Gold Price Today: గుడ్‌న్యూస్, నేడు బంగారం ధరలు పతనం, రూ.2,700 మేర క్షీణించిన వెండి ధర

Gold Price Today 26th February 2022: ఉక్రెయిన్ రష్యా యుద్ధం జరుగుతున్నందున నిన్న భారీగా పెరిగిన బంగారం ధర నేడు పతనమైంది.

Gold Price Today In Hyderabad: గత కొన్ని రోజులుగా బంగారం ధరలలో స్వల్ప హెచ్చుతగ్గులు ఉంటున్నాయి. ఉక్రెయిన్ రష్యా యుద్ధం జరుగుతున్నందున నిన్న భారీగా పెరిగిన బంగారం ధర నేడు పతనమైంది. తెలుగు రాష్ట్రాల్లో బంగారం ధర రూ.400 మేర క్షీణించింది. వెండి ధర కూడా పసిడి బాటలో పయనిస్తూ భారీగా పతనమైంది. హైదరాబాద్ మార్కెట్‌లో బంగారం ధర (Gold Rates Today In Hyderabad) రూ.440 మేర తగ్గడంతో తాజాగా 22 క్యారెట్ల బంగారం 10 గ్రాముల ధర రూ.46,850 అయింది. 24 క్యారెట్ల స్వచ్ఛమైన బంగారం ధర ప్రస్తుతం రూ.51,110 అయింది. స్వచ్ఛమైన వెండి ధర రూ.2,700 మేర భారీగా దిగొచ్చింది. హైదరాబాద్‌లో కేజీ వెండి ధర రూ.70,000 కు పతనమైంది.

ఏపీ మార్కెట్లో బంగారం ధరలు నేడు దిగొచ్చాయి. విజయవాడలో రూ.400 మేర బంగారం ధర (Gold Rate in Vijayawada 26th February 2022) తగ్గడంతో 24 క్యారెట్ల బంగారం 10 గ్రాముల ధర రూ.51,100 అయింది. 22 క్యారెట్ల బంగారం ధర రూ.46,850కి పతనమైంది. విజయవాడలో వెండిపై రూ.2,500 మేర దిగిరాగా, 1 కేజీ ధర రూ.70,000 వద్ద విక్రయాలు జరుగుతున్నాయి. ఇక విశాఖపట్నం, తిరుపతి మార్కెట్‌లో బంగారం, వెండి ఇదే ధరలో ట్రేడింగ్ అవుతోంది. 24 క్యారెట్ల బంగారం ధర రూ.51,100 కాగా, 22 క్యారెట్ల బంగారం ధర రూ.46,840 అయింది.

ప్రధాన నగరాల్లో బంగారం ధర..
దేశ రాజధాని ఢిల్లీలో బంగారం ధర నిలకడగా ఉంది.  ఢిల్లీలో 24 క్యారెట్ల బంగారం ((Gold Rates Today In Delhi)) 10 గ్రాముల ధర రూ.51,100 అయింది. 22 క్యారెట్ల బంగారం 10 గ్రాముల ధర రూ.47,260 గా ఉంది. దేశ ఆర్థిక రాజధాని ముంబయి, చెన్నైలో 22 క్యారెట్ల బంగారం 10 గ్రాముల ధర రూ.46,850 కాగా, 24 క్యారెట్ల బంగారం ధర రూ.51,110 అయింది.

ప్లాటినం ధర
బంగారంతో పాటు మరో విలువైన లోహం అయిన ప్లాటినం ధరలు పలు నగరాలలో ఇలా ఉన్నాయి. హైదరాబాద్‌లో, ఏపీలోని విశాఖపట్నం, విజయవాడలో రూ.128 మేర తగ్గడంతో 10 గ్రాముల ప్లాటినం ధర రూ.25,740 కి దిగొచ్చింది. చెన్నైలో రూ.112 మేర పెరగడంతో 10 గ్రాముల ధర రూ.27,020కి ఎగబాకింది. ముంబై, ఢిల్లీలలో రూ.128 తగ్గడంతో ప్లాటినం ధర రూ.25,740 అయింది. 

పసిడి, వెండి ధరలపై పలు అంశాలు ప్రభావం..
పసిడి, వెండి ధరల్లో రోజూ మార్పు చేసుకుంటుండడం అనేది ప్రపంచవ్యాప్తంగా అనేక రకాల అంశాలపైన ఆధారపడి ఉంటుంది. అంతర్జాతీయ మార్కెట్‌లో బంగారం ధరలు పెరగడం కూడా ఒక రకమైన కారణం. అయితే, ఇలా ప్రపంచ మార్కెట్‌లో పసిడి ధరలు పెరగడానికి కూడా మళ్లీ అనేక అంతర్జాతీయపరమైన కారణాలు ఉంటాయి. ద్రవ్యోల్బణం, సెంట్రల్ బ్యాంకు వద్ద బంగారం నిల్వలు, వడ్డీ రేట్ల పెరుగుదల లేదా తగ్గుదల, వివిధ జువెలరీ మార్కెట్లలో బంగారానికి వినియోగదారుల నుంచి ఉంటున్న డిమాండ్ వంటి ఎన్నో అంశాలు బంగారం ధరను ప్రభావితం చేస్తుంటాయి.