LPG Cylinder Price Cut: న్యూఢిల్లీ / హైదరాబాద్: దేశ వ్యాప్తంగా నూతన సంవత్సర వేడుకలు జరుపుకుంటున్నారు. న్యూ ఇయర్ కానుకగా ఊరట కలిగించే శుభవార్త వచ్చింది. చమురు మార్కెటింగ్ సంస్థలు జనవరి 1, 2025న కమర్షియల్ LPG సిలిండర్ల ధరను తగ్గించాయి. ఢిల్లీలో నేడు 19 కిలోల వాణిజ్య సిలిండర్ ధర రూ. 1,804కి పడిపోయింది. గతంలో రూ. 1,818.5 ఉన్న సిలిండర్ ధర రూ. 14.5 తగ్గింది. దాంతో పాటు జెట్ ఇంధనం లేక ATF ధరలు సైతం నూతన సంవత్సరం రోజు బుధవారం 1.54 శాతం దిగి రావడం విశేషం. కానీ ఇంటి అవసరాల కోసం వినియోగించే సిలిండర్ల ధరలు యథాతథంగా ఉన్నాయి. నేడు 14.2 కిలోల డొమెస్టిక్ ఎల్‌పిజి సిలిండర్ల ధర (LPG Cylinder Price)లో ఎలాంటి మార్పు లేదు.
5 నెలల తరువాత ఉపశమనం..
ఐదు నెలలపాటు వరుసగా పెరిగిన కమర్షియల్ సిలిండర్ ధర నూతన సంవత్సరం సందర్భంగా దిగొచ్చింది. గత నెలలు ప్రతినెల ఒకటో తేదీన కమర్షియల్ ఎల్పీజీ ధరల్ని చమురు కంపెనీలు పెంచుతూ వచ్చాయి. చివరగా డిసెంబర్ 1న 19 కిలోల కమర్షియల్ సిలిండర్‌పై రూ.16.5 పెంచారు. గత ఐదు సవరణలలో వాణిజ్య సిలిండర్ ధర రూ. 172.5 మేర పెరిగింది. గృహావసరాలలో ఉపయోగించే వంట గ్యాస్ సిలిండర్ ధర 14.2 కిలోల సిలిండర్‌పై రూ.803 వద్ద కొనసాగుతోంది. వీటి ధర యథాతథంగా ఉంది.
పలు నగరాల్లో ఎల్పీజీ సిలిండర్ ధరలు
జనవరి 1, 2025న సవరించిన ధరల తర్వాత, ఢిల్లీలో 19 కిలోల సిలిండర్ ధర రూ. 1,804కు దిగొచ్చింది.
ముంబైలో 19 కిలోల కమర్షియల్ సిలిండర్ ధర రూ. 1,756
కోల్‌కతాలో 19 కేజీల కమర్షియల్ సిలిండర్ ధర రూ. 1,911
చెన్నైలో 19 కేజీల కమర్షియల్ సిలిండర్ రూ. 1,966.
హైదరాబాద్ గృహ అవసరాలకు వినియోగించే 14.2 కేజీల డొమెస్టిక్ ఎల్పీజీ సిలిండర్ ధర రూ. 855గా ఉంది. 19 కేజీల కమర్షియల్ సిలిండర్ రూ.2030కి దిగొచ్చింది.
జనవరిలో దిగొచ్చిన ATF ధరలు
ఏవియేషన్ టర్బైన్ ఇంధనం (ATF Price Today) ధర కిలోలీటర్‌కు రూ. 1,401.37 లేక 1.54 శాతం మేర తగ్గింది. దేశ రాజధాని ఢిల్లీలో కిలోలీటర్ ధర రూ. 90,455.47కి దిగొచ్చింది. గత ఏడాది డిసెంబర్ నెలలో కిలోలీటర్ ధర 1318.12 మేర పెరిగింది. నవంబర్ నెలలో సైతం ఏటీఎఫ్ కిలో లీటర్ ధర రూ.2,941.5 మేర పెంచారని తెలిసిందే.
Also Red: ITR Filing: పన్ను చెల్లింపుదార్లకు గుడ్‌ న్యూస్‌ - ITR ఫైలింగ్‌ గడువు పెంచిన టాక్స్‌ డిపార్ట్‌మెంట్‌