ఆస్తి తగాదాల కారణంగా ఓ వ్యక్తి ఏకంగా తన సొంత బాబాయినే హతమార్చాడు. దారుణంగా చంపేసి వింతగా ప్రవర్తించాడు. మృత దేహం దగ్గరే చేసిన తప్పును బహిరంగంగా చెబుతూ ఒప్పేసుకున్నాడు. చుట్టుపక్కల వారంతా భయాందోళనకు గురి కావడంతో ఈ ఘటన స్థానికంగా కలకలం రేపింది. ఆంధ్రప్రదేశ్‌లోని ప్రకాశం జిల్లా కొనకమిట్ల మండలంలోని పెదారికట్ల గ్రామంలో ఈ ఘటన చోటు చేసుకుంది. పూర్తి వివరాలివీ..
సొంత బాబాయిని చంపిన యువకుడు మృతదేహం దగ్గరే ఉండి విపరీతంగా మాట్లాడాడు. ‘‘చంపేసి నేనేం పారిపోలా.. మర్డర్‌ చేసి ఇక్కడే ఉన్నా.. ఆస్తి గొడవల వల్లే చంపేశా.. అయితే, ఇప్పుడేంటి...’’ అంటూ ధైర్యంగా వ్యాఖ్యలు చేశారు. చుట్టుపక్కల అందరూ చూస్తుండగానే ఆ వ్యక్తి ఇలా ప్రవర్తించడం గమనించదగ్గ విషయం. ప్రకాశం జిల్లా కొనకనమిట్ల మండలంలోని పెదారికట్లలోని ప్రభుత్వ మద్యం దుకాణం వద్ద బుధవారం నిందితుడు హత్య చేశాడని స్థానికులు తెలిపారు. చనిపోయిన వ్యక్తిని కనిగిరి మండలం యడవల్లి గ్రామానికి చెందిన వెంకటేశ్వరరావు అనే 48 ఏళ్ల వ్యక్తిగా గుర్తించారు.
Also Read: Breaking News: డ్రగ్స్ కేసులో టాలీవుడ్ సినీ ప్రముఖులకు ఈడీ సమన్లు.. ఎవరెవరు లిస్టులో ఉన్నారంటే..!
అదే గ్రామంలో వెంకటేశ్వరరావుకు రెండో అన్న అయిన వెంకట నారాయణ కుటుంబం ఉంటోంది. ఆయనతో వెంకటేశ్వరరావుకు ఆస్తి తగాదాలు నెలకొన్నాయి. అయితే, ఆస్తి సమస్యను పరిష్కరించాలంటూ వారం క్రితం కనిగిరిలో జరిగిన స్పందన కార్యక్రమంలో అధికారులకు వెంకటేశ్వరరావు దరఖాస్తు పెట్టుకున్నారు. అధికారులు వచ్చి విచారణ జరిపారు. దీంతో వెంకట నారాయణ కుమారుడు పుల్లారావు తన బాబాయిపై మరింత ద్వేషం పెంచుకున్నాడు. మద్యం తాగేందుకు వెంకటేశ్వరరావును పెదారికట్ల గ్రామానికి తీసుకెళ్లాడు. అనంతరం మద్యం తాగాక గొడవ పెట్టుకొని సీసా పగులగొట్టి సొంత బాబాయిని గొంతులో పొడిచి హతమార్చాడు.
పథకం ప్రకారమే హత్య చేసినట్లు చుట్టూ గుమిగూడిన వారితో నిర్భయంగా నిందితుడు అరిచి చెప్పాడు. ఆ తర్వాత అక్కడి నుంచి వెళ్లిపోయాడు. బహిరంగంగా ఈ ఘటన జరగడంతో కొంత మంది ఆ దృశ్యాలను వీడియో తీశారు. సామాజిక మాధ్యమాల్లో ఉంచడంతో అవి వైరల్ అయ్యాయి. పోలీసులు నిందితుడి కోసం వెతుకుతున్నారు.
Also Read: Ahmedabad: కండోమ్ మర్చిపోయి.. ఆ పదార్థంతో లైంగిక చర్య, వెంటనే చనిపోయాడు!