Bigg Boss 8 Telugu: బిగ్ బాస్ ఇంటిలోకి వెళ్లాలని ఆర్టిస్టులు కొందరు కలలు కంటూ ఉంటారు. అటువంటి వాళ్ళు ఆ ఇంటిలోకి అడుగు పెట్టే ముందు మన ఫ్యాన్ బేస్ ఎంత అనేది చూసుకోవడం కూడా ఇక నుంచి ముఖ్యం ఏమో!? ఈ వారం ఎలిమినేషన్ ప్రక్రియ చూస్తే... ఫ్యాన్ బేస్ లేని కారణంగానే కంటెస్టెంట్ బయటకు రావడం జరుగుతోంది. ఇంతకీ, ఈ వీక్ ఎలిమినేట్ అయ్యే అమ్మాయి ఎవరో తెలుసా?
బిగ్ బాస్ నుంచి బయటకు వచ్చేస్తున్న కిర్రాక్ సీత!
విజయ్ దేవరకొండ తమ్ముడు ఆనంద్ దేవరకొండ, విరాజ్ అశ్విన్ హీరోలుగా రూపొందిన 'బేబీ' సినిమాలో వైష్ణవి చైతన్యను స్పాయిల్ చేసే ఫ్రెండ్ రోల్ చేయడం ద్వారా 'కిరాక్' సీత పాపులర్ అయ్యారు. బిగ్ బాస్ సీజన్ 8లో అడుగు పెట్టే అవకాశం సొంతం చేసుకున్నారు. సోషల్ మీడియాలో ఆవిడకి పాపులారిటీ అయితే ఉంది గాని ఫ్యాన్ బేస్ మాత్రం అంతగా లేనట్టుంది అందుకే బయటకు వచ్చేస్తున్నారు.
ఆరో వారంలో బిగ్ బాస్ 8 సీజన్ నుంచి బయటకు వస్తున్న కంటెస్టెంట్ కిరాక్ సీత అని విశ్వసనీయ వర్గాల ద్వారా తెలిసింది. ఈ వారం నామినేషన్లలో ఆవిడతో పాటు కొత్తగా ఇంటిలో అడుగుపెట్టిన గంగవ్వ, మెహబూబ్ దిల్ సే... అలాగే షో మొదలు అయినప్పటి నుంచి ఉన్న కంటెస్టెంట్లు యష్మి గౌడ, విష్ణు ప్రియ భీమనేని, పృథ్వీ ఉన్నారు.
గంగవ్వ, మెహబూబ్ దిల్ సే బిగ్ బాస్ ఇంటిలో అడుగు పెట్టి వారం అయింది. ఆ ఇద్దరూ ఇంతకు ముందు ఇంటిలో ఆడిన అనుభవంతో పాటు బయట అభిమానులను కూడా సొంతం చేసుకున్నారు. ఆ కారణంగా వాళ్ళిద్దరూ సేవ్ అయ్యారు. మిగతా వారిలో 'కృష్ణ ముకుంద మురారి'తో పాటు తెలుగులో కొన్ని సీరియళ్లు చేసిన యష్మి గౌడ, మరో సీరియల్ ఆర్టిస్ట్ పృథ్వీ తమకు ఇచ్చిన టాస్కుల్లో పర్ఫామెన్స్ చూపిస్తున్నారు. అందువల్ల, వాళ్ళిద్దరూ బయటకు రాలేదు. ఒకవేళ వాళ్ళిద్దరూ బయటకు వచ్చే సిట్యువేషన్స్ వచ్చిన సరే ఓటింగ్ వేసి సేవ్ చేసే ఫ్యాన్ బ్యాచ్ ఉంది.
Also Read: విశ్వం సినిమా రివ్యూ: కామెడీ బావుంది - మరి, సినిమా? శ్రీను వైట్ల ఈజ్ బ్యాక్ అనొచ్చా?
విష్ణు ప్రియ భీమనేని కూడా స్మాల్ స్క్రీన్ మీద చాలా పాపులర్. 'పోరా పోవే' షోకి యాంకరింగ్ చేయడమే కాదు... 'జబర్దస్త్'లో కొన్ని స్కిట్లలో కనిపించారు. 'బిగ్ బాస్' ఇంటిలో అడుగు పెట్టడానికి ముందు స్టార్ మా ఛానల్ రియాలిటీ షో 'కిరాక్ బాయ్స్ కిలాడీ గర్ల్స్'లో కూడా పార్టిసిపేట్ చేశారు. అందువల్ల, ఆవిడకు కూడా ఫేమస్. ఇక మిగిలింది 'కిరాక్' సీత ఒక్కరే. ఆరో వారం నామినేట్ అయిన కంటెస్టెంట్లతో పోలిస్తే ఆవిడ ఫ్యాన్ బేస్ తక్కువ. అందుకే, బిగ్ బాస్ నుంచి బయటకు వచ్చారని అనుకోవాలి. విష్ణు ప్రియాతో కంపేర్ చేస్తే 'కిరాక్' సీత చాలా టస్కుల్లో మంచి పర్ఫామెన్స్ ఇచ్చారు. కానీ ఏం లాభం? బయటకు రావాల్సి వచ్చింది.