Mizoram Election 2023: మిజోరంలో MNFకి మరో ఛాన్స్ దక్కుతుందా! ABP CVoter ఒపీనియన్ పోల్

Mizoram Assembly Election 2023: మిజోరం ఎన్నికల్లో మిజోరం నేషనల్ ఫ్రంట్ (Mizoram National Front) మరోసారి  మెజార్టీ సాధించే అవకాశాలున్నాయని ఈ పోల్ వెల్లడించింది.

తెలంగాణ సహా మొత్తం 5 రాష్ట్రాలకు మరికొన్ని రోజుల్లో అసెంబ్లీ ఎన్నికలు జరగనున్నాయి. మిజోరం అసెంబ్లీకి నవంబర్ 7వ తేదీన ఒకే దశలో ఎన్నికలు నిర్వహిస్తోంది ఈసీ. అయితే ఈశాన్య రాష్ట్రం మిజోరం ఎన్నికల్లో మిజోరం నేషనల్ ఫ్రంట్ (Mizoram National Front) మరోసారి  మెజార్టీ సాధించే అవకాశాలున్నాయని ఈ పోల్ వెల్లడించింది. మిజోరం అసెంబ్లీ ఎన్నికలపై ABP CVoter Opinion Poll నిర్వహించింది. మిజోరం అసెంబ్లీలో మొత్తం 40 స్థానాలుండగా.. తాజా సర్వే ప్రకారం అధికార MNF కి 17 నుంచి 21 స్థానాల్లో విజయం సాధించే ఛాన్స్ ఉంది. ZPM కి 10-14, కాంగ్రెస్‌కి 6-10, ఇతరులకు 0-2 స్థానాలు వచ్చే అవకాశం ఉంది. 

గత ఎన్నికలతో పోల్చితే ఎంఎన్ఎఫ్ సీట్లు తగ్గనున్నాయి. 2018 ఎన్నికల్లో MNFకి 26 సీట్లు రాగా, ఈ ఎన్నికల్లో 5 వరకు సీట్లు తగ్గనున్నాయి. ZPM, కాంగ్రెస్ సీట్లు పెరిగే ఛాన్స్ ఉంది. ZPMకి గత ఎన్నికల కన్నా దాదాపు సీట్లు ఎక్కువ వస్తే, కాంగ్రెస్ కు దాదాపు 3 సీట్ల మేర ఎక్కువ రానున్నాయి. ఓట్ల పరంగా చూస్తే... MNFకి 34.7 శాతం, కాంగ్రెస్‌కి 30 శాతం, ZPMకి 25.8 శాతం, ఇతరులకు 9.4 శాతం ఓట్లు పోల్ అవుతాయని ABP CVoter ఒపీనియన్ పోల్‌ వెల్లడించింది.  అక్టోబర్ 9 నుంచి నవంబర్ 3 వరకు ఏబీపీ సీ ఓటర్ ఈ ఒపీనియన్ పోల్ నిర్వహించింది. మిజోరంలో 2,246 శాంపిల్స్ సేకరించి ఈ ఫలితాలు వెల్లడించింది.

2018 ఎన్నికల్లో MNF హవా.. 
మిజోరం 2018 అసెంబ్లీ ఎన్నికల్లో మిజో నేషనల్ ఫ్రంట్  విజయం సాధించింది. ప్రజా వ్యతిరేకతతో కాంగ్రెస్ ఘోరంగా ఓడిపోయింది. ఎంఎన్‌ఎఫ్‌కు 26 స్థానాలు దక్కాయి. కాంగ్రెస్ కేవలం ఐదు స్థానాల్లో మాత్రమే గెలిచింది. ఎంఎన్ఎఫ్‌కు 65 శాతం ఓట్లు దక్కాయి. మిజోరంలో మొత్తం 40 శాసనసభ స్థానాలున్నాయి. మెజారిటీ మార్క్ 21. ఎంఎన్ఎఫ్ 26 స్థానాల్లో విజయం సాధించింది.  కాంగ్రెస్‌కు కేవలం 5 స్థానాలు మాత్రమే దక్కాయి. ఇతరులు 8 స్థానాల్లో గెలుపొందారు.

[Disclaimer: Current survey findings and projections are based on CVoter Pre Poll CATI interviews conducted among 18+ adults statewide, all confirmed voters (sample size 63,516). The data is weighted to the known demographic profile of the States. Sometimes the table figures do not sum to 100 due to the effects of rounding. Our final data file has Socio-Economic profile within +/- 1% of the Demographic profile of the State. We believe this will give the closest possible trends. The sample spread is across all Assembly segments in the poll bound state. MoE is +/- 3% at macro level and +/- 5% at micro level VOTE SHARE projection with 95% Confidence interval.]