Multibagger stock: ఐదేళ్లు: ఈ షేరులో లక్షకు రూ.5 లక్షల లాభం!

2021, డిసెంబర్‌ 16న ఈ షేరు ధర రూ.584 వద్ద ముగిసింది. 2016లో ఇదే సమయానికి షేరు ధర రూ.118గా ఉండటం గమనార్హం. ఇంతకీ ఆ షేరు ఏంటంటే?

మల్టీ బ్యాగర్‌ స్టాక్‌

వీఐపీ ఇండస్ట్రీస్‌ ఐదేళ్ల కాలంలో మదుపర్లకు చక్కగా సంపదను సమకూర్చి పెట్టింది. 2021, డిసెంబర్‌ 16న ఈ షేరు ధర రూ.584 వద్ద ముగిసింది. 2016లో ఇదే సమయానికి షేరు ధర రూ.118గా ఉండటం గమనార్హం. అంటే ఈ ఐదేళ్ల కాలంలో మదుపర్లకు 395 శాతం లాభం వచ్చింది. ఇదే సమయంలో సెన్సెక్స్‌ 116 శాతం పెరిగింది.

Continues below advertisement

ఐదేళ్ల క్రితం వీఐపీ ఇండస్ట్రీస్‌లో రూ.లక్ష పెట్టుబడి పెట్టుంటే ఇప్పుడు రూ.4.92 లక్షలు చేతికి అందేవి. ప్రస్తుతం ఈ కంపెనీ షేరు ధర 5, 20, 50, 100, 200 రోజుల మూవింగ్‌ యావరేజెస్‌కు పైనే ఉండటం గమనార్హం. మార్కెట్‌ విలువ రూ.7,928 కోట్లుగా ఉంది. ఈ ఏడాదిలో షేరు ధర 57 శాతం లాభపడింది. 2021, ఏప్రిల్‌లో రూ.309 వద్ద 52 వారాల కనిష్ఠాన్ని తాకింది. సెప్టెంబర్‌ 9న రూ.668 వద్ద 52 వారాల గరిష్ఠాన్ని అందుకొంది.

ఈ కంపెనీలో 11 మంది ప్రమోటర్లకు 50.28 శాతం వాటా ఉంది. ప్రజల వద్ద 1,18,081 షేర్లు ఉన్నాయి. ఇది కంపెనీలో 49.72 శాతం వాటా. 20 మ్యూచువల్‌ ఫండ్‌ కంపెనీలు 16.47 శాతం పెట్టుబడులు పెట్టాయి. ఈ ఐదేళ్ల కాలంలో కంపెనీ పోటీదారైన సఫారీ ఇండస్ట్రీస్‌ 375 శాతం ర్యాలీ చేసింది.

సెప్టెంబర్‌తో ముగిసిన త్రైమాసికంలో వీఐపీ ఇండస్ట్రీస్‌ లాభం 152 శాతం పెరిగి రూ.18.5 కోట్లుగా ఉంది. గతేడాది ఇదే సమయంలో కంపెనీ రూ.35 కోట్ల నష్టం నమోదు చేసింది. ఇక విక్రయాలు 221 శాతం పెరిగి రూ.330 కోట్లుగా నమోదయ్యాయి. కంపెనీ లాభదాయకత నిలకడగా పెరుగుతుండటంతో కొన్ని బ్రోకింగ్‌ సంస్థలు వీఐపీ ఇండస్ట్రీస్‌ షేర్లు కొనుగోలు చేయొచ్చని సిఫార్సు చేస్తున్నాయి!

నోట్‌: స్టాక్‌ మార్కెట్లు, మ్యూచువల్‌ ఫండ్లలో పెట్టుబడి నష్టభయంతో కూడుకున్నది! ఇది కేవలం సమాచారం కోసమే అందిస్తున్నాం. ఫలానా స్టాక్‌, ఫండ్‌లో పెట్టుబడులు పెట్టాలని ఏబీపీ దేశం చెప్పడం లేదు. మార్కెట్లో పెట్టుబడులు పెట్టేముందు అన్ని విషయాలు పరిశీలించుకొని, విశ్లేషించుకోవాలి. అవసరమైతే నిపుణుల సాయం తీసుకోవాలి!