అన్నిరకాల సినిమాలు, వెబ్‌సీరిస్‌లు, రియాల్టీ షోలతో టీవీకి ప్రత్యామ్నాయంగా మారేందుకు ప్రయత్నిస్తున్న ‘ఆహా’ ఓటీటీ నుంచి మరో అడల్డ్ కంటెట్ వెబ్ సీరిస్ వచ్చేస్తోంది. ఇషా రెబ్బా, పాయల్ రాజ్‌పుత్, పూర్ణ కీలక పాత్రల్లో నటించిన ‘3 రోజెస్’ సినిమా టీజర్ శుక్రవారం విడుదలైంది. ఇందులో ఈ ముగ్గురు భామలు చాలా బోల్డ్‌గా కనిపిస్తున్నారు. కనిపించడమే కాదు.. వారి మాటలు కూడా చాలా బోల్డ్‌గా ఉన్నాయి. పాపం.. ప్రేమ.. పెళ్లి.. మోహంలో ఏది సరైన దారో తెలియక తికతికమక పడుతున్న ఈ ముగ్గురు భామలు నేటి సమజాన్ని పచ్చి బూతులతో తిట్టేస్తున్నారు.
ఇక టీజర్ విషయానికి వస్తే.. ఇషా రెబ్బాను రీతూగా, పాయల్ రాజ్‌పుత్‌ను జాహ్నవీగా, పూర్ణాను ఇందుగా పరిచయం చేశారు. ఇష్టంలేని వ్యక్తితో పెళ్లి ఫ్రస్ట్రేషన్‌లో రీతూ, వయస్సు మీద పడుతున్నా పెళ్లి చేసుకోడానికి తగిన జోడీ దొరక్క బాధపడుతున్న అమ్మాయిగా జాహ్నవీ.. పెళ్లికి ముందే అబ్బాయిలతో అడ్వాన్స్‌గా ఉండే జాహ్నవీల జీవితాల్లో ఏం జరిగిందనేది ‘3 రోజెస్’ కథనం.
చెప్పాలంటే.. 3 రోజెస్‌లో అడల్ట్ కంటెంట్ కాస్త ఎక్కువగానే ఉన్నట్లు అనిపిస్తోంది. ముఖ్యంగా పాయల్ రాజ్‌పూత్ తన రియల్ బాయ్‌ఫ్రెండ్ సౌరబ్‌తో ముద్దు సన్నివేశాలు.. ‘‘ఇప్పటివరకు ఎంతమందితో పనైంది?’’ అనే బోల్డ్ డైలాగులతో యూత్‌ను ఆకట్టుకుంటోంది. ఇంత వయస్సు వచ్చాక పెళ్లెందుకు అంటున్న తండ్రిని చూసి బిత్తరపోయే కూతురిగా పూర్ణ బాగా సెట్ అయ్యింది. చివర్లో ఇషా, పాయల్‌లు పేరెంట్స్, సొసైటీ, పెళ్లి వ్యవస్థపై బూతులు తిడుతుంటే.. పూర్ణ తాలిబన్లను తిడుతూ షాకిచ్చే సన్నివేశం బాగుంది.
‘మారుతీ షో’ పేరుతో దర్శకుడు మారుతీ సమర్పిస్తున్న ‘3 రోజెస్’కు మగ్గీ దర్శకత్వం వహించారు. నిర్మాత ఎస్‌కేఎన్. సన్నీ ఎం.ఆర్. సంగీతం సమకూర్చారు. ఈ వెబ్‌సీరిస్ ఈ నెల (నవంబరు) 12 నుంచి స్ట్రీమింగ్ కానుంది. మరి, ఇందులోని రంగు, రుచి, సువాసన... ప్రేక్షకులకు నచ్చుతుందో లేదో చూడాలి. ‘3 రోజెస’ టీజర్‌ను ఇక్కడ చూసేయండి.
‘3 రోజెస్’ టీజర్: