వరలక్ష్మీ శరత్ కుమార్ విశ్వరూపం... 'మిస్టర్ సెలెబ్రిటీ'లో 'గజానన' పాట చూశారా?

'మిస్టర్ సెలబ్రిటీ'లో 'గజానన' పాటకు వినోద్ సంగీతం అందించగా... మంగ్లీ హుషారుగా పాడారు. భక్తి భావంతో సాగుతూ హుషారుగా వినిపించే ఈ పాటకు వరలక్ష్మీ శరత్ కుమార్ అదిరిపోయే స్టెప్పులు వేశారు.

తెలుగు సినిమాల్లో పండగల సందర్భంగా వచ్చే పాటలు గతంలో ఎక్కువగా వినపడేవి. ఇప్పుడు వాటి ప్రస్తావన బాగా తక్కువ. అందులోనూ వినాయక చవితి పాటలంటే 'దండాలయ్యా ఉండ్రాళ్లయ్యా' అంటూ అప్పట్లో విక్టరీ వెంకటేష్ పాటనే ఇంకా పాడుకుంటుంటాం. అయితే ఈ సీజన్ లో కొత్తగా ఓ పాట విడుదలైంది. 'మిస్టర్ సెలెబ్రిటీ' సినిమా నుంచి రిలీజ్ చేసిన 'గజానన' సాంగ్ ఇప్పుడు ట్రెండింగ్ లోకి వచ్చింది. వినాయక చవితి సందర్భంగా ఈ పాటను విడుదల చేశారు. గజానన గజానన గజ్జెల చప్పుడు గజానన.. అంటూ సాగే ఈ పాటకు గణేష్ సాహిత్యం అందించారు. ఈ పాటలో వరలక్ష్మీ శరత్ కుమార్ సూపర్ పర్ఫామెన్స్ ఇచ్చారు. 

ఎన్నో హిట్ సినిమాలకు రైటర్స్ గా పనిచేసిన పరుచూరి బ్రదర్స్ మనవడు పరుచూరి సుదర్శన్ హీరోగా పరిచయమవుతున్న సినిమా  'మిస్టర్ సెలెబ్రిటీ' ఇటీవలే పరుచూరి వెంకటేశ్వరరావు సినిమా టీజర్ లాంచ్ చేశారు. ఈ టీజర్ కి మంచి రెస్పాన్స్ వస్తోంది. ఇప్పుడు వినాయక చవితి సందర్భంగా ఈ సినిమాలోని వినాయక చవితి స్పెషల్ సాంగ్ ని విడుదల చేశారు. ఈ మూవీలో వరలక్ష్మీ శరత్ కుమార్ ఓ కీలక పాత్ర పోషిస్తోంది. ఆమె మీద వినాయక చవితి పాటను చిత్రీకరించడం విశేషం.

'గజానన' సాంగ్ కు గణేష్ లిరిక్స్ అందించగా వినోద్ స్వరకల్పన చేశారు. మంగ్లీ ఈ పాటను హుషారుగా పాడారు. భక్తి భావంతో సాగుతూ హుషారుగా వినిపించే ఈ పాటకు వరలక్ష్మీ శరత్ కుమార్ అదిరిపోయే స్టెప్పులు వేశారు. ఈసారి వినాయక చవితి పందిళ్ల వద్ద ఈ పాట మారుమోగిపోతుందని అంటున్నారు. సాధారణంగా వరలక్ష్మి సినిమాల్లో పెద్దగా డ్యాన్స్ నెంబర్లు ఉండవు. స్పెషల్ క్యారెక్టర్లతో డిఫరెంట్ జర్నీ చేస్తున్న ఆమె ఈ 'గజానన' సాంగ్ లో మాత్రం స్టెప్పులతో పర్ఫామెన్స్ అదరగొట్టారని అంటున్నారు. ఈ పాట కచ్చితంగా సూపర్ హిట్ అవుతుందని చిత్ర యూనిట్ ఆశాభావం వ్యక్తం చేస్తోంది. దేవుళ్ల పాటల విషయంలో సింగర్ మంగ్లీ గొంతు స్పెషల్ గా ఉంటుంది. ఇప్పటికే శివుడిపై ఆమె పాడిన పాటలు సూపర్ హిట్ అయ్యాయి. ఇప్పుడు శివ పుత్రుడు వినాయకుడిపై మంగ్లీ పాడిన ఈ పాట హుషారుగా ఉంది. ఈ పాట ఇప్పటికే యూట్యూబ్ లో మంచి వ్యూస్ సాధించింది. మిగతా ఆడియో ప్లాట్ ఫామ్ లలో కూడా ట్రెండింగ్ లో కి వచ్చింది. సరిగ్గా వినాయక చవితి సీజన్ లో విడుదలైన ఈ పాటను ప్రేక్షకులు బాగా ఆదరిస్తారని తెలుస్తోంది. 

ఎన్. పాండురంగారావు, చిన్నరెడ్డయ్య ఈ సినిమాకు నిర్మాతలు. చందిన రవి కిషోర్ డైరక్షన్ లో వస్తున్న ఈ మూవీ ఇప్పటికే టాక్ ఆఫ్ టాలీవుడ్ గా మారింది. కొత్త పాట విడుదల కావడంతో ఈ సినిమాపై మరిన్ని అంచనాలు పెరిగాయి. వినాయక చవితి మండపంలోనే పూర్తిగా ఈ పాట చిత్రీకరించారు. అయితే ఈ పాటతోపాటు బ్యాక్ గ్రౌండ్ లో స్టోరీ కూడా ముందుకు వెళ్తుంది. సినిమాల్లో వినాయకుడిపై పాటలు తగ్గిపోతున్న ఈ టైమ్ లో 'మిస్టర్ సెలెబ్రిటీ' మూవీ కాస్త స్పెషల్ గా కనపడుతోంది.