సౌత్ ఇండియన్ సినిమాల్లో స్టార్ హీరోయిన్లలో రష్మికా మందన్న (Rashmika) ఒకరు. త్వరలో హిందీ ఇండస్ట్రీకి ఇంట్రడ్యూస్ అవుతున్నారు. ఆల్రెడీ రెండు సినిమాలు... 'మిషన్ మజ్ను', 'గుడ్ బై' షూటింగ్స్ కంప్లీట్ చేశారు. రెండు మూడు యాడ్స్ చేశారు. త్వరలో ర‌ణ్‌బీర్‌ కపూర్ 'యానిమల్' షూటింగ్ స్టార్ట్ చేయడానికి ఎదురు చూస్తున్నారు. మరో రెండు హిందీ సినిమాలు చర్చల దశలో ఉన్నాయట.
రష్మికకు ఇన్ని ఛాన్సులు రావడానికి రెండు ఎఫైర్స్ ఉన్నాయని కాంట్రవర్షియల్ క్రిటిక్, బాలీవుడ్ సెలబ్రిటీ కమల్ ఆర్. ఖాన్ ట్వీట్ చేశారు. ఇప్పుడు ఆయన ట్వీట్ సోషల్ మీడియాలో హాట్ టాపిక్. ఇటు విజయ్, అటు రష్మిక ఫ్యాన్స్ అతడిపై తీవ్ర స్థాయిలో విరుచుకుపడుతున్నారు. ఇంతకీ, కమల్ ఆర్. ఖాన్ ఏం అన్నారు? అనే వివరాల్లోకి వెళితే...
''సీక్రెట్ మీడియా న్యూస్ ప్రకారం... కరణ్ జోహార్ కొత్త బాయ్‌ ఫ్రెండ్ విజయ్ అనకొండ (దేవరకొండ బదులు కావాలని అనకొండ అని పేర్కొన్నారని నెటిజన్స్ అభిప్రాయం). విజయ్ గాళ్ ఫ్రెండ్ రష్మిక కాబట్టి ఐదు హిందీ సినిమాల్లో కరణ్ జోహార్ ఆవిడకు ఛాన్సులు ఇప్పించాడు'' అని కమల్ ఆర్. ఖాన్ ట్వీట్ చేశాడు.
ఒక్క ట్వీట్‌తో కమల్ ఆర్. ఖాన్ ముగ్గురు సెలబ్రిటీలపై నిరాధారమైన ఆరోపణలు చేశారు. అటు కరణ్ జోహార్, విజయ్ దేవరకొండకు మధ్య ఏదో సంబంధం ఉందని అనడంతో పాటు... ఇటు విజయ్ దేవరకొండ, రష్మిక మధ్య రిలేషన్షిప్ నడుస్తోందని కామెంట్ చేశారు.
Also Read : కమల్ హాసన్‌కు, నాగార్జునకు పోలిక ఏంటి?
కమల్ ఆర్. ఖాన్ ట్వీట్ మీద నెటిజన్లు ఆగ్రహం వ్యక్తం చేస్తున్నారు. ముఖ్యంగా విజయ్ దేవరకొండ, రష్మిక అభిమానులు. వాళ్ళిద్దరూ సెల్ఫ్ స్టార్స్ అని... వారిపై అనుచిత వ్యాఖ్యలు చేయడం మానుకోవాలని మండిపడుతున్నారు. కొంత మంది బూతులు కూడా తిడుతున్నారు. 'లైగర్' సినిమాలో సాంగ్ విన్నాక చాలా మందికి చెవుడు వచ్చిందని, ఆ సినిమా 'తుఫాన్ 2' అని కేఆర్కే మరో ట్వీట్ చేశారు.