టాలీవుడ్ యంగ్ హీరో ఆది పినిశెట్టి తను ప్రేమించి నిక్కీగల్రానీని పెళ్లాడబోతున్నారు. మార్చి 24న ఈ జంటకు ఎంగేజ్మెంట్ జరిగింది. ఈరోజు పెళ్లి వేడుక జరగనుంది. దీనికి తగ్గట్లుగా అన్ని ఏర్పాట్లు జరిగిపోయాయి. నిన్నటి నుంచి హల్దీ ఫంక్షన్, సంగీత్ అంటూ హడావిడి చేస్తున్నారు. ఈ వేడుకలకు సంబంధించిన ఫొటోలు, వీడియోలు బయటకు వచ్చాయి. 


ఈ వేడుకల్లో హీరో నాని, సందీప్ కిషన్ కూడా పాల్గొన్నారు. ఆది, నిక్కీలతో కలిసి డాన్స్ లు చేశారు. అలానే కోలీవుడ్ హీరో ఆర్య తన భార్య సయేషాతో కలిసి ఈ వేడుకలకు హాజరయ్యారు. కొన్ని గంటల్లో పెళ్లి ఫొటోలు కూడా బయటకు రానున్నాయి. 


కోలీవుడ్ లో హీరోయిన్ గా పలు సినిమాలు చేసింది నిక్కీ. 'యాగవరాయినుం నా కాక్క' అనే తమిళ సినిమాలో ఆది పినిశెట్టి సరసన నటించింది నిక్కీ. ఈ సినిమాను తెలుగులో 'మలుపు' పేరుతో విడుదల చేశారు. ఆ సినిమా షూటింగ్ సమయంలోనే వీరిద్దరూ ప్రేమలో పడ్డారని టాక్. ఇక ఆది పినిశెట్టి విషయానికొస్తే.. ఆయన హీరోగా, విలన్ గా కొన్ని సినిమాలు చేస్తున్నారు. ప్రస్తుతం రామ్ హీరోగా నటిస్తోన్న 'ది వారియర్' సినిమాలో విలన్ గా కనిపించనున్నారు ఆది. తెలుగు, తమిళ భాషల్లో ఈ సినిమా తెరకెక్కుతోంది.  


Also Read: ఐటెం సాంగ్ తో బాలయ్య బిజీ - మాసివ్ పిక్ షేర్ చేసిన టీమ్


Also Read: బిగ్ ఓటీటీ ఫినాలే - గెలిచేదెవరు?