌ రతన్‌ ధన్‌ పాయో’ చిత్రాలు ప్రేక్షకుల్ని ఎంతగానే అలరించాయి. ఆ తర్వాత ‘ప్రేమ్ కి షాదీ’ అనే సినిమా చేయాల్సి ఉంది. గత కొంత కాలంగా ఈ సినిమా ఒక అడుగు ముందుకు, నాలుగు అడుగులు వెనక్కి అన్నట్లు కొనసాగింది. అయితే, ప్రస్తుతం ఈ సినిమా నుంచి దర్శకుడు సూరజ్, సల్మాన్ ను తొలగించినట్లు తెలుస్తోంది. ఆయన స్థానంలో కార్తిక్ ఆర్యన్ హీరోగా ఉంటే బాగుంటుంది అనుకుంటున్నారట. ఇప్పటికే ఈ సినిమాకు సంబంధించి ఆయనతో చర్చలు జరిపినట్లు తెలుస్తోంది. “సూరజ్ తన తర్వాతి సినిమాలో నటించే హీరో అమాయకుడిగా కనించేలా ఉండాలని భావిస్తున్నారట. కార్తిక్ అయితే, తను అనుకున్న పాత్రకు సరిగ్గా సరిపోతారని భావిస్తున్నారట. ప్రస్తుతం ఈ సినిమాకు సంబంధించిర చర్చలు ప్రాథమిక స్థాయిలోనే ఉన్నట్లు తెలుస్తోంది.


త్వరలో ‘చందూ ఛాంపియన్’ విడుదల


కార్తిక ఆర్యన్ ప్రస్తుతం ‘చందూ ఛాంపియన్’ సినిమా చేస్తున్నారు. కబీర్ ఖాన్ దర్శకత్వం వహిస్తున్న ఈ సినిమా జూన్ 14న ప్రేక్షకుల ముందుకు రానుంది. ఇప్పటికే ఈ సినిమా నుంచి విడుదలైన ఫస్ట్ లుక్, టీజర్, ట్రైలర్ కు మంచి రెస్పాన్స్ వచ్చింది. తొలి భారతీయ పారాలింపిక్ గోల్డ్ మెడల్ విన్నర్ మురళీ కాంత్ పేట్కర్ లైఫ్ స్టోరీ ఆధారంగా ఈ సినిమా తెరకెక్కింది. ఈ సినిమా విడుదల తర్వాత కార్తిక్, సూరజ్ సినిమా గురించి అధికారిక ప్రకటన వచ్చే అవకాశం ఉంది. ఇప్పటికే ఈ సినిమా చేసేందుకు కార్తిక్ దాదాపు ఓకే చెప్పిట్లు తెలుస్తోంది. ‘చందూ ఛాంపియన్’ సినిమాతో పాటు ‘భూల్ భూలయ్యా3’ సహా మరికొన్ని సినిమాలు చేస్తున్నారు. 


బ్లాక్ బస్టర్ సినిమాలు తెరకెక్కించిన సూరజ్


అటు సూరజ్ బర్జాత్యా గత నాలుగు దశాబ్దాలు ఇండియన్ ఫిల్మ్ ఇండస్ట్రీలో ఎన్నో బ్లాక్ బస్టర్ సినిమాలు తెరకెక్కించారు. ‘మైనే ప్యార్ కియా’ నుంచి మొదలుకొని ‘హమ్ ఆప్కే హై కౌన్’, ‘హమ్ సాథ్ సాథ్ హై’, ‘వివాహ్’ లాంటి అద్భుత చిత్రాలను ప్రేక్షకుల ముందుకు తీసుకొచ్చారు. అతడు చివరగా ‘ఉంచై‘ అనే సినిమాను తెరకెక్కించారు. నవంబర్11, 2022లో ప్రేక్షకుల ముందుకు వచ్చిన  అడ్వెంచరస్ డ్రామా దేశ వ్యాప్తంగా ఉన్న సీనియర్ సిటిజన్స్ ప్రశంసలు దక్కించుకుంది. ఇందులోఅమితాబ్ బచ్చన్, అనుపమ్ ఖేర్, బోమన్ ఇరానీ, డానీ డెంజోంగ్పా, పరిణీతి చోప్రా, నీనా గుప్తా, సారిక ముఖ్య పాత్రలు పోషించారు.     


Also Read: ఇప్పుడు ఏపీలో 'కల్కి'ని ఆపేది ఎవ్వడ్రా... తెలుగు దేశం విజయంతో నిర్మాత అశ్వనీదత్ ఫుల్ హ్యాపీ