చిరంజీవి ( Chiranjeevi ) కొత్త సినిమా ఆచార్య ( Acharya ) విడుదలకు సిద్ధంగా ఉంది. ఈ చిత్రాన్ని ఏప్రిల్ 29న విడుద‌ల కానున్న‌ట్లు మేక‌ర్స్ ఇదివ‌ర‌కే ప్రకటించారు. ఆచార్య ప్రీ రిలీజ్ ఈవెంట్‌ను ( Pre Release Event ) ఏప్రిల్ 23న విజ‌యవాడ‌లోని సిద్దార్థ జూనియ‌ర్ కాలేజ్‌లో నిర్వహించ‌నున్నారు. అయితే ఈ ఈవెంట్‌కు ముఖ్య అతిథిగా ఏపీ సీఎం జగన్ మోహ‌న్ రెడ్డి ( AP CM Jagan ) రానున్నారు. ఆచార్య సినిమా నిర్మాతలు ఒకరైన నిరంజన్ రెడ్డి ( Niranjan Reddy ) ప్రముఖ లాయర్. ఆయన సీఎం జగన్మోహన్ రెడ్డికి చెందిన వ్యక్తిగత కేసులను చూస్తూంటారు. అక్రమాస్తుల కేసులో వాదనలు వినిపిస్తూ ఉంటారు. ఇటీవల టిక్కెట్ల వివాదంపై జరిగిన చర్చల్లోనూ ఆయన పాల్గొన్నారు.
ట్విట్టర్‌లో విజయసాయిరెడ్డి వర్సెస్ బండ్ల గణేష్ ! చరిత్రలు బయట పెట్టేసుకుంటున్నారుగా
చిరంజీవితోనూ జగన్‌కు మంచి సంబంధాలు ఉన్నాయి. ఈ క్రమంలో వారి ఆహ్వానం మేరకు సీఎం జగన్ ప్రీ రిలీజ్ వేడుకకు హాజరయ్యేందుకు అంగీకరించినట్లుగా తెలుస్తోంది. సినిమా టికెట్లు, థియేటర్ల విషయంలో సినీ పరిశ్రమ ( Film Industry ) , అనుబంధ పరిశ్రమలు ఏపీలో ప్రభుత్వ నిర్ణయాల కారణంగా ఇబ్బంది పడ్డాయి. ఈ సమస్యలని తొలగించడానికి చిరంజీవి ముందుండి పలు మార్లు జగన్ ని కలిశారు. ఆ ప్రయత్నాలు ఫలించి టిక్కెట్ రేట్లు ( Ticket Rates ) పెంచుకునేందుకు ప్రభుత్వం అవకాశం కల్పించింది. ఆ తర్వాత పలు పెద్ద సినిమాలు విడుదలయ్యాయి.
నెల్లూరు వైసీపీలో వర్గపోరు, కాకాణి రాక-అనిల్ సభ ఎవ్వరూ తగ్గేదేలే!
చిరంజీవి సోదరుడు పవన్ కల్యాణ్ ( Pawan Kalyan ) జనసేన పార్టీ పెట్టి .. జగన్‌పై తీవ్ర విమర్శలు చేస్తున్నారు. వైఎస్ఆర్ కాంగ్రెస్ పార్టీకి ( YSR Congress Party ) పూర్తి వ్యతిరేకిగా ఉన్నారు. మరో సోదరుడు నాగబాబు ( Nagababu ) కూడా జగన్ సర్కార్‌పై విమర్శలు చేస్తున్నారు. ఈ క్రమంలో చిరంజీవి జగన్ కు సన్నిహితంగా వ్యవహరించడం కూడా రాజకీయంగా కలకలం రేపే అవకాశం ఉంది. ఇటీవల చిరంజీవి సీఎం జగన్‌ను కలిసినప్పుడు ఆయనకు రాజ్యసభ సీటు ఆఫర్ చేశారన్న ప్రచారం జరిగింది. అయితే ఈ ప్రచారాన్ని చిరంజీవి కొట్టేశారు. తాను ప్రత్యక్ష రాజకీయాల నుంచి పూర్తి స్థాయిలో వైదొలిగానని ప్రకటించారు. రాజ్యసభ సీటు అనే ప్రశ్నే రాదన్నారు.