Zee Cine Awards 2024 Winners: బాలీవుడ్ బాద్‌షాగా పేరు తెచ్చుకున్న సీనియర్ హీరో షారుఖ్ ఖాన్‌కు గత కొన్నాళ్లకు అసలు హిట్స్ లేవు. కానీ 2023 మాత్రం తన కమ్ బ్యాక్ ఇయర్‌గా నిలిచింది. ఒకే ఏడాదిలో మూడు సినిమాలతో ప్రేక్షకులను అలరించాడు షారుఖ్. అవే ‘పఠాన్’, ‘జవాన్’, ‘డంకీ’. ఈ మూడు సినిమాలు బాక్సాఫీస్ వద్ద సూపర్ హిట్‌గా నిలిచాయి. ఇప్పుడు ఇదే సినిమాలకు బ్యాక్ టు బ్యాక్ అవార్డులు కూడా దక్కుతున్నాయి. తాజాగా జీ సినీ అవార్డుల వేడుక ఘనంగా జరిగింది. అందులో ‘పఠాన్’, ‘జవాన్’ సినిమాకు షారుఖ్ ఖాన్‌కు బెస్ట్ యాక్టర్‌గా అవార్డ్ దక్కినట్టు ప్రకటించారు. అంతే కాకుండా ‘జవాన్’ సినిమాకు మరెన్నో ఇతర కేటగిరిల్లో కూడా అవార్డులు దక్కాయి.
2024 జీ సినీ అవార్డ్స్ విన్నర్స్..
బెస్ట్ యాక్టర్: షారుఖ్ ఖాన్
బెస్ట్ వీఎఫ్ఎక్స్: జవాన్
బెస్ట్ యాక్షన్: జవాన్
బెస్ట్ మ్యూజిక్: అనిరుధ్ రవిచందర్ (జవాన్)
బెస్ట్ బ్యాక్‌గ్రౌండ్ మ్యూజిక్: అనిరుధ్ రవిచందర్ (జవాన్)
బెస్ట్ డైలాగ్: సుమిత్ అరోరా (జవాన్)
బెస్ట్ ప్లేబ్యాక్ సింగర్ (మేల్): అర్జిత్ సింగ్ (ఝూమే జో పఠాన్ - పఠాన్)
బెస్ట్ ప్లేబ్యాక్ సింగర్ (ఫీమేల్): శిల్పా రావు (బేషరమ్ రంగ్ - పఠాన్)
బెస్ట్ లిరిక్స్: కుమార్ (ఛలేయా - జవాన్)
బెస్ట్ కొరియోగ్రాఫీ: ఝూమే జో పఠాన్
పర్ఫార్మెన్స్ ఆఫ్ ది ఇయర్: కార్తిక్ ఆర్యన్
ఫ్యాషన్ డిజైనర్: మనీష్ మల్హోత్రా
బెస్ట్ కాస్ట్యూమ్స్: రాకీ ఔర్ రాణీకి ప్రేమ్ కహానీ
షారుఖ్ ఖాన్ స్పెషల్ పర్ఫార్మెన్స్..
2024 జీ సినీ అవార్డులకు సంబంధించిన ఫోటోలను, వీడియోలను పలువురు సెలబ్రిటీలు తమ సోషల్ మీడియాలో షేర్ చేశారు. మార్చి 16న ఈ అవార్డుల వేడుక జీ సినిమా ఛానెల్‌లో ప్రసారం కానుంది లేదా జీ5 సబ్‌స్క్రిప్షన్ ఉన్నవారు ఈ ఈవెంట్‌ను ఆన్‌లైన్‌లో చూడవచ్చు. ఇక ఈ ఈవెంట్‌లో మరో స్పెషల్ విషయం షారుఖ్ ఖాన్ డ్యాన్స్ చేయడమే అంటూ సోషల్ మీడియాలో ప్రచారం సాగుతోంది. 24 ఏళ్ల క్రితం విడుదలయిన ‘మొహబత్తేన్’ పాటకు షారుఖ్ స్టెప్పులేశాడట. అంతే కాకుండా తన కెరీర్‌లో ఎవర్‌గ్రీన్‌గా నిలిచిన ‘ఛయ్య ఛయ్య’ పాటకు కూడా తను డ్యాన్స్ చేసి ప్రేక్షకులను అలరించాడు. దాంతో పాటు పఠాన్, జవాన్ పాటలకు కూడా తను పర్ఫార్మ్ చేసినట్టు తెలుస్తోంది. అందుకే బాలీవుడ్ బాద్‌షా.. జీ సినీ అవార్డుల ఈవెంట్‌కే కొత్త కళ తీసుకొచ్చాడని ఫ్యాన్స్ అంటున్నారు.
Also Read: నగ్నంగా ‘ఆస్కార్’ వేదిక పైకి వచ్చిన నటుడు జాన్ సీనా - కారణం తెలిసి అంతా షాక్!