Stock Market Opening Bell 16 August 2022: భారత స్టాక్‌ మార్కెట్లు మంగళవారం భారీ లాభాల్లో మొదలయ్యాయి. అంతర్జాతీయంగా సానుకూల సంకేతాలే అందుతున్నాయి. సూచీలు మరోసారి గరిష్ఠ స్థాయిల్ని అందుకొనేందుకు సిద్ధమవుతున్నాయి. ఎన్‌ఎస్‌ఈ నిఫ్టీ (NSE Nifty) 136 పాయింట్ల లాభంతో 17,834 బీఎస్‌ఈ సెన్సెక్స్‌ (BSE Sensex) 454 పాయింట్ల లాభంతో 59,916 వద్ద కొనసాగుతున్నాయి.
BSE Sensex
క్రితం సెషన్లో 59,462 వద్ద ముగిసిన బీఎస్‌ఈ సెన్సెక్స్‌ నేడు 59,675 వద్ద మొదలైంది. 59,673 వద్ద ఇంట్రాడే కనిష్ఠాన్ని తాకింది. 59,923 వద్ద ఇంట్రాడే గరిష్ఠాన్ని అందుకుంది. ఉదయం 10:30 గంటలకు 454 పాయింట్ల లాభంతో 59,916 వద్ద కొనసాగుతోంది.
NSE Nifty
శుక్రవారం 17,698 వద్ద ముగిసిన ఎన్‌ఎస్‌ఈ నిఫ్టీ మంగళవారం 17,797 వద్ద ఓపెనైంది. 17,764 వద్ద ఇంట్రాడే కనిష్ఠాన్ని చేరుకుంది. 17,839 వద్ద ఇంట్రాడే గరిష్ఠాన్ని అందుకుంది. ప్రస్తుతం 136 పాయింట్ల లాభంతో 17,834 వద్ద ట్రేడవుతోంది.
Nifty Bank
నిఫ్టీ బ్యాంక్‌ లాభాల్లో ఉంది. ఉదయం 39,284 వద్ద మొదలైంది. 39,214 వద్ద ఇంట్రాడే కనిష్ఠాన్ని తాకింది. 39,375 వద్ద ఇంట్రాడే గరిష్ఠాన్ని అందుకుంది. మొత్తంగా 333 పాయింట్ల లాభంతో 39,375 వద్ద కదలాడుతోంది.
Gainers and Lossers
నిఫ్టీ 50లో 40 కంపెనీలు లాభాల్లో 9 నష్టాల్లో ఉన్నాయి. హెచ్‌డీఎఫ్‌సీ లైఫ్‌, అదానీ పోర్ట్స్‌, ఐచర్ మోటార్స్‌, మారుతీ, ఎస్‌బీఐ లైఫ్‌ షేర్లు లాభాల్లో ఉన్నాయి. గ్రాసిమ్‌, హిందాల్కో, ఓఎన్‌జీసీ, ఎస్‌బీఐ, టాటా స్టీల్‌ షేర్లు నష్టాల్లో కొనసాగుతున్నాయి. మీడియా మినహా మిగతా రంగాల సూచీలన్నీ లాభాల్లో ఉన్నాయి. ఆటో, ఫైనాన్స్‌, ఎఫ్‌ఎంసీజీ, రియాల్టీ సూచీలు ఒక శాతానికి పైగా ఎగిశాయి.
Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.