నిత్యం గొడవలు, అరుచుకోవడాలు, ఛాలెంజ్ లు, రెచ్చగొట్టడాలు... ఇవే కదా బిగ్ బాస్ ప్రోమోలో కనిపించేవి. కానీ ఈసారి భిన్నం. హౌస్ ప్రశాంతంగా ఉంది. గంభీరవాతావరణంలో గుండె బరువెక్కే జ్జాపకాలతో నిండిపోయింది. బిగ్ బాస్ హౌస్ మేట్స్ ను తమ మరపురాని జీవితానుభావాలను చిరునవ్వుతో పంచుకోమని అడిగినట్టున్నారు. అందుకే ఇంటి సభ్యులంతా తమ కష్టాలు, కన్నీళ్లు తోటి సభ్యులతో షేర్ చేసుకుంటూ కనిపించారు.
ముఖ్యంగా సిరి తన అనుభవాలను పంచుకుని అందరినీ ఏడిపించేసింది. ‘అందరూ అన్నారు ఊళ్లో... తల్లి ఏమైనా పద్దతిగా ఉందా కూతురు ఉండడానికి అన్నారు... మా ఊళ్లో వాళ్లకి, మా చుట్టాలకి నేను చెబుతున్నదేంటంటే నేను పద్దతిగానే పెరిగాను, పద్దతిగానే ఉంటున్నాను’ అంటూ గుండెలు పిండేసింది. జెస్సీ మాట్లాడుతూ తనకు చిన్నప్పట్నించి గొంతు సమస్య ఉందని, తనకు వాయిస్ సరిగా రాదని చెప్పుకొచ్చాడు. అయినా తానూ గిన్నిస్ బుక్ ఎక్కానని, ఫ్యాషన్ ఐకాన్ గా మారానని, తన తల్లి మాత్రం తన కొడుకు మోడల్ అని చెప్పుకోదని అన్నారు. ఇక సన్నీ తన తల్లి గురించి చెబుతూ ముగ్గురు అబ్బాయిలను ఒంటరిగా ఒక మహిళ పెంచడం ఎంత కష్టమో తనకు తెలుసునని ఎమోషనల్ అయ్యాడు.
ఇక ఇంట్లో గత రెండు రోజులుగా రచ్చరచ్చ చేసిన ప్రియా తన అనుభవాలను కూల్ గా పంచుకున్నారు. పెళ్లి తరువాత తాను సినిమాలు చేయడం మానేశానని, ఏడాదికే బాబు పుట్టాడని, ఆర్థిక కష్టాలు చుట్టుముట్టాయని చెప్పుకొచ్చారు. లోబో కూడా తెలుగు రాష్ట్రాల్లో తనకు మంచి గుర్తింపు వచ్చినట్టు తెలిపారు. మొత్తమ్మీద ఈ రోజు హౌస్ కూల్ గా, ఎమోషనల్ గా సాగేట్టు కనిపిస్తోంది.
Also read: సాధారణ బియ్యంతో పోలిస్తే బాస్మతి రైస్‌తో బరువు తగ్గే ఛాన్స్... నిజమేనా?
Also read: అఘోరాగా యువ హీరో...‘గామి’టీమ్‌కు బన్నీ ప్రశంసలు
Also read: బ్రేక్ ఫాస్ట్ విషయంలో ఈ తప్పులు చేయకండి
Also read: మన మసాలా దినుసులతో గుండె జబ్బులు దూరం.. కొత్త అధ్యయనంలో ఆసక్తికర విషయాలు