బ్రిటన్ భామ, సౌత్ ఇండియన్ సినిమాలతో కథానాయికగా గుర్తింపుతో పాటు పేరు తెచ్చుకున్న మోడల్ అమీ జాక్సన్ (Amy Jackson). దీపావళికి ఆవిడ ఓ గుడ్ న్యూస్ షేర్ చేశారు. తాను గర్భవతి అని అనౌన్స్ చేశారు. భర్తతో కలిసి దిగిన ఫోటోలను సోషల్ మీడియాలో షేర్ చేశారు. మళ్లీ తల్లి కాబోతున్న సంతోషాన్ని అందరితో పంచుకున్నారు. పూర్తి వివరాల్లోకి వెళితే...
మళ్లీ తల్లి కాబోతున్న అమీ జాక్సన్
అమీ జాక్సన్ వివాహ బంధంలో అడుగుపెట్టి సరిగ్గా రెండు నెలలు. ఈ ఏడాది ఆగస్టు నెలాఖరున తాను పెళ్లి చేసుకున్నట్లు ఆవిడ ప్రకటించారు. కొన్నాళ్లుగా డేటింగ్ చేస్తున్న ఎడ్ వెస్ట్విక్ (Ed Westwick) తో ఆవిడ ఉంగరాలు మార్చుకున్నారు. పెళ్లయిన రెండు నెలలకు బేబీ బంప్ ఫోటోలు షేర్ చేసి అందరికీ షాక్ ఇచ్చారు.
అమీ జాక్సన్, ఎడ్ దంపతులు తల్లిదండ్రులు కాబోతుండడంతో చాలా సంతోషంగా ఉన్నారు. అమీ జాక్సన్ ఇంతకు ముందు ఓ బిడ్డకు జన్మ ఇచ్చారు. ఆమెకు ఆల్రెడీ ఐదేళ్ల కుమారుడు ఆండ్రెయాస్ ఉన్నాడు.
Also Read: ప్రభాస్ ఫ్యాన్స్‌కు కిర్రాక్ అప్డేట్ ఇచ్చిన సందీప్ రెడ్డి వంగా - అదేమిటో తెలుసా?
ఎడ్ వెస్ట్విక్ (Amy Jackson ED Westwick Wedding) తో వివాహానికి ముందు వ్యాపారవేత్త జార్జ్ పనయోటుతో అమీ జాక్సన్ కొన్నాళ్లు డేటింగ్ చేశారు. ఆ సమయంలో ఆవిడ గర్భవతి అయ్యారు. అప్పుడు కుమారుడు జన్మించాడు. ఇప్పుడు ఎడ్ (Amy Jackson Baby Bump Photos) తో అమీ జాక్సన్ బిడ్డకు జన్మ ఇవ్వనున్నారు.
Also Read: గ్లోబల్ స్టార్ దీపావళి ధమాకా... టీజర్ రిలీజ్ డేట్ పోస్టర్‌లో రామ్ చరణ్ లుంగీ లుక్ మామూలుగా లేదమ్మా
ఈ ఏడాది జనవరిలో అమీ జాక్సన్, ఎడ్ వెస్ట్విక్ ఎంగేజ్మెంట్ జరిగింది. ఆ తర్వాత ఆగస్టులో ఇటలీలో పెళ్లి చేసుకున్నారు. రెండేళ్ల క్రితమే తాను ప్రేమలో ఉన్నట్లు ఆమె వెల్లడించారు. ఇన్‌స్టాగ్రామ్‌లో 2022లో డేటింగ్ మ్యాటర్ బయట పెట్టారు. 'గాసిప్ గర్ల్' షో ద్వారా ఎడ్ వెస్ట్విక్ పాపులర్ అయ్యారు.
సినిమాలకు వస్తే... అమీ జాక్సన్ మళ్లీ ఇండియన్ ఫుల్ ఇండస్ట్రీ మీద కాన్సన్ట్రేట్ చేసినట్టు అర్థమవుతుంది. ఈ ఏడాది విడుదలైన తమిళ హీరో అరుణ్ విజయ్ సినిమా 'మిషన్ చాప్టర్ వన్'లో ఆవిడ కనిపించారు. హిందీలో విద్యుత్ జమ్వాల్, అర్జున్ రాంపాల్, నోరా ఫతేహి ప్రధాన పాత్రల్లో నటించిన 'క్రాక్' సినిమాలో కూడా నటించారు. ప్రెగ్నెంట్ కావడం వల్ల ఏడాది పాటు నటనకు బ్రేక్ ఇవ్వనున్నారు. ఆ తర్వాత మళ్లీ సినిమాలపై దృష్టి పెట్టే అవకాశం ఉంది.