Game Changer: ఇండియాలో డ్యుయెట్ సాంగ్... అమెరికాలో డోప్ సాంగ్ - తమన్ ‘గేమ్ ఛేంజర్’ ప్లాన్స్ మామూలుగా లేవుగా

‘గేమ్ ఛేంజర్’ మూవీకి సంబంధించి మ్యూజిక్ డైరెక్టర్ తమన్ క్రేజీ అప్ డేట్ ఇచ్చారు. ఈ మూవీకి సంబంధించి మిగతా సాంగ్స్ ను ఇండియాతో పాటు అమెరికాలోను విడుదల చేయనున్నట్లు తెలిపారు.

Game Changer’s Third Song: గ్లోబల్ స్టార్ రామ్ చరణ్ నటిస్తున్న ప్రతిష్టాత్మక చిత్రం ‘గేమ్ ఛేంజర్’. ‘RRR’ సినిమా తర్వాత చెర్రీ నటిస్తున్న ఈ మూవీపై దేశ వ్యాప్తంగా భారీగా అంచనాలు నెలకొన్నాయి. తమిళ దిగ్గజ దర్శకుడు శంకర్ తెరకెక్కిస్తున్న ఈ సినిమా...  సంక్రాంతి కానుకగా 2025 జనవరి 10న విడుదల కానుంది. ఈ నేపథ్యంలో సినిమాకు సంబంధించిన ప్రమోషన్ కార్యక్రమాలు ముమ్మరం అయ్యాయి. ఇప్పటికే ఈ చిత్రానికి సంబంధించిన రెండు పాటలు విడుదలయ్యాయి. ‘రా మచ్చా..’, ‘జరగండి.’ సాంగ్స్ సినీ అభిమానులను అద్భుతంగా ఆకట్టుకున్నాయి. రీసెంట్ గా ఈ సినిమాకు సంబంధించిన టీజర్ ను లక్నో వేదికగా అట్టహాసంగా విడుదల చేశారు. ఈ టీజర్ యూట్యూబ్ లో రికార్డు వ్యూస్ సాధించింది. టీజర్ కు భారీగా రెస్పాన్స్ రావడంతో ఈ సినిమాకు సంబంధించిన అప్ డేట్స్ కోసం సినీ అభిమానులు ఎంతగానో ఎదురుచూస్తున్నారు. ఈ నేపథ్యంలోనే మ్యూజిక్ డైరెక్టర్ తమన్ క్రేజీ అప్ డేట్ ఇచ్చారు.  

ఇండియాలో డ్యుయెట్ సాంగ్... అమెరికాలో డోప్ సాంగ్

‘గేమ్ ఛేంజర్’ సినిమాకు సంబంధించి మ్యూజిక్ డైరెక్టర్ తమన్ అదిరిపోయే అప్ డేట్ ఇచ్చారు. ఇప్పటికే ఈ సినిమాకు సంబంధించిన రెండు పాటలు చార్ట్ బస్టర్లుగా నిలిచిన నేపథ్యంలో మిగతా పాటల విడుదలకు సంబంధించి సాలిడ్ న్యూస్ చెప్పారు. ఈ నెల 20న ఈ మూవీకి సంబంధించిన డ్యూయెట్ సాంగ్ విడుదల చేయబోతున్నట్లు తెలిపారు. “నవంబర్ 20న ‘గేమ్ ఛేంజర్’ నుంచి డ్యూయెట్ సాంగ్‌ విడుదల చేస్తాం. ఆ తర్వాత  ‘డోప్’ పేరుతో మరో పాటను విడుదల చేస్తాడం. ఈ పాటను రిలీజ్ కోసం అమెరికాలో గ్రాండ్ ఈవెంట్‌ని ప్లాన్ చేశాం. ఇందులో ఇంగ్లీష్ వెర్షన్ కూడా ఉంటుంది. ‘గేమ్ ఛేంజర్’ పాటల పిక్చరైజేషన్ చూసినప్పుడు నా మైండ్ బ్లాక్ అయ్యింది. చాలా కాలం తర్వాత పర్ఫెక్ట్ కమర్షియల్ పాటలను చూడబోతున్నాం” అని తమన్ వెల్లడించారు.

అట్టహాసంగా ట్రైలర్ రిలీజ్ ఈవెంట్

‘గేమ్ ఛేంజర్’ సినిమాకు సంబంధించిన ట్రైలర్ రిలీజ్ ఈవెంట్ ను నార్త్ లో ప్లాన్ చేస్తున్నట్లు తెలుస్తోంది. ఈ వేడుకకు బాలీవుడ్ బాద్ షా షారుఖ్ ను ఆహ్వానించాలని భావిస్తున్నట్లు తెలుస్తోంది. దర్శకుడు శంకర్ తన సినిమా ప్రమోషన్స్ కోసం బాలీవుడ్ తోపాటు, హాలీవుడ్ స్టార్స్ ను ఆహ్వానిస్తుంటారు. గతంలో ‘ఐ’ సినిమా ప్రమోషన్ కోసం ఏకంగా హాలీవుడ్ స్టార్ ఆర్నాల్డ్ స్క్వార్జెనెగర్ ను ఆహ్వానించారు. ఈ సినిమా ప్రమోషన్ కోసం షారుఖ్ ఖాన్ ను పిలవాలని భావిస్తున్నారట.   

‘గేమ్‌ ఛేంజర్‌’ సినిమాను శ్రీ వేంకటేశ్వర బ్యానర్‌ పై దిల్‌ రాజు నిర్మిస్తున్నారు. ఈ చిత్రంలో కియారా అద్వానీ, అంజలీ, ఎస్జే సూర్య, శ్రీకాంత్ తో పాటు పలువురు కీలక పాత్రల్లో కనిపించనున్నారు.  ఈ చిత్రానికి థమన్ సంగీతం అందిస్తున్నారు. తెలుగు, తమిళ్, హిందీ భాషల్లో జనవరి 10న విడుదల కాబోతుంది.