Stock Market Closing 10 January 2023:
భారత స్టాక్‌ మార్కెట్లు మంగళవారం భారీ నష్టాల్లో ముగిశాయి. అంతర్జాతీయ మార్కెట్ల నుంచి ప్రతికూల సంకేతాలు అందాయి. నిరుద్యోగం, ద్రవ్యోల్బణం, ఆర్థిక మందగమనం వంటివి మదుపర్లలో నెగెటివ్‌ సెంటిమెంటుకు దారితీశాయి. ఎన్‌ఎస్‌ఈ నిఫ్టీ (NSE Nifty) 187 పాయింట్ల నష్టంతో 17,914 బీఎస్‌ఈ సెన్సెక్స్‌ (BSE Sensex) 631 పాయింట్ల నష్టంతో 60,115 వద్ద ముగిశాయి. డాలర్‌తో పోలిస్తే రూపాయి 58 పైసలు లాభపడి 81.78 వద్ద స్థిరపడింది.
BSE Sensex
క్రితం సెషన్లో 60,747 వద్ద ముగిసిన బీఎస్‌ఈ సెన్సెక్స్‌ నేడు 60,805 వద్ద మొదలైంది. 59,938 వద్ద ఇంట్రాడే కనిష్ఠాన్ని తాకింది. 60,809 వద్ద ఇంట్రాడే గరిష్ఠాన్ని అందుకుంది. చివరికి 631 పాయింట్ల నష్టంతో 60,115 వద్ద ముగిసింది.
NSE Nifty
సోమవారం 18,101 వద్ద ముగిసిన ఎన్‌ఎస్‌ఈ నిఫ్టీ మంగళవారం 18,121 వద్ద ఓపెనైంది. 17,856 వద్ద ఇంట్రాడే కనిష్ఠాన్ని చేరుకుంది. 18,127 వద్ద ఇంట్రాడే గరిష్ఠాన్ని అందుకుంది. మొత్తంగా 187 పాయింట్ల నష్టంతో 17,914 వద్ద క్లోజైంది.
Nifty Bank
నిఫ్టీ బ్యాంక్‌ నష్టపోయింది. ఉదయం 42,642 వద్ద మొదలైంది. 41,835 వద్ద ఇంట్రాడే కనిష్ఠాన్ని తాకింది. 42,674 వద్ద ఇంట్రాడే గరిష్ఠాన్ని అందుకుంది. ఆఖరికి 568 పాయింట్లు తగ్గి 42,014 వద్ద క్లోజైంది.
Gainers and Lossers
నిఫ్టీ 50లో 17 కంపెనీలు లాభాల్లో 33 నష్టాల్లో ఉన్నాయి. టాటా మోటార్స్‌, అపోలో హాస్పిటల్స్‌, హిందాల్కో, పవర్‌ గ్రిడ్‌, దివిస్‌ ల్యాబ్‌ షేర్లు లాభపడ్డాయి. అదానీ ఎంటర్‌ప్రైజెస్‌, భారతీ ఎయిర్టెల్‌, ఐచర్‌ మోటార్స్‌, అదానీ పోర్ట్స్‌, ఎస్‌బీఐ షేర్లు నష్టపోయాయి. ఆటో, హెల్త్‌కేర్‌ మినహా అన్ని రంగాల సూచీలు పతనమయ్యాయి. బ్యాంకు, ఫైనాన్స్‌, ఐటీ, మీడియా, పీఎస్‌యూ బ్యాంక్‌, రియాల్టీ రంగాల సూచీలు ఎక్కువ ఎరుపెక్కాయి.
Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.