Krithi Shetty: సినిమా ఇండస్ట్రీలో పుకార్లకు కొదవే ఉండదు. అయితే ఇండస్ట్రీలో చాలా మంది సెలబ్రెటీలు పుకార్లను అంతగా పట్టించుకోరు. కొంతమంది మాత్రం వాటికి తమదైన శైలిలో స్పందిస్తూ సమాధానాలు చెప్తూ ఉంటారు. అయితే ఈ మధ్య సోషల్ మీడియా విపరీతంగా పెరిగిపోవడంతో సెలబ్రెటీ గాసిప్స్ ఎక్కువైపోతున్నాయి. దీంతో ప్రతీ ఒక్కరూ ఇది నిజం కాదు బాబోయ్ అంటూ క్లారిటీ ఇచ్చుకోవాల్సి వస్తుంది. తాజాగా టాలీవుడ్ బ్యూటీ కృతి శెట్టి కూడా అలా వివరణ ఇచ్చింది. గత కొద్ది రోజుల నుంచి ఓ బడా హీరో కొడుకు కృతి శెట్టి వెంట పడుతున్నాడని, స్నేహం చేయాలని ఆమెను ఇబ్బంది పెడుతున్నాడనే వార్తలు సోషల్ మీడియాలో వైరల్ అయింది. మొదట్లో దీనిపై స్పందించని కృతి ఈ వార్తలు రోజురోజుకీ పెరిగిపోతుండటంతో ఆ మేటర్ పై తాజాగా వివరణ ఇచ్చింది. 



తప్పుడు కథనాలను వండి వార్చడం ఆపండి: కృతి శెట్టి


కృతి శెట్టి కెరీర్ ప్రస్తుతం ప్రశార్థకంగా మారింది. ఓ వైపు టాలీవుడ్ లో వరుస అపజయాలను చవిచూస్తున్న ఈ బ్యూటీకి ఇప్పుడు రూమర్స్ రూపంలో మరో తలనొప్పి మొదలైంది. మొదట్లో లైట్ తీసుకున్నా.. ఈ పుకార్లు అంతకంతకూ పెరిగిపోతుండంతో స్పందించింది కృతి. ఈ మేరకు తన సోషల్ మీడియా ఖాతాలో ఓ పోస్ట్ కూడా షేర్ చేసింది. బడా హీరో కొడుకు వేధిస్తున్నాడంటూ తనపై వచ్చిన వార్తల్లో ఎలాంటి నిజం లేదని స్పంష్టం చేసింది. తానెప్పుడూ అలా చెప్పలేదని పేర్కొంది. వాస్తవానికి ఈ పుకార్లు పట్టించుకోకూడదని అనుకున్నానని, కానీ ఈ తప్పుడు ప్రచారం తీవ్ర స్థాయిలో జరగుతుండటంతో స్పందించాల్సి వచ్చిందని అంది. తనపై వస్తోన్న వార్తలన్నీ నిరాధారమైన వార్తలని, వాటిని ఎవరూ నమ్మవద్దని తేల్చి చెప్పింది. ఇలాంటి తప్పుడు కథనాలను వండి వార్చడం ఆపేయాలి అంటూ హితవు పలికింది. 


ఇతర భాషల్లో అదృష్టాన్ని పరీక్షించుకుంటోన్న బేబమ్మ


కెరీర్ ప్రారంభంలో వరుస హిట్ లతో దూసుకుపోయింది కృతి శెట్టి. ‘ఉప్పెన’,‘శ్యామ్ సింగరాయ్’, ‘బంగార్రాజు’ వంటి సినిమాలు కృతి కెరీర్ కు మంచి బూస్ట్ ఇచ్చాయి. అయితే తర్వాత హీరో రామ్ తో ‘వారియర్’ సినిమాలో నటించింది. ఈ మూవీ ఫ్లాప్ అయింది. అక్కడ నుంచే టాలీవుడ్ లో కృతి ఫ్లాప్ ల పరంపర మొదలైంది. తర్వాత ‘మాచర్ల నియోజకవర్గం’, ‘ఆ అమ్మాయి గురించి మీకు చెప్పాలి’, ‘కస్టడీ’ సినిమాలు డిజాస్టర్లుగా నిలిచాయి. దీంతో టాలీవుడ్ కి పులిస్టాప్ పెట్టి ఇతర భాషల్లో తన అదృష్టాన్ని పరీక్షించుకుంటోంది. మలయాళంలో టొవినో థామస్ హీరోగా తెరకెక్కుతోన్న ఓ మూవీలో హీరోయిన్ గా చేస్తుంది కృతి. ‘కస్టడీ’ లాంటి బైలింగ్వుల్ మూవీతో ఇప్పటికే తమిళ ప్రేక్షకులకు పరిచయం అయింది. దీనితో పాటు ఇప్పుడు తమిళ్ స్టార్ నటుడు జయం రవి సినిమాలో చాన్స్ కొట్టేసింది బేబమ్మ. ఇటీవలే ఈ సినిమా లంఛనంగా ప్రారంభం అయింది. ప్రస్తుతం కృతి ఆశలు అన్నీ ఈ సినిమాల మీదే ఉన్నాయి. తమిళ్, మలయాళం లో హిట్ అందుకుంటేనే మళ్లీ టాలీవుడ్ లో కూడా అవకాశాలు వచ్చే అవకాశం ఉంది. మరి ఈ సినిమాలతో అయినా బేబమ్మ ఫేట్ మారుతుందో లేదో చూడాలి. 


Also Read: నేను సినిమా చూశాకే ప్రమోషన్స్ చేస్తా, అవన్నీ వృత్తిలో భాగమే: ‘రంగబలి’పై నాగశౌర్య