బుల్లితెరపై బిగ్ బాస్ సందడి మొదలైంది. గత నాలుగు సీజన్లతో పోలిస్తే ఈసారి భిన్నంగా మొత్తం 19 మంది కంటెస్టెంట్స్ ను హౌస్ లోకి పంపించి షాకిచ్చారు బిగ్ బాస్. మొదటి రోజు మూడు టాస్క్ లు ఇచ్చి గేమ్ మొదలుపెట్టిన బిగ్ బాస్ నామినేషన్ ప్రక్రియ మొదలుపెట్టాడు. ఈ వారం ఎలిమినేషన్ కి నామినేట్ అయిన వారిలో రవి, మానస్, సరయు, కాజల్, హామీద, జెస్సీలు ఉన్నారు. ఈరోజు నుంచి హౌస్ లో అసలు ఆట మొదలవ్వబోతుంది. ఈరోజు ఎపిసోడ్ కి సంబంధించిన ప్రోమోని విడుదల చేశారు.
Also Read : Pan India Movies : దిల్ రాజు ప్లానింగ్.. నెక్స్ట్ రెండు నెలల్లో రచ్చ రచ్చే..
గేమ్ లో భాగంగా తొలిసారి పవర్ రూమ్ ని పరిచయం చేశారు బిగ్ బాస్. దీనికోసం ఓ గేమ్ పెట్టగా.. అందులో విశ్వ గెలిచాడు. దీంతో విశ్వను పవర్ రూమ్ లోకి పిలిచి షాకిచ్చారు బిగ్ బాస్. తాను ఎన్నుకున్న ఇద్దరి ఇంటి సభ్యుల ఒంటిపై ఉన్న దుస్తులతో సహా అన్ని వస్తువులను స్టోర్ రూమ్ లో పెట్టాలని చెప్పారు. ఈ టాస్క్ చేయడానికి యాంకర్ రవి, ప్రియలను ఎంచుకున్నాడు విశ్వ. వారిద్దరి బట్టలతో పాటు అన్ని వస్తువులను లాక్కెళ్లిపోవడంతో రవి, ప్రియా వెరైటీ డ్రెస్సులో కనిపించారు.
యాంకర్ రవి లేడీస్ డ్రెస్ ధరించగా.. ప్రియా అబ్బాయి డ్రెస్ లో కనిపించింది. ఇక అమ్మాయి డ్రెస్ లో ఉన్న రవిని ఎత్తుకొని సందడి చేశాడు విశ్వ. ఇదిలా ఉండగా.. మరోపక్క ప్రియాంక సింగ్ హౌస్ లో ఉన్న మానస్ ని ఆటపట్టించింది. రవిని, విశ్వని అన్నయ్య అని పిలుస్తా కానీ.. మానస్ ని మాత్రం అలా పిలవలెనని చెప్పడంతో ఇంటి సభ్యులంతా నవ్వేశారు. అనంతరం విశ్వ.. రవితో ముచ్చట పెట్టాడు. లాస్ట్ ఇయర్ తన సోదరుడిని కోల్పోయానని రవితో చెబుతూ కన్నీళ్లు పెట్టుకున్నాడు విశ్వ.