గోవా బ్యూటీ ఇలియానా డిక్రూజ్ (Ileana D'cruz) గర్భవతి. ఈ సంగతి ప్రేక్షకులు అందరికీ తెలుసు. ఆ విషయాన్ని ఆవిడ సగర్వంగా ఎప్పుడో ప్రకటించారు. బేబీ బంప్ ఫొటోస్ కూడా ఎప్పటికప్పుడు పోస్ట్ చేస్తూ వస్తున్నారు. అయితే... ఇప్పుడు ఇలియానా కొత్తగా పోస్ట్ చేసిన మిర్రర్ సెల్ఫీ చూస్తే... బేబీ బంప్ మరింత స్పష్టంగా, పూర్తిగా కనబడుతోంది.
డెలివరీ డేట్ దగ్గరకు వచ్చిందా?
Ileana's fully grown baby bump : ఇలియానా ఈ రోజు ఓ మిర్రర్ సెల్ఫీ పోస్ట్ చేశారు. అది చూస్తే... నిండు గర్భం కనబడుతోంది. దాంతో కొందరు డెలివరీ డేట్ దగ్గర పడిందా? అని కామెంట్ చేస్తున్నారు. తాను గర్భవతి అని 14 వారాల క్రితం ఇలియానా అనౌన్స్ చేశారు. అందువల్ల, డెలివరీకి ఇంకా టైమ్ ఉందనుకోవచ్చు.
Also Read : రూ. 150 కోట్ల షేర్ గ్యారెంటీ 'బ్రో'... పవన్ కళ్యాణ్ లాస్ట్ 5 సినిమాల కలెక్షన్స్ ఎంతంటే?
సముద్ర తీరంలో ఇలియానా & పార్ట్నర్!
ఇలియానా తన ప్రెగ్నెన్సీ విషయాన్ని అనౌన్స్ చేసిన మరుక్షణం నుంచి ఆమెపై విమర్శల జడివాన మొదలైంది. ఎందుకంటే... తనకు పెళ్లైనట్టు ఎప్పుడూ ఆమె ప్రకటించలేదు. ప్రేమలో ఉన్నట్టు కూడా చెప్పలేదు. కానీ, కట్రీనా కైఫ్ సోదరుడితో డేటింగ్ చేస్తున్న విషయం ప్రేక్షకులకూ తెలుసు.
ఇలియానాకు పెళ్లి కాలేదు కనుక 'పెళ్లి కాకుండా తల్లి ఎలా అవుతున్నావు? ఇది సంప్రదాయమేనా?' అని ఆమెను కొందరు ప్రశ్నించారు. 'నీ కడుపులో బిడ్డకు తండ్రి ఎవరో చెప్పు?' అంటూ కొంత మంది దారుణంగా, చాలా నీచంగా కామెంట్స్ చేశారు. ఆ విమర్శలను ఇలియానా పట్టించుకోవడం లేదు. హ్యాపీగా ప్రెగ్నెన్సీ టైమ్ ఎంజాయ్ చేస్తున్నారు.
ఇలియానా కొన్ని రోజుల క్రితం తన భాగస్వామితో కలిసి విహారయాత్రకు వెళ్లారు. అది బేబీ మూన్! అంటే... పార్ట్‌నర్‌తో కలిసి వెళతారు. తన పార్ట్నర్ ఎవరు? బిడ్డకు తండ్రి ఎవరు? అనేది అప్పుడు అధికారికంగా చెప్పలేదు. అయితే, ఇటీవల తన పార్ట్నర్ ఫోటో షేర్ చేశారు.
Also Read : అనుష్క సినిమా వాయిదా - ప్రభాస్ కజిన్‌కు తిట్లు తప్పవా?
కట్రీనాకు కాబోయే మరదలు ఇలియానా!
ఆస్ట్రేలియన్ ఫోటోగ్రాఫర్ ఆండ్రూ నీబోన్, ఇలియానా కొన్నాళ్ళు డేటింగ్ చేశారు. ఆ తర్వాత ఏమైందో? ఏమో? బ్రేకప్ అయ్యింది. ఆ తర్వాత తెలుగులో వెంకటేష్ 'మల్లీశ్వరి', నందమూరి బాలకృష్ణ 'అల్లరి పిడుగు' సినిమాల్లో నటించిన బాలీవుడ్ స్టార్ హీరోయిన్ కట్రీనా కైఫ్ బ్రదర్ సెబాస్టియన్ లారెంట్ మైఖేల్ (Sebastian Laurent Michel)కు ఇలియానా దగ్గర అయ్యారు. 'కాఫీ విత్ కరణ్' ప్రోగ్రాంలో కట్రీనా ఆ విషయాన్ని కన్ఫర్మ్ చేశారు.
ప్రెగ్నెంట్ అని ఇలియానా ఎలా చెప్పారంటే?
'అండ్ సో ద అడ్వెంచర్ బిగిన్స్' (ఇప్పటి నుంచి సాహసయాత్ర మొదలు అయ్యింది) - ఈ కొటేషన్ రాసిన ఉన్న టీ షర్టును ఏప్రిల్ 18న ఇలియానా పోస్ట్ చేశారు. ఆ తర్వాత మెడలో 'అమ్మ' (Mama) అని రాసి ఉన్న చైన్ ధరించిన ఫోటోను పోస్ట్ చేశారు. ఈ రెండూ చూస్తే ఆమె గర్భవతి అని చెప్పడం పెద్ద కష్టం ఏమీ కాదు. ''త్వరలో వస్తుంది. నా లిటిల్ డార్లింగ్ ని కలవడానికి ఆసక్తిగా ఎదురు చూస్తున్నాను'' అని క్యాప్షన్ ఇచ్చారు. ఇలియానాకు సినిమా పరిశ్రమలో పలువురు కంగ్రాట్స్ చెప్పారు.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial