Ashu Reddy Pooja With Venu Swamy ప్రముఖ జ్యోతిష్యుడు వేణుస్వామి గురించి ప్రత్యేకంగా పరిచయం అక్కర్లేదు. తరచూ సెలబ్రిటీల జాతకాలపై కామెంట్స్‌ చేస్తూ వార్తల్లోకి నిలుస్తుంటాడు. ఆయన చెప్పిన సమంత-నాగచైతన్యల జాతకం నిజం కావడంతో ఒక్కసారిగా వేణుస్వామి హాట్‌టాపిక్‌ అయ్యాడు. పెళ్లయిన నాలుగేళ్లకే వాళ్లు విడిపోతారని సమంత-నాగచైతన్య పెళ్లి నాడే చెప్పాడు. అది నిజం కావడంతో అంతా వేణుస్వామిని ఫాలో అవ్వడం మొదలు పెట్టారు. ఆదే టైంలో రష్మిక మందన్నా ఆయనతో పూజలు చేయించుకోవడం.. ఆమెకు సినిమాలు సక్సెస్‌ అయ్యి స్టార్‌ హీరోయిన్‌ కావడంతో పలువురు నటీమణులంతా ఆమె బాటలో నడిచారు.
రష్మిక తర్వాత నిధి అగర్వాల్‌ కూడా వేణు స్వామితో ప్రత్యేక పూజలు చేయించుకుంది. రష్మిక కలిసోచ్చినట్టు నిధికి కలిసిరాలేదనే చెప్పాలి. ఇలా వేణుస్వామి జాతకం.. కొందరి విషయంలో వర్కౌట్‌ అవుతుండటంతో ఆయనపై నమ్మకుం పెట్టుకుంటున్నారు తారలు. దీంతో ఇటీవల బిగ్‌బాస్‌ బ్యూటీ ఇనయ సుల్తానా.. వేణుస్వామితో పూజలు చేయించుకుంది. అప్పట్లో ఇది బాగా వైరల్‌ అయ్యింది. అయితే ఆమెకు లక్ ఎంతగా కలిసోచ్చిందో తెలియదు కానీ.. ఇనయ తర్వాత మరో బిగ్‌బాస్‌ బ్యూటీ అషు రెడ్డి వేణు స్వామిని ఆశ్రయించడం హాట్‌టాపిక్‌ అయ్యింది. తన ఇంట్లో వేణుస్వామితో అషు ప్రత్యేక పూజలు చేయించుకున్న వీడియోను తన ఇన్‌స్టాగ్రామ్‌లో షేర్‌ చేసింది.
దీంతో ఈ వీడియో ఇప్పుడు నెట్టింట హల్‌చల్‌ చేస్తోంది. చూస్తుంటే అషు చాలా పవర్‌ఫుల్‌ పూజలే చేయించినట్టు కనిపిస్తోంది. బగ్లాముఖిదేవి, రాజ శ్యామలా దేవీలకు ప్రత్యేకంగా పూజలు చేయించింది. వేణుస్వామి పూజ చేస్తుంటే అషు వాటిని చాలా శ్రద్ధగా ఫాలో అవ్వడం.. వేణుస్వామి కాళ్లకు మొక్కడం.. మెడలో పూల దండ వేసుకుని పూజల పాల్గొన్న ఈ వీడియో ప్రస్తుతం హాట్‌టాపిక్‌ అవుతుంది. ఈ వీడియోకు అషు.. పూజటైం.. డివైన్‌ ఎనర్జీ అంటూ హ్యాష్‌ ట్యాగ్‌లను జత చేసింది. అంతేకాదు ఎవరి నమ్మకాలు వారివి బ్రో అని క్యాప్షన్‌ ఇచ్చి.. ముందుగానే ట్రోల్స్ కు చెక్‌ పెట్టే ప్రయత్నం చేసింది. అయితే ఈ వీడియో పోస్ట్‌కు మాత్రం అషు కామెంట్స్‌ సెక్షన్‌ని డిజబుల్‌ చేయడం గమనార్హం.
Also Read: 'హనుమాన్‌' రెమ్యునరేషన్‌ వివాదం - క్లారిటీ ఇచ్చిన ప్రశాంత్‌ వర్మ
కాగా టిక్‌టాక్‌ వీడియోల ద్వారా జూనియర్‌ సమంత పాపులర్‌ అయ్యింది అషురెడ్డి. అప్పటి వరకు అమెరికాలో ఉన్న ఆమెకు ఒక్కసారిగా ఫేం రావడంతో ఇండియా వచ్చి నటిగా సెటిల్‌ అవ్వాలనుకుంది. అప్పట్లో ఆడిపదడపా సినిమాల్లో క్యారెక్టర్‌ ఆర్టిస్టుగా చేసిన అషు కొంత గ్యాప్‌ ఇచ్చింది. జునియర్‌ సమంతగా క్రేజ్‌ సంపాదించుకున్న ఆమె బిగ్‌బాస్‌ ఆఫర్ అందుకుంది. అలా బిగ్‌బాస్‌ సీజన్‌ 3 కంటెస్టెంట్‌గా వచ్చిన ఆమె రెండు వారాల్లోనే బయటకు వచ్చేసింది. అప్పుడు బొద్దుగా తయారైన ఆమె హౌజ్‌ నుంచి బయటకు రాగానే గ్లామర్‌పై ఫోకస్‌ పెట్టింది. ఫిట్‌నెస్‌ అంటూ జీమ్‌లో తెగ కష్టపడి ఇప్పుడ సన్నగా నాజుగ్గా తయారైంది. అప్పటి నుంచి- తరచూ ఫొటోషూట్‌ చేస్తూ గ్లామరస్‌ ఫొటోలు షేర్‌ చేస్తుంది. సోషల్‌ మీడియాలో రెచ్చిపోయి హాట్‌ షో చేస్తున్న అషుకు పెద్దగా సినిమా ఆఫర్లు రాకపోవడం గమనార్హం.