బిగ్ బాస్ తెలుగు సీజన్ 8 (Bigg Boss 8 Telugu) చివరి దశకు చేరుకుంది. మరికొద్ది రోజుల్లో విన్నర్ ఎవరో తెసిసిపోబోతోంది. గౌతమ్, నిఖిల్, అవినాష్, ప్రేరణ, నబీల్ టాప్ 5కు చేరుకున్నారు. వీరిలో అందరి కంటే ముందు ఫైనలిస్ట్ గా బెర్త్ కన్ఫర్మ్ చేసుకుంది మాత్రం అవినాష్. అయితే చివరి వారంలో విన్నర్ గా నిలిచే సత్తా అవినాష్ (Mukku Avinash)కి ఉందా? లేదా? తన ఆటలో ప్లస్ లేంటి? మైనస్ లేంటి? ఇప్పుడు చూద్దాం.
అవినాష్‌కు కలిసి వస్తున్న పాయింట్స్ ఇవే
వైల్డ్ కార్డుగా ఎంట్రీ ఇచ్చిన అవినాష్ ఈసారి లక్కు ప్లస్ హార్డ్ వర్క్ లతో ఫస్ట్ ఫైనలిస్ట్ గా చాటాడు. సీజన్ ఫోర్ లో కూడా వైల్డ్ కార్డు గానే హౌస్ లోకి 11వరోజు ఎంట్రీ ఇచ్చి 91వ రోజున టాప్ 7 కంటెస్టెంట్ గా ఎవిక్ట్ అయ్యాడు. అయితే అప్పుడు పూర్తిగా కామెడీ పైనే ఆధారపడి ఆటసాగించాడు అవినాష్. చివరి రెండు వారాల్లో సింపతి వాడాలని చూసినా వర్క్ అవుట్ కాలేదు. కానీ సీజన్ 8లో మాత్రం క్రొత్త అవినాష్ ను చూసారు ఆడియన్స్. చెప్పగా సాగుతున్న సీజన్ 8కు రిలీఫ్ ఇచ్చింది ఒక విధంగా అవినాష్ నే.
వైల్డ్ కార్డుగా ఎంట్రీ ఇచ్చింది మొదలు సీజన్ 8 లో ఎంటర్టైన్ మెంట్ పార్ట్ మొత్తాన్ని తన భుజాల మీదే మోసాడు. రోహిణి, టేస్టీ తేజలతో కలిసి ఆడియన్స్ ని నవ్విస్తూ సీజన్ ను ముందుకు తీసుకెళ్లాడు. ఇక టాస్కుల్లో సైతం గతంతో పోలిస్తే చాలా అద్భుతంగా ఆడాడు. తనను ఛాలెంజ్ చేసిన పృథ్వి ఇలాంటి స్ట్రాంగ్ ప్లేయర్స్ ను కూడా ఓడించి అటు చీఫ్ అయ్యాడు ఇటు మొదటి ఫైనలిస్ట్ అయ్యాడు. కచ్చితంగా ఈ సీజన్తో పాపులారిటీ పరంగా తన గ్రాఫ్ నైతే బాగా పెంచుకున్నాడు. సీజన్ 4 తో పోలిస్తే సింపతీ కార్డు అస్సలు వాడనే వాడలేదు. కమెడియన్స్ టాప్ లో ఉండలేరు అంటూ బిగ్ బాస్ పై ఉన్న ఒక విమర్శను ఛాలెంజ్ చేస్తూ టాప్ ఫై లో చేరిన అవినాష్ కు టాప్ 5 లో ఏ స్థానం దక్కుతుందనేది ఈవారం తేలిపోతుంది.
మరి అవినాష్ ఆటలో మైనస్‌లు ఏంటి?
బిగ్ బాస్ లో ఏ హౌస్ మేట్ కైనా ఓటింగ్ పెరగాలంటే ఖచ్చితంగా తను నామినేషన్స్ లోకి వస్తూ పోతూ ఉండాలి. అవినాష్ కి అదే ఈ సీజన్లో మైనస్ అయింది. తను ఎక్కువగా నామినేషన్ లోకి వచ్చింది లేదు. దానితో తనకంటూ ఒక సపరేటు ఫ్యాన్ బేస్ ఏర్పడలేదు. అవినాష్ ఆట లోని మరో మైనస్ పాయింట్ తనకి ఆర్గ్యుమెంట్ స్కిల్స్ లేకపోవడం . నామినేషన్స్ లో ఆర్గ్యూ చేసే టైంలో అవినాష్ అవతల వాళ్ళకి చాలాసార్లు దొరికిపోతుంటాడు. అదే సమయంలో నామినేషన్స్ లో అవినాష్ పెట్టే పాయింట్స్ కూడా చాలా సిల్లీగా ఉండడం తనకు మైనస్ అయ్యాయి. ఆ టైంలో కాన్ఫిడెంట్ గా తన పాయింట్స్ పెట్టలేకపోవడం కూడా అవినాష్ ఆటకు మైనస్. ఇవన్నీ ఎలా ఉన్నా ఈ సీజన్ లో అవినాష్ ఆట తీరు ఫస్ట్ ఫైనలిస్ట్ గా మారిన వైనం నెక్స్ట్ సీజన్ లలో వచ్చే కమెడీయన్స్ కు కాన్ఫిడెన్స్ పెరిగేలా చేస్తుంది అనడం లో డౌట్ లేదు.
Also Read: విష్ణుప్రియకు అతనితో కనెక్షన్ ఉందని... కన్ఫర్మ్ చేసిన రోహిణి - బిగ్ బాస్ 8 ఎగ్జిట్ ఇంటర్వ్యూ