Bigg Boss 8 Telugu | బిగ్ బాస్ సీజన్ 8 లో ప్రస్తుతం 12 మంది హౌస్ మేట్స్ ఉన్నారు. గత రెండు వీకెండ్స్ లో బెజవాడ బేబక్క, శేఖర్ బాషా హౌస్ నుంచి ఎవిక్ట్ అయిన విషయం తెలిసిందే. ఇక మిగిలిన 12 మందిలో ఉన్న స్ట్రాంగ్ కంటెస్టెంట్స్ లో ప్రేరణ కంబం కూడా ఒకరు. అయితే తాజాగా ప్రేరణ ఇంట్లో విషాదం నెలకొన్నట్టుగా సమాచారం. మరి ఈ నేపథ్యంలో బిగ్ బాస్ కీలక నిర్ణయం తీసుకోబోతున్నారా ? అనే చర్చ మొదలైంది.
ప్రేరణ ఇంట్లో విషాదం
ఈరోజు రాత్రి బిగ్ బాస్ తెలుగు సీజన్ 8 డే 16 ఎపిసోడ్ ప్రసారం కానుంది. అయితే ఇప్పటికే ఒక ప్రోమో రిలీజ్ చేసి ఆసక్తిని పెంచేశారు మేకర్స్. ఆ ప్రోమోలో యష్మి గౌడ, మణికంఠ మధ్య ఏర్పడిన గ్యాప్ ను చూపించారు. అతను నామినేషన్ల విషయాన్ని పక్కకి పెట్టి నార్మల్ గా ఉండాలని కోరగా, యష్మి గౌడ అతను హగ్ చేసుకుంటే కంఫర్ట్ గా లేదు అంటూ కన్నీళ్లు పెట్టుకుంది. ఫేక్ అంటూ చాలా బాధపడింది. ఈ నేపథ్యంలోనే హౌస్ మేట్స్ లో ఒకరైన ప్రేరణకు మంగళవారం ప్రసారం కానున్న ఎపిసోడ్లో బ్యాడ్ న్యూస్ అందబోతోందని సమాచారం. ప్రేరణ భర్త వాళ్ళ అమ్మమ్మ తాజాగా కన్నుమూసినట్టు తెలుస్తోంది. కానీ ప్రస్తుతం ప్రేరణ బిగ్ బాస్ హౌస్ లో ఉంది కాబట్టి ఆమెకు ఈ వార్త గురించి తెలిసే అవకాశం లేదు. అది ఈరోజు ఎపిసోడ్ లో బిగ్ బాస్ ద్వారా తెలియబోతుందని అంటున్నారు.
ఒకవేళ ఈ విషయం తెలిస్తే ప్రేరణ దాన్ని ఎలా తీసుకుంటుంది? బిగ్ బాస్ ఆమెను ఇంటికి పంపించే నిర్ణయం ఏమన్నా తీసుకుంటారా? లేదా అలాగే హౌస్ లో ఉండి ప్రేరణ తన ఆటను కొనసాగిస్తుందా? అనేది తెలియాల్సి ఉంది. ఒకవేళ స్ట్రాంగ్ కంటెస్టెంట్ గా ఉన్న ప్రేరణ ఈ కారణంతో అర్ధాంతరంగా ఆటను ఆపేసి ఇంటికి వెళ్ళిపోతే అది ఆమెతో పాటు ఆమె అభిమానులకు కూడా నిరాశను కలిగించే విషయం అవుతుంది. కానీ అంతకంటే ఇంపార్టెంట్ ఫ్యామిలీ. మరి ప్రేరణ, బిగ్ బాస్ నిర్ణయం ఏంటో తెలియాలంటే డే 16 ఎపిసోడ్ చూడాల్సిందే.
కంటెస్టెంట్స్ ఆటకు అడ్డుగా మారిన ఎమోషన్స్
ఇప్పటికే హౌస్ మేట్స్ అందరూ ప్రతి చిన్న విషయానికి ఎమోషనల్ అవుతున్నారు. అయితే ప్రేరణకు తన భర్త అమ్మమ్మ చనిపోవడం అనేది హార్ట్ బ్రేకింగ్ వార్త కాబట్టి ఆమె గేమ్ పై ఫోకస్ చేయగలుగుతుందా ? అనే ప్రశ్నలు తలెత్తుతున్నాయి. గతవారం స్ట్రాంగ్ కంటెస్టెంట్ అనుకున్న శేఖర్ బాషా తన కొడుకుని చూడాలనే నెపంతో బయటకు వచ్చిన విషయం తెలిసిందే. ఈ విషయాన్ని స్వయంగా శేఖర్ బాషా ఇంటర్వ్యూలో వెల్లడించాడు. తన భార్యను, కొడుకును చూడడానికే బిగ్ బాస్ ను కోరి, హౌస్ మేట్స్ అందరినీ రిక్వెస్ట్ చేసి మరీ తానే స్వయంగా బయటకు వచ్చాను అని ఒప్పుకున్నాడు.