Arshad Warsi calls Prabhas a joker: యావత్ భారతదేశం అంతటా రెబల్ స్టార్ మేనియా కంటిన్యూ అవుతోంది. ఇప్పుడు ఆయన కేవలం తెలుగు హీరో కాదు... 'బాహుబలి' తర్వాత ఆయన ఖ్యాతి జాతీయ అంతర్జాతీయ స్థాయికి వెళ్లింది. ఆ తర్వాత ప్రభాస్ అభిమానులను మెప్పించిన సినిమాలు రాలేదు. 'కల్కి 2898 ఏడీ' విజయం మళ్లీ వాళ్లకు సంతోషాన్ని ఇచ్చింది. అయితే... ఆ సినిమా మీద బాలీవుడ్ నటుడు అర్షద్ వార్సి కాంట్రవర్షియల్ కామెంట్స్ చేశారు.


'కల్కి'లో ప్రభాస్ జోకర్‌లా ఉన్నాడు!
బాక్సాఫీస్ బరిలో రూ. 1100 కోట్లకు పైగా కలెక్ట్ చేసిన 'కల్కి 2898 ఏడీ' తనకు నచ్చలేదని అర్షద్ వార్సి తెలిపారు. ఆ సినిమా మీద ఆయన తన అసంతృప్తి వ్యక్తం చేశారు. అంతే కాదు... ఓ ఇంటర్వ్యూలో ప్రభాస్ జోకర్ (Prabhas)లా ఉన్నాడని కామెంట్ చేశారు అర్షద్. మ్యాడ్ మ్యాక్స్ టైపు యాక్షన్ - మెల్ గిబ్సన్ లాంటి పెర్ఫార్మన్స్ ఉంటుందని ఆశించానని... అవేవీ సినిమాలో లేవని ఆయన చెప్పుకొచ్చారు. 


ప్రభాస్ జోకర్ టైపులో ఉన్నాడని అనడం ఒక్కటే కాదు... అర్షద్ వార్సి చెప్పిన తీరు దేశ వ్యాప్తంగా రెబల్ స్టార్ అభిమానులకు ఆగ్రహం తెప్పించింది. ఇప్పుడు ఆ నటుడి మీద సోషల్ మీడియా వేదికగా విమర్శలు చేస్తున్నారు. 'కల్కి 2898 ఏడీ' నచ్చలేదని చెప్పిన అర్షద్... అదే ఇంటర్వ్యూలో హిందీ సినిమాలు 'శ్రీకాంత్', 'ముంజ్యా', 'కిల్' మీద ప్రశంసల వర్షం కురిపించారు. దాంతో కావాలని ఆయన సౌత్ సినిమా మీద అక్కసు వెళ్ళగక్కాడని కొందరు భావిస్తున్నారు.


Also Read: స్త్రీ 2 రివ్యూ: శ్రద్ధా కపూర్ మళ్లీ వచ్చిందిరోయ్... బాలీవుడ్ హారర్ కామెడీ బ్లాక్ బస్టరేనా? మూవీ ఎలా ఉందంటే?










ఎవరీ అర్షద్ వార్సి? ఏం సినిమాలు చేశాడు?
తెలుగు రాష్ట్రాల్లో సిటీల్లో ప్రేక్షకులకు అర్షద్ వార్సి తెలుసు. కానీ, గ్రామీణ ప్రాంత ప్రేక్షకులకు ఆయన ఎవరో పెద్దగా తెలియదు. 'శంకర్ దాదా ఎంబిబిఎస్'లో చిరంజీవి హీరోగా, ఏటీఎమ్ రోల్ శ్రీకాంత్ చేశారు కదా! ఒరిజినల్ ఫిల్మ్, బాలీవుడ్ మూవీ 'మున్నాభాయ్ ఎంబిబిఎస్'లో ఆ రోల్ అర్షద్ చేశారు. అది ఎక్కువ గుర్తింపు తెచ్చింది. హీరోగా అతని ఖాతాలో చెప్పుకోదగ్గ విజయాలు లేవు. 'జాలీ ఎల్ ఎల్ బి 3'తో త్వరలో ప్రేక్షకుల ముందుకు రానున్నాడు 


Also Read: కుర్చీ మడత పెట్టిన ప్రభాస్ హీరోయిన్ - తెలుగు పాటలకు ఇమాన్వీ సూపర్ స్టెప్స్