బిగ్ బాస్ నాన్ స్టాప్ హౌస్ నుంచి సరయు ఎలిమినేట్ అయినట్లుగా సమాచారం. నిజానికి అఫీషియల్ పోలింగ్ సైట్స్ లో ఆమె సేఫ్ జోన్ లోనే ఉంది. అనిల్ రాథోడ్, మిత్రా శర్మ డేంజర్ జోన్ లో ఉన్నారు. కానీ అఫీషియల్ హాట్ స్టార్ ఓటింగ్ ప్రకారం.. సరయు లీస్ట్ లో ఉందని.. కాబట్టి ఆమెని ఎలిమినేట్ చేసినట్లుగా చెబుతున్నారు. అయితే సరయుని ఎలిమినేట్ చేసి సీక్రెట్ రూమ్ లో ఉంచారా..? లేక ఎలిమినేట్ చేసి పంపించేశారా..? అనేది ఎపిసోడ్ టెలికాస్ట్ అయిన తరువాత తెలుస్తుంది.
గత రెండు వారాలుగా సరయు నుంచి టాస్క్ లలో ఎలాంటి పెర్ఫార్మన్స్ కనిపించలేదు. ఇటీవల జరిగిన కెప్టెన్సీ పోటీదారుల టాస్క్ లో ఊహించని విధంగా సెకండ్ లెవెల్ కి వచ్చిందామె. హౌస్ లో మహేష్ విట్టా, హమీద సపోర్ట్ తో కెప్టెన్సీ పోటీదారులుగా నిలిచింది. కెప్టెన్సీ టాస్క్ లో సంచాలక్ అరియానా తీసుకున్న నిర్ణయం కారణంగా సరయు కెప్టెన్ కాలేకపోయింది. హౌస్ నుంచి ఇప్పుడు నాలుగో వారమే ఎలిమినేట్ అవ్వాల్సి వచ్చింది.
అరియానాకి సరయుకి గేమ్ లో చాలా డిఫరెన్సెస్ వచ్చాయి. ఈ వారం నామినేషన్స్ లో అరియానా సరయుని టార్గెట్ చేసిన సంగతి తెలిసిందే. బాడీ షేమింగ్ విషయంలో అరియానాకి నాగార్జున క్లాస్ పీకడంతో ఆమె సరయుకి సారీ చెప్పింది. అయినప్పటికీ నామినేషన్స్ లో సరయుని టార్గెట్ చేసి నామినేట్ చేసింది అరియానా. రెండు ఓట్లు పడడంతో సరయు నామినేషన్ లోకి వచ్చింది. తనకంటే వీక్ కంటెస్టెంట్స్ ఉన్నప్పటికీ.. పబ్లిక్ ఓటింగ్ కారణంగా ఎలిమినేట్ అయిపోవాల్సి వచ్చింది.
సీజన్ 5లో మొదటివారమే ఎలిమినేట్ అయిన సరయు ఈసారి నాలుగు వారాల పాటు హౌస్ లో ఉంది. కానీ.. ఏ టాస్క్ లోనూ హైలైట్ కాలేకపోయింది. అంతేకాకుండా.. ఆమె ఎమోషనల్ గా కూడా బాగా వీక్ గా ఉండడం అనేది సరయు గేమ్ ని దెబ్బకొట్టిందనే చెప్పాలి. తన తరఫున ఆర్గ్యుమెంట్ కూడా సరిగ్గా చేయలేకపోతుంది. ఇలా పలు కారణాల వలన ఆమె ఈ వారం ఎలిమినేట్ అయిందని సమాచారం.
Also Read: స్టార్ హీరో విజయ్ చనిపోయాడంటూ ట్రోలింగ్, యాంటీ ఫ్యాన్స్ దారుణమైన కామెంట్స్