Samantha: నటి సమంత ప్రస్తుతం సినిమాలకు దూరంగా ఉంది. ఆమె ప్రస్తుతం ఇండినోషియా బాలిలో విహార యాత్రలో గడుపుతోంది. గత కొద్ది రోజులుగా అక్కడ పర్యాటక ప్రదేశాను సందర్శిస్తూ మానసిక విశ్రాంతి పొందుతోంది సమంత. ఆమె ట్రిప్ లు, టూర్ లకు సంబంధించిన ఫోటోలను ఎప్పటికప్పుడు షేర్ చేస్తూ అభిమానులను ఖుషీ చేస్తోంది సామ్. ఆమె ఇటీవల మరో ఇంట్రెస్టింగ్ పోస్ట్ ను షేర్ చేసింది. ఇందులో ఆమె ఐస్ బాత్ చేస్తున్నట్టు తెలిపింది. దీంతో ఆమె షేర్ చేసిన పోస్ట్ ఇప్పుడు వైరల్ అవుతోంది.
4 డిగ్రీల ఐస్ వాటర్ లో 6 నిమిషాల పాటు..
సమంత ఏం చేసినా స్పెషల్ గానే ఉంటుంది. సినిమాల్లో అయినా నిత్య జీవితంలో అయినా చాలా డేరింగ్ గా ఉంటుంది సమంత. సాహసాలు చేయడానికి ఏ మాత్రం వెనకడుగు వేయదు. సినిమా షూటింగ్ లలో కూడా అలాంటి సాహసాలు చేసి గాయాలపాలైన సందర్భాలు కూడా ఉన్నాయి. అయితే ఇప్పుడు వెకేషన్ లో ఉన్న సమంత రీసెంట్ గా జిమ్ లో యాక్రోబాటిక్ స్టంట్ చేసి అందర్నీ ఆశ్చర్యపరిచింది. తాజాగా మరో సాహసోపేతైన యాక్టివిటీ చేసి మరోసారి అందరి దృష్టినీ ఆకర్షించింది. నాలుగు డిగ్రీల ఐస్ వాటర్ లో దాదాపు ఆరు నిమిషాల పాటు ఉండి ఆశ్చర్యపరిచింది. అందుకు సంబంధించిన వీడియోను తన సోషల్ మీడియా ఖాతాలో షేర్ చేసింది సమంత. మామూలుగా కాస్త చలిగా ఉంటేనే చాలా మంది నీటిలో తడవడానికి భయపడుతుంటారు. అలాంటిది సమంత అన్ని నిమిషాల పాటు అలా ఐస్ వాటర్ లో ఉండటం చూసి ఆమె అభిమానులు ప్రశంసిస్తున్నారు.
సినిమాలకు దూరంగా అభిమానులకు దగ్గరగా..
సమంత సినిమాలకు దూరం అవుతుందనే వార్త వచ్చినప్పటి నుంచీ ఆమె అభిమానులు ఆందోళన వ్యకం చేశారు. సామ్ ను మిస్ అయిపోతున్నాం అంటూ సోషల్ మీడియాలో చర్చలు జరిగాయి. అయితే ఆమె సినిమాలకు దూరం అయింది కానీ అభిమానులకు మాత్రం దగ్గరగానే ఉందని చెప్పాలి. సమంత ‘ఖుషీ’, ‘సిటాడెల్’ షూటింగ్ లు పూర్తి చేసిన తర్వాత ఇక ఎవరికీ కనిపించకుండా అజ్ఞాతంలోకి వెళ్లిపోతుందేమో అని అనుకున్నారు. అయితే ఆమె ఇప్పుడు ఎక్కడికి వెళ్లినా అక్కడ నుంచి తన విశేషాలను, సరదా కబుర్లను అభిమానులకు ఎప్పటికప్పుడు చెబుతూ వాళ్లతో టచ్ లో ఉంటుంది. ఈ మధ్య ఆమె వెళ్లిన ఆధ్యాత్మిక యాత్రలకు సంబంధించిన ఫోటోలు అలాగే ఇప్పుడు బాలి విహార యాత్రకు సంబంధించిన ఫోటోలు, వీడియోలను అభిమానులతో పంచుకుని వారిని ఖుషీ చేస్తోంది. దీంతో సమంత అభిమానులు సంతోషం వ్యక్తం చేస్తున్నారు.
ఇక సమంతకు గతంలో మయోసైటిస్ అనే కండరాల వ్యాధి సోకిన విషయం తెలిసిందే. ఆ వ్యాధి ఇప్పటికీ సమంతను వేధిస్తుందని తెలుస్తోంది. అందుకే ఆమె చేతిలో ఉన్న ప్రాజెక్టులను పూర్తి చేసి సినిమాలకు బ్రేక్ ఇచ్చింది. త్వరలో ఆమెరికా చికిత్స్ కోసం అమెరికా వెళ్లనుందని, పూర్తిగా కోలుకున్నాకే ఆమె మళ్లీ తిరిగి సినిమాల్లోకి వస్తుందనే టాక్ నడుస్తోంది. మరి సమంత మళ్లీ సిల్వర్ స్క్రీన్ పై ఎప్పుడు మెరుస్తుందో వేచి చూడాల్సిందే..
Also Read: ఇలియానా నిండు గర్భం - దగ్గరలో డెలివరీ డేట్!
Join Us on Telegram: https://t.me/abpdesamofficial