యంగ్ టైగర్ ఎన్టీఆర్ పుట్టినరోజు సందర్భంగా కొరటాల శివతో ఆయన చేస్తోన్న సినిమాకి సంబంధించిన మోషన్ పోస్టర్ ను విడుదల చేశారు. ప్రస్తుతం ఈ వీడియో సోషల్ మీడియాలో వైరల్ అవుతోంది. 'ఆర్ఆర్ఆర్' సినిమా తరువాత ఎన్టీఆర్ చేస్తోన్న సినిమా కావడంతో దీనిపై భారీ అంచనాలు నెలకొన్నాయి. అయితే ఇప్పుడు రిలీజ్ చేసిన వీడియోలో బ్యాక్ గ్రౌండ్ సెటప్ మొత్తం చూస్తుంటే గతంలో అల్లు అర్జున్ తో చేయాలనుకొని ఆగిపోయిన సినిమానే గుర్తొస్తుంది.
కొరటాల శివ దర్శకత్వంలో బన్నీ ఓ సినిమా చేయాలనుకున్నారు. దానికి సంబంధించిన అనౌన్స్మెంట్ కూడా వచ్చింది. కానీ కొన్ని కారణాల వలన సినిమా ఆగిపోయింది. ఇప్పుడు అదే కథతో ఎన్టీఆర్ సినిమా చేస్తున్నట్లు సమాచారం. సినిమా టైటిల్ చెప్పలేదు కానీ చేతిలో ఆయుధం, సముద్రం, లైట్ హౌస్.. ఈ సెటప్ మొత్తం చూస్తుంటే చాలా ఇంట్రెస్టింగ్ గా అనిపిస్తుంది.
అప్పుడు అల్లు అర్జున్ తీసుకున్న నిర్ణయం సరైనదో కాదో.. సినిమా విడుదలైతే కానీ తెలియదు. ఇక ఈ సినిమా కోసం పేరున్న టెక్నీషియన్స్ ను రంగంలోకి దింపారు. అనిరుద్ రవిచందర్ సంగీతం, రత్నవేలు సినిమాటోగ్రఫీ, సాబు సిరిల్, శ్రీకర్ ప్రసాద్ ఇలా పాన్ ఇండియా లెవెల్ టీమ్ ని సెట్ చేశారు. త్వరలోనే ఈ సినిమా రెగ్యులర్ షూటింగ్ మొదలుకానుంది. ఇందులో హీరోయిన్ గా బాలీవుడ్ బ్యూటీ కనిపించబోతుంది.
Also Read: బాక్సాఫీస్ కుంభస్థలాన్ని బద్దలు కొట్టిన కొమురం భీముడు- బృందావనంలో అందాల రాముడు