Ghani Movie Update: వరుణ్ తేజ్ కథానాయకుడిగా నటించిన సినిమా 'గని'. బాక్సింగ్ నేపథ్యంలో తెరకెక్కింది. జీవితంలో బాక్సింగ్ చేయమని తల్లికి ప్రామిస్ చేసిన ఓ పిల్లాడు... తల్లికి తెలియకుండా బాక్సింగ్ ఎందుకు చేశారు? నేషనల్ ఛాంపియన్ కావాలని ఎందుకు అనుకున్నాడు? నేషనల్ ఛాంపియన్ అయిన రోజే తన తల్లికి నిజం తెలియాలని ఎందుకు అనుకున్నాడు? అతని తండ్రి విక్రమాదిత్య ఎవరు? అనేది కథ. ట్రైలర్ లో ఈ విషయాలు చెప్పారు. కథగా సీరియస్ గా ఉందని అనుకుంటున్నారా? ఇందులో లవ్ ట్రాక్ ఉంది. ఒక స్పెషల్ సాంగ్ కూడా ఉంది.
'గని'లో తమన్నా స్పెషల్ సాంగ్ చేసిన సంగతి తెలిసిందే. 'కొడితే...' అంటూ సాగే ఆ గీతాన్ని రెండు నెలల క్రితమే విడుదల చేశారు. ఈ రోజు వీడియో సాంగ్ విడుదల చేశారు. తమన్నా గ్లామర్, డాన్స్ పాటకు స్పెషల్ అట్రాక్షన్‌గా నిలిచాయి. తమన్ సంగీతంలో హారికా నారాయణ్ ఆలపించిన ఈ పాటను రామజోగయ్య శాస్త్రి రాశారు. ఈ పాటను కూడా బాక్సింగ్ రింగ్ లో షూట్ చేశారు.
కిరణ్ కొర్రపాటిని దర్శకుడిగా పరిచయం చేస్తూ... అల్లు అర‌వింద్ స‌మ‌ర్ప‌ణ‌లో రెన‌సాన్స్ ఫిలింస్‌, అల్లు బాబీ కంపెనీ ప‌తాకాల‌పై సిద్ధు ముద్ద, అల్లు బాబీ చిత్రాన్ని నిర్మించారు. ఇందులో ఉపేంద్ర, సునీల్ శెట్టి, న‌వీన్ చంద్ర త‌దిత‌రులు నటించారు. ఏప్రిల్ 8న ప్రేక్షకుల ముందుకు వస్తోంది.
Also Read: లేటు వయసులో 'లా' - పుస్తకాలు పట్టిన పూజా హెగ్డే తల్లి