కోలీవుడ్ లో విజయ్, అజిత్ లు ఎంత పెద్ద స్టార్ హీరోలో తెలిసిందే. నిజానికి వీరిద్దరూ చాలా సన్నిహితంగా ఉంటారు. కానీ వారి ఫ్యాన్స్ మాత్రం సోషల్ మీడియాలో ఎప్పటికప్పుడు కొట్టుకుంటూనే ఉంటారు. ఇప్పటికే అజిత్ ఫ్యాన్స్, విజయ్ ఫ్యాన్స్ మధ్య చాలా సార్లు సోషల్ మీడియా వేదికగా గొడవలు జరిగాయి. తాజాగా మరోసారి విజయ్ ని యాంటీ ఫ్యాన్స్ ట్రోల్ చేస్తున్నారు. ఈసారి మరింత శృతిమించి విజయ్ ని టార్గెట్ చేశారు.
విజయ్ చనిపోయాడని.. 'బీస్ట్' అతడి ఆఖరి సినిమా అంటూ పోస్ట్ లు పెడుతున్నారు. RIPJosephVijay అనే హ్యాష్ ట్యాగ్ ని నేషనల్ లెవెల్ లో ట్రెండ్ చేస్తున్నారు. విజయ్ ఫొటోలను ఇష్టమొచ్చినట్లుగా మార్ఫింగ్ చేసి ట్విట్టర్ లో షేర్ చేస్తున్నారు. ఈ పోస్ట్ లు చూసిన విజయ్ ఫ్యాన్స్ హర్ట్ అవుతున్నప్పటికీ.. రివర్స్ ట్రోలింగ్ చేయకుండా Ignore Negativity అనే ట్యాగ్ ను ట్రెండ్ చేస్తున్నారు. అజిత్, విజయ్ కలిసి తీసుకున్న ఫొటోలను షేర్ చేస్తూ.. నెగెటివ్ ట్రోలింగ్ ఆపాలంటూ రిక్వెస్ట్ చేస్తున్నారు.
కొందరు అజిత్ ఫ్యాన్స్ స్వయంగా 'అజిత్ కి ఇలానే పనులు నచ్చవని.. మీరు నిజమైన అజిత్ ఫ్యాన్స్ అయితే ఈ ట్రోలింగ్ ఆపండి' అంటూ కామెంట్స్ చేస్తున్నారు. అయినప్పటికీ నెగెటివ్ ట్రోలింగ్ మాత్రం ఆగడం లేదు. RIPJosephVijay అనే హ్యాష్ ట్యాగ్ మీద ఇప్పటివరకు 35 వేలకు పైగా ట్వీట్స్ పడ్డాయి.