China edu crash : చైనాలో అంతే..! ఆ టీచర్‌కు ఒక్క రోజులో రూ. లక్ష కోట్ల లాస్..!
ఒక వ్యక్తికి లక్ష కోట్ల సంపద ఉంది. దాన్ని రాత్రికి రాత్రి 98 శాతం పోగొట్టుకోలగరా..?. గుర్రప్పందాలు అడినా... పోకర్ ఆడినా... బెట్టింగ్ కాసినా.. అంత మొత్తంలో పోగొట్టుకోవడం సాధ్యం కాదనుకుంటారా..?. కానీ అవేమీ ఆడకుండానే.. చైనా ప్రభుత్వం అందర్నీ అలా బికారుల్ని చేసేస్తుంది. చేసేసింది కూడా. చైనా ప్రభుత్వం తీసుకున్న ఓ నిర్ణయం వల్ల కొంత మంత్రి రాత్రికి రాత్రే తమ సంపదలో 90 శాతానికి కోల్పోయారు. అసలేం జరిగిందంటే..!
చైనాలో అన్నింటితోనూ ఇటీవలి కాలంలో ఆన్ లైన్ టీచింగ్ బిజినెస్ విపరీతంగా పెరిగింది. మన దేశంలో బైజూస్ ఎలా సంచలనాత్మకంగా ఎదిగిందో.. చైనాలోనూ ఓ "గౌటు టెచ్‌డు ఇంక్" అనే కంపెనీ కూడా ఆన్ లైన్ విద్యను బోధించడంలో బాగా పేరు తెచ్చుకుంది. లారీ చెన్ అనే ఓ స్కూల్ టీచర్ దీన్ని ప్రారంభించారు. అనతి కాలంలోనే చైనాలో అతి పెద్ద ఆన్ లైన్ విద్య అందించే యాప్‌గా మారిపోయింది. దీంతో ఈ సంస్థ బిజినెస్ కూడా అనూహ్యంగా పెరిగిపోయింది. స్టాక్ మార్కెట్లో లిస్టయింది. ఈ రంగంలో అద్భుతమైన భవిష్యత్ ఉందనుకుని అనేక మంది ఇన్వెస్టర్లు పెద్ద ఎత్తున పెట్టుబడులు పెట్టారు. అలాంటిది ఈ కంపెనీ విలువ బిలియన్ డాలర్లలలోకి చేరిపోయింది. ఫలితంగా లారీ చెన్.. ఆస్తులు పదిహేను బిలియన్ డాలర్లకుపైగా పెరిగిపోయాయి. అంటే మన రూపాయల్లో లక్షా ఇరవై వేల కోట్లకుపైగా అన్నమాట. దీంతో ఆయన ప్రపంచంలో అత్యంత ధనవంతుల్లో ఒకరిగా మారారు.
అయితే చైనా ప్రభుత్వం కొత్తగా చట్టం తీసుకు వచ్చింది. ఆ చట్టం ప్రకారం.. ఎవరైనా సరే చదువును వ్యాపార ప్రయోజనాల కోసం.. లాభాల కోసం చెప్పకూడదు. అలా చెబితే శిక్షార్హులవుతారు. అంటే.. అక్కడ విద్య అనేది వ్యాపార వస్తువుకాదన్నమాట. ఇప్పటి వరకూ ఈ టీచింగ్ యాప్‌లు అన్నీ లాభాల కోసమే పని చేస్తున్నాయి. దీంతో అవన్నీ తమ కార్యకలాపాలు మూసుకోవాల్సిన పరిస్థితి ఏర్పడింది. చైనా సర్కార్ ఈ రూల్స్ అమల్లోకి తేవడంతోనే... లారీ చెన్ కంపెనీ షేర్లు ఒక్క సారిగా పాతాళంలోకి పడిపోయాయి. ఎంతగా అంటే.. లారీ చెన్ సంపద 98 శాతం కరిగిపోయింది.
పదిహేను బిలియన్ డాలర్లు రాత్రికి రాత్రి కోల్పోయారు. అంటే 1 లక్షా 12 500 కోట్లు లాస్ అన్నమాట. చివరికి రెండు శాతం సంపద మిగిలిదింది. దీంతో బిలియనీర్ హోదా కూడా కోల్పోయాడు. అయితే చైనా ప్రభుత్వ నిర్ణయాన్ని వ్యతిరేకించే సాహసం ఆయన చేయలేరు. చేస్తే శాల్తీ కూడా కనిపించదు. అందుకే.. మౌనంగా రోదిస్తున్నాడు. ఈ బాధ ఆయనొక్కడితే కాదు.. చైనాలో ఇలాంటి ఎడ్యూకేషన్ యాప్‌లు నిర్వహిస్తున్న వారందరిదీ అదే బాట. అందరూ సంపదను కోల్పోయారు.