Pawan Fan Halchal At Petrol Bunk In Simhachalam: ఏపీ డిప్యూటీ సీఎం పవన్ కల్యామ్ ఫ్యాన్ అంటూ ఓ అభిమాని హల్ చల్ చేశాడు. తన సమస్య ఆయనకు చెప్పాలని.. పవన్ వద్దకు తనను తీసుకెళ్లాలని ఓ పెట్రోల్ బంక్ వద్ద నానా హంగామా చేశాడు. విశాఖ (Visakha) జిల్లా సింహాచలం (Simhachalam) గోశాలకు వెళ్లే దారిలోని పెట్రోల్ బంక్ వద్ద బుధవారం ఈ ఘటన జరిగింది. స్థానికులు తెలిపిన వివరాల ప్రకారం.. పెట్రోల్ బంక్ వద్ద పవన్ అభిమాని అంటూ ఓ వ్యక్తి నానా హంగామా సృష్టించాడు. తన సమస్యను డిప్యూటీ సీఎం పవన్ కల్యాణ్‌కు (Pawan Kalyan) చెప్పాలని.. తనను ఆయన దగ్గరికి చేర్చాలని డిమాండ్ చేశాడు.


లైటర్‌తో బెదిరింపులు


ఈ క్రమంలో లైటర్ చేతిలో పట్టుకుని ట్యాంకర్‌కు నిప్పు పెడతానంటూ సిలిండర్, లైటర్‌తో బెదిరించాడు. దీంతో పెట్రోల్ బంక్ సిబ్బంది, స్థానికులు ఆందోళనకు గురయ్యారు. అనంతరం పెట్రోల్ బంక్ సిబ్బంది ఒకరు వెనుక నుంచి అతన్ని చాకచక్యంగా పట్టుకుని తాళ్లతో బంధించారు.. సమాచారం అందుకున్న పోలీసులు అక్కడికి చేరుకుని నిందితున్ని అరెస్ట్ చేశారు.


Also Read: Telugu Desam Party : తీవ్ర అసహనంలో టీడీపీ క్యాడర్ - చంద్రబాబు అంచనాల్ని అందుకోలేకపోతున్నారా ?