దర్శకుడు శంకర్ కాంబినేషన్‌ రామ్ చరణ్ హీరోగా తెరకెక్కుతున్న పాన్ ఇండియా మూవీ RC15 పూజా కార్యక్రమాలు ఈరోజు హైదరాబాద్‌లో జరిగాయి. ఈ వేడుకకు ముఖ్య అతిథిగా హాజరయ్యాడు బాలీవుడ్ స్టార్ హీరో రణ్ వీర్ సింగ్. అయితే, రణ్ వీర్ సింగ్ కొత్త లుక్ ఈ వేడుకలో చర్చనీయమైంది. ఎందుకంటే డిఫరెంట్ స్టైల్స్ ని ఫాలో అయ్యే రణ్ వీర్ ఈ వేడుకకు రెండు పిలకలు వేసుకొచ్చాడు. చెర్రీ-రాజమౌళితో మాట్లాడుతున్న ఫొటోలో రణ్ వీర్ స్టైలిష్ లుక్ చూడొచ్చు.
ఇప్పుడే కాదు గతంలోనూ చాలాసార్లు రణ్ వీర్ న్యూ లుక్ ఫొటోస్ సోషల్ మీడియాలో తెగ వైరల్ అయ్యాయి. విచిత్రమైన ఫోటోలతో నెట్టింట్లో మీమ్స్ ఫెస్ట్ జరిగింది. ఆ మధ్య రణ్ వీర్ పోస్ట్ చేసిన ఓ ఫొటో చూసిన నెటిజన్లు 21వ శతాబ్ధపు అల్లావుద్దీన్ ఖిల్జీ వెర్షన్ ను గుర్తుచేశాడని కొందరు.. జీసస్ మోడ్రన్ వెర్షన్ అంటూ మరికొందరు కామెంట్స్ చేశారు.
మరోవైపు భర్త రణ్ వీర్ సింగ్ పై దీపిక పదుకొనే బిగ్ బీకి ఫిర్యాదు చేసింది. సంజయ్ లీలా భన్సాలీ రూపొందించిన రామ్ లీలా, పద్మావత్, బాజీరావ్ మస్తానీలో నటించిన ఈ జోడీకి ఆన్ స్క్రీన్, ఆఫ్ స్క్రీన్ కూడా ఫుల్ ఫాలోయింగ్ ఉంది. మూడేళ్ల క్రితం పెళ్లిచేసుకున్న ఈ జంట ఆ తర్వాత కూడా వరుస ప్రాజెక్ట్స్ తో బిజీ బిజీగా ఉన్నారు. దీపిక రీసెంట్ గా మరో బాలీవుడ్ ప్రాజెక్ట్ కూడా చేస్తున్నట్టు ప్రకటించడం రణ్ వీర్ సంతోషిస్తూ ట్వీట్ చేయడం కూడా జరిగింది. ఇంతకీ దీపిక.. రణ్ వీర్ పై ఎందుకు కంప్లైంట్ చేసిందంటే.. అమితాబ్ హోస్ట్ గా చేస్తున్న ‘కౌన్ బనేగా కరోడ్ పతి’ కార్యక్రమానికి వినాయక చవితి స్పెషల్ షోలో భాగంగా ఫరాఖాన్ తో పాటూ దీపిక హాజరైంది. ఓ ఈ సందర్భంగా ఆమె మాట్లాడుతూ.. తన భర్త రణ్ వీర్ సింగ్ వంట చేసి మరీ తినిపిస్తానని హామీ ఇచ్చాడు. కానీ ఇప్పటి వరకూ నెరవేర్చలేదని చెప్పింది. వెంటనే రణ్ వీర్ కి కాల్ చేసిన అమితాబ్ మొత్తం విషయం చెప్పేశారు .ఇది విన్న రణ్ వీర్..ఈసారి ఒళ్లో కూర్చోబెట్టుకుని ఆమ్లెట్ తినిపిస్తానని హామీ ఇచ్చాడు. ఈ ప్రోమో ఇప్పుడు నెట్లింట్లో వైరల్ అవుతోంది. ఏదేమైనా అటు పర్సనల్ లైఫ్, ప్రొఫెషనల్ లైఫ్, ఫ్యాషన్ ఎక్కడా కూడా ఈ జోడీ తగ్గేదేలే అంటూ క్రెడిట్ కొట్టేస్తున్నారంటున్నారు నెటిజన్లు.
Also Read:తండ్రీ కొడుకులా? అన్నదమ్ములా? చిరు-చరణ్ ఫొటో చూసి మురిసిపోతున్న అభిమానులు
Also Read: మేం వచ్చేస్తున్నాం.. చెర్రీ - శంకర్ RC15 మూవీ పోస్టర్ ఓ రేంజ్ లో ఉందిగా.. షూటింగ్ ఆరంభం