Air Hostess Spills Juice On Sara Ali Khan: బాలీవుడ్ బ్యూటీ సారా అలీఖాన్‌కు విమానంలో చేదు అనుభవం ఎదురయ్యింది. విమానంలో ఓ ఎయిర్ హోస్టెస్ ఆమెపై జ్యూస్ పడేయడం సంచలనం కలిగించింది. ఈ వీడియో ప్రస్తుతం నెట్టింట వైరల్ గా మారింది. ఇంతకీ ఈ ఘటన నిజంగానే జరిగిందా? సినిమా ప్రమోషనల్ లో భాగంగా చేశారా? అనేది తెలియాల్సి ఉంది. ఇంతకీ అసలు ఏం జరిగిందంటే..
రీసెంట్ గా సారా ఫ్లైట్ ఎక్కింది. తన సీట్ లో కూర్చొని ఉంది. ఆ సమయంలో ఎయిర్ హోస్టెస్ ఆమె జ్యూస్ ఇచ్చేందుకు వచ్చింది. పొరపాటున ఆమె మీద పడిపోయింది. విషయం తెలిసి పైలెట్లు ఇద్దరు ఆమె సీట్ దగ్గర వచ్చారు. ఎయిర్ హోస్టెస్ కూడా అక్కడే ఉంది. వారి వైపు సారా సీరియస్‌గా చూస్తూ తన సీట్ నుంచి లేచి వాష్ రూమ్ కు వెళ్లింది. ప్రస్తుతం ఈ వీడియో సోషల్ మీడియాలో వైరల్ అవుతుంది.
సినిమా ప్రమోషన్ కోసమే ఈ నాటకమా?
ప్రస్తుతం సారా వీడియో నెట్టింట చక్కర్లు కొడుతుంది. దీనిపై నెటిజన్లు రకరకాలుగా స్పందిస్తున్నారు. ఈ వీడియో నిజంగానే జరిగిందేమో? అని కొంతమంది కామెంట్స్ పెడుతుంటే.. మరికొంత మంది సినిమా ప్రమోషన్ కోసం ఆడిన నాటకం అంటూ కామెంట్స్ పెడుతున్నారు. సారా చాలా హుందాగా ఉంటుందని, సినిమా ప్రమోషన్ కోసం ఇలా చేయదని మరికొంత మంది అంటున్నారు. మొత్తంగా నెటిజన్లు ఎవరికి తోచి విధంగా వాళ్లు కామెంట్స్ పెడుతున్నారు. ఈ ఘటనపై సారా అలీ ఖాన్ నుంచి ఎలాంటి ప్రకటన రాలేదు. సదరు విమానయాన సంస్థ కూడా ఎలాంటి వివరణ ఇవ్వలేదు. ఇదంతా కావాలనే చేశారని ఇంకొందరు అంటున్నారు.
వరుస సినిమాలతో సారా ఫుల్ బిజీ
ఇక సారా సినిమాల విషయానికి వస్తే, ఆమె వరుస చిత్రాలతో ఫుల్ బిజీగా ఉంది. ధర్మ ప్రొడక్షన్స్, సిఖ్యా ఎంటర్‌టైన్‌మెంట్ సంయుక్తంగా నిర్మిస్తున్న యాక్షన్-కామెడీ చిత్రంలో ఆయుష్మాన్ ఖురానాతో కలిసి నటిస్తోంది. అటు అనురాగ్ బసు దర్శకత్వం వహించిన ‘మెట్రో ఇన్ డినో’ అనే సినిమాలోనూ సారా కనిపించనుంది. ఈ చిత్రంలో ఆదిత్య రాయ్ కపూర్, పంకజ్ త్రిపాఠి, ఫాతిమా సనా షేక్, నీనా గుప్తా సహా పలువురు నటీనటులు కీలక పాత్రలు పోషిస్తున్నారు. ప్రస్తుతం ఆమె చేతిలో నాలుగైదు సినిమాలు ఉన్నాయి. ఇటీవల ఆమె నటించిన సినిమాలు మంచి సక్సెస్ అందుకుంటున్నాయి. ఈ నేపథ్యంలో వరుస అవకాశాలు వస్తున్నాయి. ప్రస్తుతం బాలీవుడ్ లో స్టార్ హీరోయిన్ కొనసాగుతోంది సారా.
Read Also: నా కెరీర్‌లో హిట్ల కంటే ఫ్లాప్సే ఎక్కువ, అయినా నేను ఆ మార్గాన్ని ఎంచుకోను - జాన్వీ కపూర్