క్యారెక్టర్ డిమాండ్ చేస్తే ఏ పాత్రకైనా సిద్ధమైపోతారు హీరో,హీరోయిన్లు. ప్రయోగాలు చేసేందుకు అస్సలు తగ్గడం లేదు. ముఖ్యంగా లేడీగెటప్స్ విషయానికొస్తే విశ్వనటుడు కమల్ హాసన్ నుంచి విక్రమ్, రాజేంద్రప్రసాద్, నరేశ్, నాగశౌర్య, విజయ్ సేతుపతి, శివకార్తికేయన్, చిరంజీవి..ఇలా చాలామంది హీరోలు ట్రై చేశారు. అటు బాలీవుడ్ లోనూ పలువురు హీరోలు లేడీ గెటప్స్ లో మెరిసారు. ఇప్పటికే `సంజు`లో లేడీ గెటప్ లో కనిపించిన రణబీర్ మరోసారి అమ్మాయిగా రెడీ అయ్యాడు. ఈ వీడియో సోషల్ మీడియాలో వైరల్ అవుతోంది.
ఈ సారి రణబీర్ అమ్మాయి వేషం సినిమాకోసం కాదు ఓ కమర్శియల్ యాడ్ కోసం.ఈ మేరకు మేకప్ వేస్తున్న వీడియో షేర్ చేసింది ఫేమస్ మేకప్ ఆర్టిస్ట్ ప్రీత్ షీల్ సింగ్ డిసౌజా. పని చేయడంతోనే పూర్తి రోజు గడిచిపోయిందని పోస్ట్ చేసింది ప్రతీషీల్ .
ఈ వీడియో రిలీజ్ అయ్యే సమయానికి రణబీర్ ఫేస్ అమ్మాయిలా ఉన్నా.. ప్యాంట్ షర్టులోనే కనిపించాడు. మరి అమ్మాయిగా మారిన రాక్ స్టార్ ఎంత అందంగా ఉన్నాడో తెలియాలంటే యాడ్ వచ్చే వరకూ ఆగాలి. ఇక రణబీర్ ప్రస్తుతం `బ్రహ్మస్త్ర` సహా ఎల్ .యు. వి రంజన్ దర్శకత్వంలో మరో మూవీలో నటిస్తున్నాడు.
Also Read: సామి... సామి... సాంగ్ వచ్చిందిరా సామి!
Also Read: ఈ వారం కెప్టెన్సీ టాస్క్ కోసం పోటీపడుతున్న వారెవరంటే..?
Also Read: సిస్టర్ సెంటిమెంట్.. ఫ్యామిలీ ఎమోషన్స్.. రజినీకాంత్ మాస్ అవతార్..
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి